"العري فاق الوصف".. شيماء سيف تخرج عن صمتها وتهاجم ملابس بعض الفتيات

هاجمت الفنانة شيماء سيف، ملابس بعض الفتيات في فصل الصيف، ومنهم المايوهات التي يرتدونها أثناء المصيف، وذلك من خلال منشور لها عبر حسابها الرسمي على موقع تبادل الصور والفيديوهات "إنستجرام".

حيث كتبت شيماء سيف: "خلاص الصيف بيخلص لكن للأسف آثاره مكملة، طول عمرنا بنطلع على البحر ونشوف اشكال والوان مايوهات، لكن السنة دي العري فاق الوصف، المايوه بقي يتلبس في كل مكان مش على البحر بس، توب المايوه اللي في نظري جزء من الملابس الداخلية ودة اكثر وصف مؤدب اقدر اقوله".

شيماء سيف عن ملابس الفتيات: هي البنات دي ملهاش أب أو زوج الدم يجري في عروقه

وتابعت شيماء سيف في حديثه عن ملابس الفتيات: "توب المايوه بقي اللبس الرسمي للبنات وفوقه كاش مايوه بيبين اكثر ما بيستر، هي البنات دي مالهاش أب أو  زوج أو أخ قلبهم ياكلهم عليهم والدم يجري في عروقهم؟؟؟ فين نخوة الرجالة، فين حياء البنات، والمصيبة أن كل الأعمار وكل الأحجام مش بتفرق".

منشور شيماء سيف 

واكملت شيماء سيف حديثه قائلة: "الموضوع زاد اووووى تحت مظلة إنه بلاش body shaming وكلام فاضى، فين الحياء ؟؟ ال body ده المفروض نحافظ عليه مش نمتع غيرنا بيه، الغلط غلط ولو كل الناس عملوه، الغلط غلط ولو أصبح عادة الكل، هفضل أقول دة غلط حتى لو كنت لوحدي اللي بقوله".

شيماء سيف: العري مظهر من مظاهر التخلف الفكري خاص | محمود حميدة: "من غير شيماء سيف مكنتش هعمل مطرح مطروح وبحضر فيلم تسجيلي عن واحة سيوة" شيماء سيف تطرح الإعلان التشويقي لفيلمها الجديد "مطرح مطروح" الذكاء الإصطناعي يصدم الجمهور بصور جديدة للفنانة شيماء سيف

ثم أضافت شيماء سيف: "العري مظهر من مظاهر التخلف الفكري واللي فاكر إنه تحضر ماشي وراء القطيع دون وعي.. فين الحياء والعفة والخجل والخصوصية؟؟؟".

شيماء سيف 

وختمت شيماء سيف حديثه قائلة: "بالنسبة للى عنده اولاد صغيرين وبيسالوا اهى ليه البنت دى لابسة كده كل شئ بقي مباح كدة للناس كلها؟ ربنا يستر علينا جميعا ويهدي البنات والاولاد وويشوفوا الغلط غلط مهما كتر، ربنا أرنا الحق حق وارزقنا اتباعه وأرنا الباطل باطل وجنبنا اتباعه".

 

آخر أعمال شيماء سيف

يذكر أن كان فيلم "مطرح مطروح"، من آخر أعمال النجمة شيماء سيف، وشاركه في بطولة هذا العمل كل من محمود حميدة، كريم عفيفي، ليلي أحمد زاهر، سامي مغاوري، محمد السعدني، والعمل كان من تأليف محمد عز، ومن إخراج وائل احسان.

المصدر: بوابة الفجر