البرهان: الحرب قامت بها مجموعة تريد الاستحواذ على السلطة
تاريخ النشر: 29th, August 2023 GMT
طالب الفريق أول عبد الفتاح البرهان، رئيس مجلس السيادة السوداني، العالم أن ينظر إلى هذه الحرب نظرة موضوعية وصحيحة.
وأضاف "البرهان" خلال كلمة بثتها "القاهرة الإخبارية"، أن الحرب قامت بها مجموعة تريد أن تستحوذ على السلطة، وفي سبيل ذلك قامت بكل جريمة بشعة يمكن أن تخطر على بال بشر.
وتابع: "الجرائم الواقعة في السودان الآن من تهجير والاستيلاء على الممتلكات والنهب والسرقة والقتل في كل مكان، وطالت هذه الحرب اللعينة السودانيين، وحريصون على أن نسعى لوضع حد لهذه الحرب وأن تنتهي هذه المأساة".
المصدر: البوابة نيوز
كلمات دلالية: البرهان الاستحواذ السودان القاهرة الاخبارية رئيس مجلس السيادة السوداني
إقرأ أيضاً:
الجيش سيد التفاوض والسلام
راشد عبدالقادر
---------
تصدق يا بلبوس يا مغيب يا اسطورة الجهل النشط ان الجيش والجنجويد وقعوا اتفاق جده الاول ايوااا الفيه قبض الهاربين والخروج من الاعيان المدنية وتسهيل المساعدات الانسانية.. وجو يواصلوا عشان يوقعوا تفاصيل الاجراءات وكيف يتم التنفيذ عارف الانسحبو وشتتو منو ايوااااا تلك البرهان وشلته قالو جده دى اكعب منها مافى كللله الا جده لا جده لا جداده.. قعدوا يتمحركوا يمين شمال قايلين ح يعملوا انتصارات عسكرية تصدق انهم اتبلو (البل البتنكروه دا) ما علينا قاموا قالوا الاتحاد الافريقى يعمل لينا حاجاتنا مع ان الاتحاد الافريقي مجمد عضوية السودان من يوم الانقلاب والايام ديك وقت زعلانين واتهموا كينيا ويوغندا واثيوبيا والواق واق بمعاداة السودان وياكينيا لو *راجله* جيبي جيشك نحاربو المهم وكانوا بيوزعو وهمة حميدتى مات والروبوت ويدو طويله واضانو قصيره وجيب البدلة فيه الريموت وهكذا عبط وهبل وانتو يا حبة عينى تنسخو وتنشروا.. المهم قالوا نمشى جيبوتى فجأة حميدتى ظهر فى جيبوتى قام الجماعه ايوااا شلة البرهان قالوا ابييينا ما جايين ..
اختفوا فترة كدا قاموا ظهروا وين ايواااا فى المنامة تصدق وقعوا اتفاق مبادئ فيه تكوين جيش جديد كرت كرتونه وتسليم الهاربين والكباشى جيييطك ختا التوقيع بتاعو وكورجة الاعلام دوروا ليه الصفقة تتخيل حصل شنو ايوااااا تلك شتتو قالوا تانى ما جايين وح نجخنن فى بورتسودان القيادة جنب الركن الهادى والباورا والحركات والبركات
المهم اخدوا صنننننه كان البرهان مشى نيويوررك القال فيها عاوزين لجنة تقصى حقائق ايوااااا بالضبط ياها اللجنة الجو هم ذاااتم رفضو تقريرا ودقو جرس
قام حصل شنو جاء موضوع جنيف وقالو ايوااا ماشين جنيف والوفود انتظرتم ليك بالضااااابط قاموا ما مشوا وقالوا ابدا نهائيا ما عاوزين وقالوا جده الكعبه دييك احسن منها مافى..
تصدق انهم زعلانين كيييف المجتمع الدولى ما بينظر ليهم بجدية وكييف معتبرم معرقلين السلام وبيمارسوا ابتزاز للمواطنين..
المهم ..
طبعا لو زول عنده طايوق بيكون شايف وفاهم الرصه وعارف اسباب الجرجره والخرخره..
لكن لاقنك بلبوس نموذج الجهل النشط ما عارف سجم رمادك كل العندك بلبسه واريتا بي انتصارات عسكريه ياهو يفجخوكم فى الحرب وتجى تشتموا فينا لاقننا مساكين
لا حرب قادرين عليها
لا سلام فالحين فيه
بس يا هو طويلين لسان وقليلين احسان
المصيبه لو بتتضروا براكم اقسم بالله ولا خسانا ان شاء الله تعدموا طفاي النار زول ابله وماشى على خرابو
لكن البتضرر بلد كامله وناس ماعندكم ليهم غير الغدر والخيانه والانقلابات والانسحابات وتكوين الملايش.
المحركه دى كان ماشايفين ماشه على وين وما اظن تكونوا شايفين..
والمكتوله ما بتسمع الصايحه
الله لا جاب باقيكم
حرب البلهاء
#حرب_عبثية