عكس بعض.. "الفجر الفني" يحاور محمد طعيمة لكشف تفاصيل "الليلة كبيرة" (خاص)
تاريخ النشر: 29th, August 2023 GMT
هو فنان كوميديان، استطاع أن يثبت نفسه بما قدمه وشارك به من أعمال درامية ومسرحية، أبرز موهبته الفكاهية المرحة، في صنع البهجة والإبتسامة على قلب المشاهد قبل وجهه، هذا الفنان هو محمد طعيمة، وكان آخر ما شارك به هو مسلسل "الليلة كبيرة".
وبعد أن انتهى طاقم وأبطال مسلسل “الليلة كبيرة”، خلال الفترة الماضية من تصوير حلقات العمل، والذي يضم نخبة مميزة من كبار الفنانين والنجوم؛ لذا حرص “الفجر الفني” على إجراء حوار خاص مع محمد طعيمة، وفي السطور التالية نرصد لكم تفاصيله ذلك الحوار.
-علمنا أنك تقوم بتجسيد شخصيتين خلال "الليلة كبيرة".. ماهي ملامح كل شخصية ؟
الشخصيتين عكس بعض تمامًا، قعدنا فكرنا فيهم كل واحدة عكس التانية، بعمل راجل وبعمل ست، في ربط بينهم هنعرفها لما نتفرج على المسلسل.
- من الذي رشحك للمشاركة في الليلة كبيرة؟ وماذا عن كواليس تعاونك في عمل من إخراج وسام مدني؟
اللي رشحني للدور كان وسام مدني، إحنا أصدقاء من زمان وعندنا مشاريع، كانت المفروض هتتم، وأصدقاء من سنين طويلة، وطبعا المنتج ماهر عوض كمان كان حابب وجودي، والأستاذ محمد حراز المنتج، كل العناصر كانت حابة إن أنا أبقى موجود وأنا متشرف طبعًا.
- كيف كانت الأجواء مع الفنانة هالة فاخر؟
هالة فاخر دي حبيبتي، وشرف ليا أنها بتحبني كمان، أنا بعتبرها أمي، وشرف ليا إن أنا اشتغلت مع مدام هالة، إحنا كان عندنا مسلسل أنا بس اعتذرت عنه، وكانت هي طالعة ماما، وكان من زمان حتى قالتلي جه النصيب اللي نشتغل ده دلوقتي مافيش مشاهد كتير مع هالة في "الليلة كبيرة" بس أنا طبعا فخور، دي طمطم، حياتنا يعني.
- وصلتنا إشادات من أبطال العمل عن أداءك المميز.. هل كلفك الدور وقتًا وعناءً في التحضير له؟
طبعا أخد مني وقت طويل أوي علشان بعمل شخصيتين فكانت الحكاية بصراحة مش أسهل حاجة، أنا بشكر زمايلي إن الناس وصلت ده، بس أنا فعلًا كان فيه تعب كبير أوي خاصة في شخصية الست والراجل وهو مش محمد طعيمة، هو راجل كاركتر مختلف عني تمامًا، كان بياخد وقت حقيقي في التحضير وأنا كنت بتعب أوي بالذات في شخصية الست تظل أصعب حاجة خصوصًا إننا كنا بنصور في أغسطس والجو كان صعب.
- قالت مها أحمد في إحدى التصريحات أن “الليلة كبيرة” مصروف عليه ورقه جيد.. فهل تتوقع أن يحظى على إعجاب الجمهور فور عرضه؟
أتمنى إن شاء الله يعجب الجمهور، وهو فعلًا الإنتاجية إن الناس عملت اللي عليها أوي، أستاذ عوض ماهر وباقي المنتجين وعملوا كل اللي يقدروا عليه، صورة شيك وموضوع شيك، حقيقي اشتغلنا عليه وبالتوفيق بتاع ربنا إن شاء الله، الجمهور محدش يضمن، محدش بيبقى عارف هيعجبه ايه ميعجبوش ايه، ردة فعله إيه، بتبقى حاجة مش متوقعة نهائي.
- هل ترى أن "الليلة كبيرة" يقدم رسالة للجمهور أم رسالته امتاعه فقط؟
لا والله عندنا رسالة بجد، في كام حلقة فيهم رسايل حلوة أوي، ومضمون حلو أوي، حلقة عن التواصل الإجتماعي، ده كانت عظيمة، فيها كلام حلو أوي بيقوله أستاذ محسن منصور، من خلال الدراما، وفي كام حلقة فيهم حاجات، بس خلينا صرحاء إحنا بنعمل ترفيه وتسلية للناس، فهو في المقام الأول هقدر أقول إحنا بنعمل تسلية شيك ولذيذة وبنضحك الناس وبنسعدهم ودي في حد ذاتها غاية، حاجة عظيمة، مقدرش أقول إن العمل كله فيه قيم أو بنتكلم فيه رسايل بس هو لأ طبعا في جوانب مهمه جدًا ومحترمة جدًا وإحنا بنعيشها وبنتناقش فيها.
- ماهي رسالتك لطاقم العمل ؟
أنا بحبهم جدًا جدًا، بحب حجاج عبد العظيم موت، بحب محسن منصور ومدام هالة فاخر، ومها أحمد وأحمد تهامي ومدحت تيخة، وسليمان عيد وعلاء مرسي وناس كتيرة لأن العمل مليان فيه ناس جميلة كلهم أخواتي وأساتذتي.
- هل شاهدت أي فيلم من الأفلام المعروضة في دور العرض حاليا؟
أنا للأسف بره القاهرة، أنا في دهب من عشاق دهب، هرجع أدخل طبعًا فيلم أكرم حسني فورًا، العميل صفر مش علشان أكرم صاحبي بس أنا عارف إن أكرم عمل شغل فيه حلو أوي ده من الأفلام اللي أنا مصمم أنزل اشوفها.
- ما رأيك في الهجوم والانتقادات على فيلم مرعي البريمو؟
انتقادات سخيفة ولاذعة وفيها قدر كده تعدينا مرحلة النقد لمرحلة قلة الأدب، اللي هو كفاية ياهنيدي يعني إيه كفاية يا هنيدي! أو يعني إيه كفاية يا علاء يا مرسي، يا جماعة النقد ده مش النقد، إحنا بنتكلم على عناصر العمل الفني، أنت اشتغلت في الدور ده أو أنت عملت شغل حلو في الدور ده ميرسي ليك أنت مكنتش عامل أحسن حاجة تتعوض، عمري ماشوفت حد أنا بيطلع اللي هم الأساتذة النقاد اللي بيعملوا فيديوهات بيهزأوا الفنانين وبينحروهم بالمعنى ده أنا شايفه قتل ده ملوش علاقة بالنقد خالص يعني.
- ماهي رسالتك لطاقم "مرعي البريمو" وخاصة محمد هنيدي؟
رسالتي لمحمد هنيدي ده أستاذنا يا جماعة ده أستاذ الكوميديا وأمتعنا وقدملنا أعمال في وجدانا وقعدنا نضحك سنين مع محمد هنيدي مش عمل هو اللي هيأثر وخلي بالك إحنا منقدرش نحكم ع مرعي البريمو غير لما ينزل تليفزيونيًا والناس كلها تحكم عليه لكن دول عملوا كوميديا خالدة وضحكونا السنين دي.
المصدر: بوابة الفجر
كلمات دلالية: مشاهد الانتقاد اكرم حسنى حوار دور العرض الفجر الفني محمد طعيمة مسلسل الليلة كبيرة الليلة كبيرة اللیلة کبیرة
إقرأ أيضاً:
خصم 50% من راتب العامل لسداد نفقة الزوجة.. تفاصيل
منع مشرع قانون العمل الجديد أي استقطاعات غير مشروعة من أجر العامل، باستثناء حالات محددة من بينها النفقة وفق البند المنصوص عليه بالمادة 114 من مشروع القانون.
خصم 50% من راتب العامل لسداد نفقة الزوجةوتنص المادة (114) من مشروع قانون العمل الجديد على أنه: "مع عدم الإخلال بأحكام قانون تنظيم بعض أوضاع وإجراءات التقاضي في مسائل الأحوال الشخصية الصادر بالقانون رقم 1 لسنة 2000، لا يجوز في جميع الأحوال الاستقطاع أو الحجز، أو النزول عن الأجر المستحق للعامل لأداء أي دين إلا في حدود خمسة وعشرين بالمائة من هذا الأجر، ويجوز رفع نسبة الخصم إلى خمسين بالمائة في حالة دين النفقة."
كما يحدد القانون ترتيب الأولويات في حال التزاحم بين الديون، حيث يُقدم دين النفقة، يليه ما يكون مطلوبًا لصاحب العمل بسبب ما أتلفه العامل من أدوات أو مهمات، أو استردادًا لما صُرف إليه بغير وجه حق، أو ما وقع عليه من جزاءات.
ويشترط لصحة التنازل عن الأجر أن يكون بموافقة مكتوبة من العامل، كما تحسب النسبة المستقطعة بعد استقطاع ضريبة الدخل، والاشتراكات والمبالغ المستحقة وفقًا لقانون التأمينات الاجتماعية والمعاشات رقم 148 لسنة 2019، إضافةً إلى ما يكون صاحب العمل قد أقرضه للعامل وفقًا للنسبة المنصوص عليها في المادة (113) من القانون.
وتنص المادة (106) على أنه:
"مع عدم الإخلال بالاختصاص المقرر لمحاكم مجلس الدولة، لكل ذي مصلحة الطعن على القرارات الصادرة عن المجلس القومي للأجور في طلبات أصحاب الأعمال بالتخفيض أو الإعفاء من صرف العلاوة الدورية السنوية أمام المحكمة العمالية، وذلك خلال ثلاثين يومًا من التاريخ المقرر لصرف العلاوة أو الإخطار بالقرار المطعون فيه، بحسب الأحوال."
أما المادة (107)، فتنص على أن الأجر يُحدد بناءً على عقد العمل الفردي، أو اتفاقية العمل الجماعية، أو لائحة المنشأة المعتمدة، وفي حال عدم تحديده بأي من هذه الطرق، يستحق العامل أجر المثل إن وجد، أو يُقدر الأجر طبقًا لعرف المهنة في الجهة التي يؤدي فيها العمل، وإن لم يوجد عرف، يُحدد الأجر من قبل قاضي الأمور الوقتية بالمحكمة العمالية المختصة، بما يحقق مقتضيات العدالة، مع مراعاة أحكام القانون.
آلية صرف الأجوروفيما يتعلق بطريقة صرف الأجور، نصت المادة (108) على أن الأجور تؤدى في أحد أيام العمل وفي مكانه، أو تُحول إلى حساب العامل البنكي، وفقًا لما يلي:
1. العمال المعينون بأجر شهري تُدفع أجورهم مرة على الأقل في الشهر.
2. إذا كان الأجر بالإنتاج أو بالعمولة، واستلزم العمل مدة تزيد على أسبوعين، يُصرف للعامل دفعة تحت الحساب أسبوعيًا، ويتلقى باقي أجره خلال الأسبوع التالي لتسليم العمل.
3. في غير الحالات السابقة، تُدفع الأجور أسبوعيًا على الأكثر، إلا إذا اتُفق على غير ذلك.
4. إذا انتهت علاقة العمل لأي سبب، يتعين على صاحب العمل دفع جميع المستحقات للعامل خلال سبعة أيام من تاريخ مطالبته بها.
كما شدد القانون على ضرورة عدم الإخلال بالحد الأدنى للأجور، وحظر احتجاز أجر العامل أو جزء منه دون سند قانوني.
وفيما يخص القروض التي يمنحها صاحب العمل للعامل، نصت المادة (113) على أنه لا يجوز اقتطاع أكثر من 10% من أجر العامل لسداد هذه القروض، كما يحظر فرض أي فوائد عليها.
وأكدت المادة (111) على أنه إذا حضر العامل إلى مقر عمله في الموعد المحدد وكان مستعدًا للعمل، لكن حالت أسباب تعود إلى صاحب العمل دون مباشرته لعمله، فإنه يستحق أجره كاملًا، أما إذا كانت الأسباب خارجة عن إرادة صاحب العمل، فيستحق نصف الأجر.
أما المادة (112)، فقد حظرت على صاحب العمل إلزام العامل بشراء أغذية أو سلع أو خدمات من محال معينة، أو من منتجات أو خدمات يقدمها صاحب العمل نفسه.
الرئيس الأمريكي يتراجع عن مضاعفة الرسوم الجمركية على كندا