طلاق وحادث لطفلته.. أزمات تلاحق أحمد سعد

تداول رواد موقع التواصل الإجتماعي "فيس بوك" صورة لـ "مريم" إبنة الفنان "أحمد سعد" الرضيعة، بعد تعرضها لحادث أليم وذلك برفقه جدتها 
وعمتها وشقيقتها.

 

أحمد سعد وابنته مريم

ونشر المنسق الإعلامي للفنانين "هاني عزب" صورة الطفلة من خلال صفحته الشخصية ويبدو على جسمها ملامح الإصابة ومعاناتها من كسور خطيرة في أماكن متفرقة من جسدها.

وأصيبت رضيعة أحمد سعد بخلع في أحد عظام القدم، وتبلغ من العمر ٤٠ يوما.

انفصال أحمد سعد وعلياء بسيوني 

وتصدر اسم الفنان أحمد سعد وطليقته علياء بسيوني مواقع التواصل الإجتماعي بعد إعلان علياء طلاقها من أحمد سعد، وذلك من خلال حسابها الشخصي بموقع تبادل الصور والفيديوهات إنستجرام عبر خاصية الاستوري.

وكتبت علياء بسيوني: “الحمد لله على كل شيء، تم الطلاق بيني وبين أحمد من شوية بناءً على رغبته، حابة أشكر أحمد جدًا على أصله غير الطيب ومعدنه السيئ، وحابه أقوله شكرًا على قرارك اللحظي غير الموفق في خراب بيتنا وتدمير أسرتنا الجميلة، اللي أنا حقيقي تعبت فيها لوحدي تمامًا”.

وتابعت: “حاولت وعديت بمواقف مفيش حد في مكاني يقبلها عشان الأسرة دي، وعشان المشوار اللي أنا ابتديته ومكنتش حابه إنه ينتهي، شكرًا على توقيتك الجميل، وأنا قاعدة ببنتي 3 أيام وأنت مش عارف حاجة عشان مشغول في الساحل وخروجات وبعدها شغلك”.

وأضافت: “أكبر شكر على المقلب اللي أنا أخدته في العلاقة دي، واللي كنت فاهمه إن ليها قيمة، ببني وبضحي وبتنازل عشانها وانت طلعتها ولا تسوى، وربنا معايا أنا وبناتي في اللي جاي، وينتقم منك ويديلك على قد كل حاجة حصلت”.

أحمد سعد وعلياء بسيوني 

آخر أعمال أحمد سعد 
 

وجدير بالذكر أن كانت، آخر أعمال أحمد سعد أغنية يا ليالي التي غناها برفقة النجمة روبي، وهي الأغنية التى تجمع بينهما لأول مرة، من كلمات فلبينو، وألحان أحمد طارق يحيى، وتوزيع موسيقى أحمد طارق يحيي واسماعيل نصرت، وميكس وماستر هانى محروس، ومن إخراج أحمد عبد الواحد.

كلمات أغنية يا ليالي
يا ليالي روحي لحبيبي وناديه
وامانة عليكي
تقولي له حالي ايه
من يوم غيابه
روحي رايحة عليه
ما نامتش عيوني
وان ناموا بيحلموا بيه
يا ليالي روحي لحبيبي وناديه
وامانة عليكي
تقولي له حالي ايه
من يوم غيابه
روحي رايحة عليه
ما نامتش عيوني
وان ناموا بيحلموا بيه
مش قادرة في بعده اعيش
(وقولي له كفاية)
(ويخلي لبعده نهاية)
(مش عايزة أنا غيره معايا)
والباقي ما يلزمنيش
يا ليالي
(عن شوقي وناري احكي له)
(يا يجيلي يا إما اجيله)
مش قادرة في بعده اعيش
(وقولي له كفاية)
(ويخلي لبعده نهاية)
(مش عايزة أنا غيره معايا)
والباقي ما يلزمنيش
زي الليلة دي انا كنت معاه
وفي حضنه بالاقي
كل اللي انا باتمناه
يا ليالي بقى كدة حالي يرضيه
مش باعمل حاجة
غير اني بافكر فيه
زي الليلة دي انا كنت معاه
وفي حضنه بالاقي
كل اللي انا باتمناه
يا ليالي بقى كدة حالي يرضيه
مش بعمل حاجة
غير اني بافكر فيه
روحي يا ليالي
(عن شوقي وناري احكي له)
(يا يجيلي يا إما اجيله)
مش قادرة في بعده اعيش
(وقولي له كفاية)
(ويخلي لبعده نهاية)
(مش عايزة أنا غيره معايا)
والباقي ما يلزمنيش
يا ليالي
(عن شوقي وناري احكي له) روحي له
(يا يجيلي يا إما اجيله)
مش قادرة في بعده اعيش انا انا
(وقولي له كفاية)
(ويخلي لبعده نهاية)
(مش عايزة أنا غيره معايا)
والباقي ما يلزمنيش.

المصدر: بوابة الفجر