لجان المقاومة تبعث برسالة للخونه والعملاء أولياء الشيطان وتمهل الدعم السريع «7» أيام
تاريخ النشر: 2nd, September 2023 GMT
الخرطوم – نضال عثمان
ارسل الترس سامي ادريس الشهير بسمبا عضو منصة لجان المقاومة وعضو ميثاق شعب أهل السودان ومبادرة سوا بنقدر ارسل رسالة للخونه والعملاء أولياء الشيطان واتراعه من يسمون انفسهم ساسة وسياسيين قائلا قد أنزل الوطن عليكم عقوبة الإبن العاق ونوعدكم أن تنفيذ هذه العقوبة ستكون بايدينا ولن نكتفي حتى يرضى الوطن أو ينبذكم.
وقال الترس سمبا رسالتنا للقوات المنتهكة الغاشمة مليشيا الدعم السريع لقد تجوازتم كل سيناريو رويتوه عن أسباب حربكم هذه بل تجاوزتم كل الاعراف والدساتير والعهود لذا نحن اصحاب البيوت التي احتليتموها والمدينة التي نهبت واستباحت باسوء الطرق ننذركم ونمهلكم سبعة ايام هي لحكمة نعرفها أن تتركو كل شي وتعودو من حيث اتيتم أو سترون غضبة الحليم وتواجهون قوة التروس التي لاتقهر وحينها لن تنفعكم الوعود الخارجية الكاذبة ولا ماتتلقونه من دعم ومدد معظمكم يعلمنا ويعرف مانحن قادرون وختم سمبا رسالته عودو لعقلكم واحقنو الدماء أو واجهو الجحيم بعينه فليعلم الجبناء اننا قادمون.
المصدر: نبض السودان
كلمات دلالية: المقاومة برسالة تبعث لجان
إقرأ أيضاً:
انتصار الجيش في الخرطوم وضع الدعم السريع في اول سلم الانهيار
ابواق اعلام المليشيا عشان يخففوا الصدمة علي ناسهم شغالين في دعاية بتقول نمشي ونجي تاني نشيل منهم الخرطوم زي ما الجيش شالها..
طيب عشان تفهم الجيش لمن حرر الخرطوم كان عنده فيها قواعد عسكرية ومعسكرات سنتين ما سقطت…
القيادة العامة و سلاح الاشارة
قاعدة حطاب ومعسكر العليفون
المدرعات وسلاح الذخيرة
الكدرو
وادي سيدنا والمهندسين
– في ساعة الصفر المعسكرات دي اتحركت واطبقت علي العاصمة وعبرت الجسور والتحمت مع بعض وفرضت واقع ميداني ادي لتحرير العاصمة.
– هسي انت لمن عردت وجريت خليت وراك شنو ؟؟
– عندك ياتو قاعدة ولا معسكر؟
– الكلام ساهل ولو عايز تغش ناسك ديل انت حر لكن الحرب كلها انتهت باذن الله وانتصار الجيش في الخرطوم دا وضع الدعم السريع في اول سلم الانهيار والتفكك وحوله الي مجرد حركة تمرد في اقليم من اقاليم السودان وباذن الله يوم الجيش يصل الضعين او زالنجي حتي مواطن دارفور وكردفان حينقلب عليك ويحاربك.
Alnour Sabah