مدير أعمال تامر حسني ينجو من حادث خطير «صورة»
تاريخ النشر: 2nd, September 2023 GMT
كشف مدير أعمال الفنان تامر حسني، تامر يحيى عن نجاته من حادث خطير أثناء عودته من مدينة العلمين الجديدة خلال الساعات القليلة الماضية، مشيرا إلى أنه أصيب بكسر في الأنف، بالإضافة إلى، كسور وخدوش في الساق.
وشارك تامر يحيى عدا من صور الحادث وتحطم السيارة عبر حسابه الرسمي بموقع التواصل الاجتماعي فيسبوك، وعلق عليها قائلا: «مافيش كلام ينفع يتقال غير الحمد لله و بشكرك يا رب علي كل حال و في كل حال و من اجل كل حال و علي كل تجربه صعبه انت بتحطني فيها علشان تفكرني دائما بوجودك في حياتي».
مدير أعمال تامر حسنيوأضاف: «بتكون رساله سواء انت بتحبني و بتفديني من حاجه اكبر كان ممكن تحصل ليا او لحد غالي عندي او بتكون عايز تفكرني انا فيه خطأ في حياتي محتاج انتبه ليه و اصلحه و الحمد لله انا عندي ايمان شديد بتجارب ربنا و نعمه الكبيره في حياتي».
وأردف: «أنا و محمد السواق الجميل اللي معايا ربنا نجانا من الموت امبارح في حادثه من أكبر الحوادث اللي عملتها في حياتي، واحنا راجعين امبارح من العلمين الساعه ١.٣٠ ظهرا فجأه ظهرت عربيه نقل قدامه واقفه في نص طريق وادي النطرون في الحاره الثالثة».
وتابع: «هو كان قبلها بثواني بيحاول يشغل حاجه في الشاشه اللي قدامه فمكانش في كامل تركيزه علي الطريق و ما قدرش يتفاداها، العربيه هربت من موقع الحادث بسرعه علشان عارف طبعا انه غلطان و انا و محمد ما قدرناش ننزل من العربيه غير بعد تقريبا ربع ساعه علشان الدم كان مغرق العربيه و المشكله اللي عقلي مش قادر يستوعبها انه ازاي مافيش ولا air bag فتحت».
وواصل: «انا مش هقدر اعدي الموضوع ده من غير ما الاقي اجابه فنيه ليه لاني لو عرفت انه ده خطا فني في اللي برمج السوفت وير او ركب السينسورز انا مش هسيبه الا لما اسجنه لانه كان حياتي هتنتهي او اعيش بتشوهات في وشي طول عمري بسبب عدم فتح اي air bag، أنا حصلي نزيف جامد بسبب كسر في مناخيري و قطع اخذ ٨ غرز و قطع داخل الفم اخذ ٣ غرز و شرخ في الساق و غاليا هعمل عمليه في مناخيري بعد ٥ ايام».
اقرأ أيضاًتمارين شاقة وجسم مثالي.. هكذا تقضي بسمة بوسيل وقتها بعد تامر حسني (فيديو)
تامر حسني كان عاملاً في بنزينة وكاظم الساهر بائعًا للآيس كريم.. أبرز مهن الفنانين قبل الشهرة
تامر حسني بصحبة أطفاله في أول يوم مدرسة.. «صور»
المصدر: الأسبوع
كلمات دلالية: تامر حسني البوم تامر حسني الجديد فيلم تامر حسني تامر حسني وبسمة بوسيل بسمة بوسيل وتامر حسني تامر حسني تاج تامر حسنی فی حیاتی
إقرأ أيضاً:
"أي كلمة بتضايقني بحولها لطاقة نجاح".. تامر حسني يوجه رسالة للشباب
دئمًا ما يسعى نجم الجيل تامر حسني على دعم الشباب وتوجيه رسائل لهم لتشجعيهم وتحقيق أحلامهم، باستشهاد لبعض المواقف خلال مسيرته الفنية، حيث كشف مؤخرًا عن سبب استمراره في تأليف وتلحين أغانيه، وذلك عبر حسابه الرسمي على موقع الصور والفيديوهات "إنستجرام".
وكتب تامر حسني: "زمان وأنا ببدأ حياتي مكنتش ناوي إني أصمم أكتب أغانيا وألحنها، عملت أول لحن في حياتي لأغنيه اسمها راحت حبيبتي في ألبوم تامر وشيرين، وإنتوا عارفين الألبوم ده إزاي نجح وكل أغانيه نجحت، وكانت الأغنية كلمات الشاعر الكبير بهاء الدين محمد، طلع صحفي ينتقدني وكتب هو أنت لحقت تنجح عشان تلحن".
وتابع: “فسألت نفسي هو كتب كده ليه مع إن الأغنية من أنجح أغاني الألبوم وأكتر أغنية ساعتها أثرت في الشباب، فسألت هو مين الصحفي ده طلع صاحب مطرب معين فعرفت إنه يمكن يكون غيران شوية وخلاص، بعد شوية نزلت أغنية عيونه دار وكسبت مسابقة كبيرة جدًا في مصر ساعتها على نجوم اف إم، وأخدت لقب أغنية القرن، فطلع نفس الصحفي كتب إنت مصمم تلحن ليه تخيلوا أغنية حاصلة على لقب أغنية القرن وبتتحارب !!! من هنا خدني الحماس أدور جوه نفسي وأركز جامد إني أغيظه ومش بس ألحن لاء أنا هلحن وهكتب أغانيا”.
وأردف: "وفعلًا من قلبي بشكر الصحفي والمطرب اللي خلاه يكتب كده لآن لولاهم مكنتش عملت الأغاني اللي هذكرها دي ومكنتش هبقى في مكانتي دي وياريت تركزوا إنهم كلهم كلامي ولحني عشان في ناس كتير متعرفش (نور عيني، كل مره، لما بتكون بعيد، أنا مش عارف اتغير، يا بنت الايه، قسمة ونصيب، هي دي، أنا ولا عارف، يا تاعبني، ضحكتها مبتهزرش، ماتوصينيش، إرجعلي، ميحرمنيش منك، الله يباركلي فيك، صوتِك، بغير عليها، اسكتي، حرقة دم، زي الأيام دي، تليفوني رن، سي السيد، 100 وش، هدلعني".
واختتم تامر حسني قائلًا: "طبعًا لسه في أغاني كتير بس دول اللي حضروا في ذهني دلوقتي ولما لحنت وألفت لغيري كانوا أغنيتين (قوم اقف وأنت بتكلمني لبهاء، وبص بقى لشيرين)، كل دول كلماتي وألحاني تخيلوا بقى قد إيه الصحفي ده والمطرب اللي زقه عليا فادوني في مستقبلي قد إيه كلمة جارحة المقصود منها تحطيمي بكرم ربنا أقدر أحوّلها لأحد الأسباب اللي تخليني أنجح وأكمل 20 سنة من كلامي وألحاني بكتب البوست ده عشان عارف إن كتير مننا بيسمع كلام مُحبط كل يوم فبلفت نظره إنه عنده فرصة كل يوم إنه يسمع كلمة تضايقه عشان يحولها لطاقة نجاح عظيمة تفرق في مستقبله وحياته".
مدبولي: برنامج الطروحات يهدف إلى تعظيم الاستفادة من أصول الدولة