بهذه الطريقة.. حكيم يروج لأغنيته الجديدة "واحد بس"
تاريخ النشر: 30th, August 2023 GMT
روج الفنان حكيم لاغنيته الجديدة "واحد بس"، وذلك عبر حسابه الشخصي بموقع تبادل الصور والفيديوهات "إنستجرام".
ونشر الفنان حكيم البوستر الدعائي للأغنية وعلق عليه قائلًا:"انتظروا اغنية واحد بس بكرة الساعة ٦ مساءً على اليوتيوب وكل منصات الموسيقية ".
حكيم
آخر أعمال حكيم
ويعتبر آخر أعمال حكيم هي أغنية "سيبه"، من كلمات محيى حوار، وألحان هاني فاروق، وتوزيع باسم منير، ومكساج المهندس أحمد جودة، وصوّرها بطريقة الفيديو كليب، وذلك بالتزامن مع أغاني موسم صيف 2023.
كلمات الأغنية
سيبه سيبه آه يا قلبي وسيبه
الشوق هيجيبوا يمسحلك جوخ
سيبه سيبه آه يا قلبي
وسيبه يلعب ألاعيبه واهو مهما تبوخ
لازم يجي يقول سماح
لازم يندم على اللي راح
عايز أقوله ليه ده كله
على إيه منفوخ
عادي عادي واهو مهما يعادي
لا يحب بعادي ولا يستغناش
عادي عادي أن أفضل انادي
ويزيد في عنادي وعايشها طناش
بس جايله برضه يوم
يسهر ويعد النجوم
ليه يلاوعني ما يطاوعني ده معايا هيدوخ
سيبه يبعد سيبه يعند
سيبه يعمل انك دايما مش فارق معاه
سيبه يرسم سيبه يحلم سيبه
يركب أعلى خيله هيجيني بهواه
يراضيني يداديني وأبقى أنا مرتاح
لازم ييجي يقول سماح
لازم يندم على اللي راح
عايز اقوله ليه ده كله
عايز اقوله ليه ده كله
على ايه منفوخ
داري داري آه يا قلبي
وداري ناري ومراري خليك لعيب
داري داري آه يا قلبي
وداري واهو مهما يداري أو مهما يغيب
بكرة يجي يا قلبي ليك
بكرة يجي يقول شاريك
لا هعاتبه ولا احاسبه ابو طبع غريب
ماشي ماشي آ يا قلبي وماشي
والتقل ده صنعة وليها أصول
وفي جانب آخر، حقق حكيم نجاحًا كبيرًا مؤخرا، من خلال طرحه أغنية بعنوان «مدلعة»، التي حققت أكثر من 800 ألف مشاهدة، عبر قناته الرسمية على موقع الفيديوهات الشهير «يوتيوب»، وهي من كلمات أيمن الطويل، وألحان علاء زينهم، وتوزيع طارق مدكور
المصدر: بوابة الفجر
إقرأ أيضاً:
سعاد تطلب الخلع: فقير في المشاعر ومابيعرفش يقول كلام حلو
وقفت سعاد أمام محكمة الأسرة في الكيت كات طالبة الخلع من زوجها بعد زواج استمر عام ونصف، ولم تكن تعلم حينها أن نهايتها ستكون أمام محكمة الأسرة.
وسردت سعاد قصتها مع زوجها قائلة «لما كان عمري 25 سنة كنت شغالة في شركة ومكنتش بفكر في الجواز ساعتها، ومع مرور الوقت ولما بقى عمري 27 سنة كان في واحد زميلي في الشركة كنا زي الأخوات وبنتكلم مع بعض في الشغل وساعات يتصل بيا ويحكيلي مشاكله ونحلها مع بعض، ومع الوقت بقينا قريبين لبعض جدا، حتى أن كل حاجة كنا بنحكيها لبعض وياخد رأي، وبعد سنة من معرفتي بيه طلب أنه يتقدم لي في البيت».
وقالت سعاد عن قصتها مع زوجها «جه البيت وقعد مع بابا واتفق معاه على كل حاجة وقال أنه عنده شقته في الجيزة وهيتجوز فيها وأنه عايز يتجوز في فترة صغيرة، لأن محمود مكنش عايز فترة خطوبة طويلة، وفعلا بابا وافق واتفقنا على الخطوبة ونزلت أنا وهو واشترينا الدهب، وعملت خطوبة في البيت، وبعد 5 شهور كان ميعاد الفرح، وعملنا فرح كويس واتجوزته ومكنش في بالي أنه مش بيقول كلام حلو ولا بيقولي وحشتيني ولا أي حاجة، وكنت بقول لنفسي يمكن بيتكسف أو عشان مكلمش ولا واحدة».
وتابعت سعاد عن قصتها «بعد الجواز محمود كان بيعمل كل حاجة كويسة عشان يخليني مبسوطة بس للأسف الحلو ما بيكلمش مكنش بيقول كلمة حب واحدة، حتى أني عمري ما سمعت منه بحبك، وده كان بالنسبة لي حاجة مش طبيعية بس كنت بقول لنفسي معلش ما هو بيجيب لي كل حاجة عايزاها ومش بيحرمني من حاجة، والدنيا ماشية، بس كان عندي مشكلة تاني أن حتى العلاقة الزوجية لما يتحصل بيني وبينه، بتكون كأنها حاجة بيعملها في البيت وخلاص، يعني من غير إحساس ولا مشاعر، ودي مش حاجة عادية يعني بين الأزواج».
واختتمت سعاد قائلة «بعد حوالي سنة وكام شهر من الجواز، قعدت مع محمود في يوم وطلبت منه أنه يحاول يقول كلمة حلوة أو أنه يكون رومانسي لكن بردو معرفش، ولا عبرني، ولا حتى قالي هحاول عشانك وده عمل مشكلة بيني وبينه، وحاولت معاه وكنت بحاول أغير من طريقته معايا بس معرفتش وفي الأخر بعد سنين جواز طلبت منه الإنفصال لكن هو رفض وروحت محكمة الأسرة في الكيت كات ورفعت قضية خلع».
مائل للبرودة نهارًا.. حالة الطقس المتوقعة اليوم الأربعاء 1 يناير 2025