حمزة نمرة يحصد أول مليون مشاهدة بـ أغنية "مرايات"
تاريخ النشر: 4th, September 2023 GMT
حققت أغنية “مرايات” للفنان حمزة نمرة مليون مشاهدة، بعد طرحها بأربعة أيام عبر قناته الرسمية على موقع الفيديوهات الشهير “يوتيوب”، ونالت الأغنية إعجاب الجميع وحصدت إشادات كبيرة من قبل الجمهور على السوشيال ميديا.
من هم صناع أغنية مرايات؟
أغنية "مرايات" تعد الأغنية الحادية عشر من ألبوم حمزة نمرة التي يضم ثلاث عشر أغنية، والأغنية من ألحان حمزة نمرة من كلمات محمود فاروق، توزيع وميكساج أندريه مينا، جيتار حمزة نمرة، وتريات Steve Turner.
مرايات والصورة عكس الصورة
عمري في المرايات
وسنين جوّه صورة
وشريط ذكريات
وشكلك الملخبط
وعقلك لما خطط
يتنطط قلبك يزقطط
لما قالتلك حبيبي
أحلامك مش مقاسك
لأ دي أكبر نمرتين تلاتة
عكس اتجاهك
ماشي وانت مش خايف كالعادة
مجنون معجون بمية العفاريت محبوس
مستنني لحظة حظ ينفتح فيها الفانوس
أيام ما كنت تقدر
تنام ٨ ساعات
وتعدي ليلة كاملة
من غير ما تشوف كابوس
مرايات والصورة عكس الصورة
عمري في المرايات
وسنين جوّه صورة
وشريط ذكريات
كابوس اسمه الفلوس
عمال يدوس
ياما فرّق حبايب
وياما غير نفوس
خلاك تشوف للدنيا وش مش عامل حسابه
والواقع غصب عنك بقى يقرا لك من كتابه
حياة تفاوضك تساومك وشيء في شيء
تحاوطك تمضيك تنازل عن كل شيء
ما خطرش يوم في بالك
إن الفراق ده فرض
وإن الزمن ها يدلق
أحلام كتير ع الأرض
مرايات والصورة عكس الصورة
عمري في المرايات
وسنين جوّه صورة
وشريط ذكريات
مرايات والصورة عكس الصورة
عمري في المرايات
وسنين جوّه صورة
وشريط ذكريات
في الأرض لفيت ودورت شرق وغرب
والقلب بيقول امتى هنرتاح يارب
غمضت عينك فتحت لقيت الشعر شاب
فجأة لقيتك
في آخر صفحة في الكتاب
يا أيها الولد
ما بقاش فاضل كتير
لو ده اللقا الأخير
أشوفك وشك بخير
هيوحشني لقاك
لو بعد ميت سنة
خد بالك من حبايبك وأولهم أنا
مرايات والصورة عكس الصورة
عمري في المرايات
وسنين جوّه صورة
وشريط ذكريات
مرايات والصورة عكس الصورة
عمري في المرايات
وسنين جوّه صورة
وشريط ذكريات
وكان طرح حمزة نمرة، قد على مدار الشهر الماضي 11 أغنية من أغاني ألبومه الجديد "رايق" الذي يضم 13 أغنية وبذلك متبقي من ألبومه أغنيتين فقط، ومن أبرز الأغاني: "أنا الطيب، مش سليم، لعله خير، عالم كدابة، أكيد راجعين، يا سفينة، غروب، شيخ العرب، رايق، الإسكندرية، مرايات، رياح الحياة".
المصدر: بوابة الفجر
كلمات دلالية: أغنية مرايات كلمات أغنية مرايات أنا الطيب مش سليم عالم كدابة ألبومه الجديد رايق حمزة نمرة
إقرأ أيضاً:
برسالة نارية ..حمزة علاء يرد على رفضه عقد جلسة التجديد في الأهلي
وجة حمزة علاء حارس مرمى النادي الأهلي، رسالة بعد أرتباط اسمه بالرحيل وعدم التجديد للنادي خلال الفترة المقبلة.
ونشر حمزة علاء عبر حسابه على انستجرام: «يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ».
وتابع: «رسالة لجماهير النادي الأهلي الغالية، حابب أوضح حاجة مهمة بخصوص الكلام اللي اتقال عني في الإعلام مؤخراً، واللي بيقول إني رفضت أقعد مع إدارة النادي أو الناس المسؤولة في النادي اللي أتشرف بالانتماء ليه منذ طفولتي وحتى الآن. الكلام ده كله مش حقيقي ومفيش منه أي حاجة صح».
وأضاف: «أنا عمري ما اتأخرت عن أي اجتماع يخص مصلحة النادي، وبحترم كل شخص مسؤول في الكيان ده، وموجود دايماً علشان أسمع وأتكلم في أي وقت يتطلب كده».
واستكمل: «النادي ده ليه مكانة كبيرة عندي، و كل يوم بفتخر إني بلبس التيشرت بتاعه، وبحس دايماً بدعمكم اللي لا يقدر بثمن، واللي هو الدافع الحقيقي في كل يوم ليا في نادينا العظيم».
وأشار: « الجمهور النادي الأهلي، أنتم ليكم فضل كبير جداً جداً عليا، و أنتم سبب كبير جداً و رئيسي في اللي وصلت له، مستحيل أنكر عمرهم ما كانوا عاديين، وأنا شايل ليكم تقدير وحب كبير فوق ما تتخيلوا، و بعتقد أن أنا حبي للنادي و للكيان ملوش حدود».
واختتم: «عمري ما أقدر أغلط ولا في النادي ولا في جمهوره ولا في أي مسؤول داخل النادي، و أنا مش الشخص اللي يكون له موقفه مع النادي، فأنا أتشرف بالانتماء ليه و لجماهيره».
"الصحة الفلسطينية": الاحتلال يواصل ارتكاب المجازر بحق شعبنا في غزة