بعدما أثارت ضجة كبيرة.. مطربة “تيجي نتجوز بالسر” تعلق على قرار منعها من الغناء

كشفت المطربة اللبنانية، سارة الزكريا، تفاصيل التحقيق الذي أجرته معها نقابة المهن الموسيقية، بعد اتهامها بالإساءة إلى المصريين خلال الحفل الأخير الذي أحيته بالساحل الشمالي.

وقالت: “نقابة المهن الموسيقية برئاسة الفنان مصطفى كامل، سألوني إيه حصل بالظبط، قولت عندنا حفلة في الساحل وكان عليها إقبال كتير، وفي ناس كتير شهرت بيا وكان كله كذب، وقولت إن كان عندي حفلة في الساحل وكان في جمهور مصريين كتير وأجانب، كانت حفلة ناجحة، بالنسبة للألفاظ بشيء على المسرح، أنا قولت إيفيه لرضا البحراوي، وهو لو فاكر يا حياتي بعدك واجعنا تعالى وامسك في دراعنا.

. العالم اليوم بيحرفوا الكلام زي ما هما عايزين بالباطل، وده إفيه لرضا ومعروف، ولكن أنا ملفظتش بشيء ولكن لو الجمهور تلفظ يبقى أنا أتحمل ألفاظ الجمهور”.

وأضافت: “أنا موصفتش الشعب أنه مبرشم، ولا يمكن أسيء لجمهور جاي يحضرلي، ولكن الحمد لله محبيني كتار وأنا عمري ما بوصف شعب، أنا بمزح مع جمهوري بقولهم أنتم مبرشمين ولا إيه بتتعاطوا مخدرات، أنا كتير بتحمل كلام على المسرح من مزح الجمهور وبعرف محبتهم ليا.. التحقيق كان بسبب برضو جملة “الكلب ابن ستين كلب”.. ده إفيه وموجود في أغنيتي وهو الكلب إيه ما هو ابن كلب، ومقولتش لحد بعينه أنت كذا”.

وتابعت: “استخدموها كإيحاءات جنسية ازاي، وكل الفنانين بيقولوها اشمعنى سارة؟ البرشام عندكوا اسمه حبوب، لكن عندنا العكس، أنا بعتذر للناس اللي مفكرة إن سارة جاية تهين شعب.. ومصر ولبنان إيد واحدة، ومستحيل أهينه، أنا مع قرار النقابة والعين مبتعلاش على الحاجب، والنقابة بتحافظ على الوضع الفني، والألفاظ، مبسوطة أن في نقيب جه لمصر زي مصطفى كامل ضبط الوضع شوية وبتنام وبتصحى تلاقي أغاني كويسة مفيهاش ألفاظ”.

المصدر: تركيا الآن