أغنية "رياح الحياة" لـ حمزة نمرة تحقق 10 ملايين مشاهدة على يوتيوب
تاريخ النشر: 2nd, September 2023 GMT
حقق الفنان حمزة نمرة نجاحًا كبيرًا وشهرة واسعة برابع أغنيات الألبوم «رياح الحياة»، حيث لاقت الأغنية إعجاب الكثير من الجمهور، وأصبحت ضمن أفضل الأعمال الغنائية التي تم طرحها خلال السنة، متصدرة قائمة الأغاني الأكثر استماعًا وتداولًا في مصر والوطن العربي عبر موقع «اليوتيوب»، والمنصات الغنائية الرقمية المختلفة.
ووصلت أغنية «رياح الحياة» إلى 10 ملايين مشاهدة على يوتيوب، خلال أسابيع قليلة من طرحها، وهى من كلمات محمود فاروق، ألحان حمزة نمرة، توزيع وميكساج كريم عبد الوهاب، جيتار مصطفي أصلان، باص جيتار أحمد رجب، تنفيذ وتريات أحمد عاطف.
المطرب حمزة نمرة
ماهي قصة أغنية رياح الحياة ؟
وكان تحدث الفنان حمزة نمرة عن قصة أغنية «رياح الحياة» خلال استضافته ببرنامج «أجمد 7» عبر إذاعة «نجوم إف إم»، وقال: «بعتبر أغنية رياح الحياة من أبرز الأغاني اللي موجودة في الألبوم، وهي بتحكي عن قصة حقيقية عن فترة التجاوز ما بعد العلاقات الفاشلة، وتحدثت مع الشاعر محمود فاروق عن فكرة الأغنية وأننا ننفذها بنوع من الطبطبة الذاتية، ومحمود كتب الكلام مرة واحدة وكان بشكل مُتسلسل وكلام بيسلم كلام، ومقدرتش أشيل جمل كتير».
أغنية رياح الحياة
وتابع: «فكرة التجاوز مش بس بتكون في العلاقات العاطفية لا والاجتماعية أيضًا، ولما جيت أنفذ الأغنية لحنتها واتعلقت بيها وبكلماتها، ودائمًا بحرص علي أخذ رأي أصدقاء مقربين مني وبثق في رأيهم منهم زوجتي وأولادي، وهما شاوروا على هذه الأغنية بالذات، ولذلك كنت بحاول أعمل أحسن حاجة فيها عشان تطلع للجمهور بشكل كويس».
تهبي يا رياح الحياة
ديمًا بما لا أشتهيه
واللي السنين مقدماه
غير اللي قلت نفسي فيه
يلاقي قلبي فين دواه
واللي أذاه أقرب ما ليه
ده جرح ببعلّم!
وصعب تسكن الألام
واخرج من اللي فات سليم
وصعب لمّا اروح انام
ما افضلش اراجع القديم
طلع مُكلّف العلام
وخدت درس في الصميم
ولسه بتعلّم
ركز يا قلبي في اللي جاي
وألف شكر للي باع
ما صانش حتى بوء شاي
سلام يا ٣٠٠ وداع
واللي لقانا ما يساعوش
فخانة الوداع تساع
مشاعرنا مش لعبة
ما تتشغلش باللي فات
خليك يا قلبي في المفيد
كبر لأي ذكريات
ركز وبس في الجديد
لازم نقسّم الخانات
بمين قريب ومين بعيد
الحسبة مش صعبة
فرحت م الساعات ساعات
ودقت م الحاجات حاجات
وعشت م السنين سنين
ونابني م اللي فات فتات
وم الحبيب جواب حزين
وأسئلة بلا إجابات
حيرة ورا حيرة
حتى السعادة يوم ويوم
حتى المحبة خد وهات
وكل كوم وكومي كوم
زمن بيرمي إفيهات
وزي عادتي اصوم اصوم
واسد جوعي ذكريات
وافضها سيرة
آخرتها يا زمن عنيد
كله سبق وانا الوحيد
اللي مشيت ورا سراب
واللي بدأت من جديد
الكل شاف اللي وراه
حاسبت انا ع المشاريب
لوحدي كالعادة!
مش باقي غيري في المكان
مش باقي حاجة من اللي كان
مش باقي غير وجع زمان
وهمس ذكرى في الودان
طاوعت حظى لما قال
أصبر لكل شيء أدان
يا حظ ما تأدن!
وفي سياق آخر، يستعد الفنان حمزة نمرة لإحياء حفلًا غنائيًا بالعاصمة الأمريكية واشنطن يوم 8 سبتمبر، ثم ديربورن بولاية ميشيغان الأمريكية، وصولا لليوم الثالث بحفل في ولاية شيكاغو، قبل أن يتجه إلى أوروبا ليحيي حفلًا في باريس يوم 15 سبتمبر، مرورا بعدها بيوم بمدينة اوترخت الهولندية، ليضع مسك الختام على جولة حفلاته في مدينة مالمو بالسويد 17 سبتمبر.
المصدر: بوابة الفجر
كلمات دلالية: أغنية رياح الحياة المطرب حمزة نمرة كلمات أغنية رياح الحياة أغنیة ریاح الحیاة حمزة نمرة
إقرأ أيضاً:
لطيفة تطرح كليب "مطول الوجع" وتتخطى 10 ملايين مشاهدة بألبوم "مفيش ممنوع"
تابع أحدث الأخبار عبر تطبيق
تواصل النجمة لطيفة طرح كليبات ألبومها "مفيش ممنوع"، إذ طرحت كليب أغنية "مطول الوجع" سادس أغاني الألبوم عبر قناتها الرسمية بموقع الفيديوهات العالمي يوتيوب.
الأغنية تميل للطابع الدرامي، وهي من كلمات حسام سعيد، وألحان محمود أنور، وتوزيع تميم، وإخراج شريف ترحيني.
وتقول كلمات أغنية "مطول الوجع":
"مطول الوجع شكله .. ولسه مطوله مشاكله
ومش عارفه هفوق امتى من اللي انا فيه
مشفتش راحه كن بعده .. وبقى كله شبه بعضه
وأي محاولة للنسيان بتفشل ليه
مسبتش حد جه قدامي مسألتوش.. بينسى إزاي ولو في مكاني يعمل ايه
عملت اللي قالوه كله ومنستهوش .. بقيت بالعكس عماله أكتر أفكر فيه
في حاجة ف دنيتي ناقصة .. وحرفيا أنا ف كارثة
عشان ده بجد كل حياتي واقفه عليه
حياتي أنا كان مرتبها .. مقاليش بعد ما يسيبها
هكمل بعد منه إزاي وهعمل إيه!".
وحصدت لطيفة حتى الآن ما يزيد على 10 ملايين مشاهدة للأغاني التي طرحتها من ألبومها الجديد، كما تصدرت التريند في العديد من الدول العربية.
الجدير بالذكر إن ألبوم "مفيش ممنوع" للنجمة لطيفة يضم 10 أغاني، وطرحته كاملا عبر كافة منصات الموسيقى، كما تطرح يوميا فيديو كليب من أغاني الألبوم، إذ صورت أغاني الألبوم كاملة، ومنها 6 أغاني بالذكاء الاصطناعي Ai مع المخرج وليد ناصيف، وأغنيتين مع المخرج شريف ترحيني، وأغنية مع المخرج جميل جميل المغازي.
بالعلامة الكاملة.. فنزويلا تحجز مقعدها في ربع نهائي كوبا أمريكا