«بزعل».. خالد عليش يعرب عن استيائه من ارتفاع نسب الطلاق

كشف الفنان والإعلامي خالد عليش عن استيائه من ارتفاع نسب الطلاق في مصر خلال الفترة الأخيرة، مشيرا إلى أننا أصبحنا نعيش في استسهال بمحاولة كل طرف الاستغناء عن الآخر.

وكتبخالد عليش عبر حسابه الرسمي بموقع التواصل الاجتماعي «فيسبوك»: «أنا بزعل جدًا لما بعرف خبر عن اتنين بيحصل انفصال بينهم خصوصا لو عدى على علاقتهم سنين وعشرة وبينهم أطفال.

. أنا مؤمن جدًا أن الانفصال حتمي في حالة المشاكل الكبيرة والوصول لحائط مسدود».

الفنان خالد عليش

وأضاف: «وأما تخلص كل الحلول المتاحة ويمكن ده اللي حصل معايا في تجربة زواجي الأولى أنا مكنتش عايز انفصل بس فجأة مفيش حل غير الانفصال».

وتابع: «أنا طبعا معرفش رواية كل اتنين انفصلوا ولا إيه الأسباب ورا ده ويمكن يكونو جربوا كل الحلول وفشلوا.. بس اللي أنا شايفة إن النسبة بتزيد أوي بقى في استسهال واستغناء والحالات كترها بقى يخوف أوي احنا مبقناش باقيين على بعض ولا قادرين نستحمل بعض لا ست ولا راجل.. مش مرتاحة معاه هامشي.. مش مرتاح معاها هاجري».

خالد عليش وميما الشامي

وأردف: «أنا بقيت كل ما أسمع خبر انفصال بزعل جدا ومش بتكلم بس على شخصيات عامة بص حواليك هتلاقي نماذج كتير.. لو سمحت يا جماعة نستحمل بعض.. نبقى باقيين على بعض.. مهمين في حياة بعض.. مقدرين بعض.. بلاش تستسهلوا الانفصال الموضوع مؤذي جدا لكل الأطراف حتى لو مفيش أطفال ما بالك بقى لو في أطفال».

اقرأ أيضاً«صوتك يهمس دائما في أذني».. خالد عليش يتصدر تريند جوجل بسبب أبنته

متحور كورونا الجديد يحتجز خالد عليش وزجته ميرهان عمرو في جنوب أفريقيا

مؤتمر صحفي لإعلان تفاصيل ملتقى فنون ذوى القدرات الخاصة «أولادنا»

المصدر: الأسبوع