طليقة تامر عاشور تكشف موقفها من العودة إليه: “قولوله سماح”

متابعة بتجــرد: أدارت سمر أبو شقة، طليقة الفنان تامر عاشور، حواراً مع جمهورها على خاصية القصص المصورة الملحقة على حسابها الخاص بـ”إنستغرام” كشفت من خلاله تفاصيل شخصية جديدة في حياتها هي وابنتها بعد انفصالها عن تامر، موضحة أنه على تواصل مع ابنتهما بشكل كبير.

وأجابت سمر، على أسئلة متابعيها، حيث ردت على تساؤل أحد المتابعين عن إمكانية عودة الحياة الزوجية بينها وبين تامر مرة أخرى، قائلة: “مفيش احتمال إني أرجع لتامر عاشور، وجالي وقت مكنتش قادرة أسمع أغانيه، بس بسمعه عادي دلوقتي وخصوصا إن “أيام” بنتي بتطلب تسمعه”.

وعن تواصل تامر مع ابنته “أيام” قالت: “أيام بنتي عندها خمس سنين وبتشوف تامر والدها وبياخدها، ومتجوزتش بعد تامر ولا ارتبطت، وإحنا فضلنا متجوزين خمس سنين، اللي بيخلي الست تقرر إنها مترجعش للشخص، لما المشاعر بتتغير والوعود بتتكسر”.

وعن الأغنية التي تفضلها لطليقها تامر عاشور قالت: “بحب جداً لتامر عاشور أغنية “قولوله سماح”، لأنها اتعملت وأنا حامل في أيام بنتي، وكانت في ألبوم اسمه أيام فبحبها أكتر منكوا كلكوا”.

وعن حفل ليلة الدموع، الذي شارك فيه تامر مؤخرًا، قالت سمر أبو شقة: “تامر عاشور هيفضل بابا أيام لطول العمر وأي نجاح له ُينسب لبنتي وهيضيف ليها قدام، أنا وهو لو اختلفنا فده مش معناه بقينا أعداء، وبالصدفة كنت سهرانة مع صحابي وبنشوف هنشغل إيه قولنا هنشغل ليلة الدموع، وطلعت حلوة جدا وشوفت كل الفقرات، وصورت فقرة تامر عاشور زي باقي الفقرات مش أكتر”.

كانت سمر أبو شقة، قد أعلنت انفصالها عن تامر عاشور، في شهر يونيو الماضي، وقالت: “تم الطلاق بشكل رسمي”، وأكدت أنها تكنُّ له كل الاحترام والتقدير، متمنيةً له التوفيق والنجاح في حياته القادمة.

main 2023-08-30 Bitajarod

المصدر: بتجرد