إيمي طلعت زكريا: بابا مات محسود.. وبعد طباخ الريس كان حاسس إنه هيجراله حاجة
تاريخ النشر: 29th, August 2023 GMT
حلت الفنانة الشابة إيمي طلعت زكريا ضيفة مع الاعلامية سارة نخلة خلال برنامجها “فيس أوف” على شاشة قناة “هي” للحديث عن أعمالها الفنية وكواليس لأول مرة عن حياة الفنان الراحل طلعت زكريا.
كشفت إيمي طلعت زكريا عن خوف والدها من الحسد وعلاقته بوفاته قائلة: "بابا مكنش بيخاف من الحسد بس كان بيبقى عارف يعني أول ڤيروس جاله بعد ماصور فيلم طباخ الريس وصوره قعد وقال يارب أنا حاسس إن أنا هيجرالي حاجة بعد الفيلم دا فلو هيحصل حاجه متجيش في ولادي بعد ٣ أيام بالظبط كلمت دكتور أشرف ذكي ونقلناه على المستشفى وحصل اللي حصل".
إيمي طلعت زكريا تتحدث عن نجاحات والدها
وأضافت معبرة عن دور فيلم طباخ الريس في نجاحه ومرضه: "حاحا وتفاحة كان بطولته الأولى وكان أول أبناءه في البطولة وبعدها بسبب طباخ الريس كان هيشتغل بالملايين وشركات الإنتاج بتجري وراه بس القدر كان ليه كلام تاني وربنا كان عايز كده وأنا بشوف إنه مات محسود".
وتابعت: "في مرة قبل وفاته بكام يوم كنت منزلة فيديو ليا أنا وهو من فرح هنا الزاهد وإحنا بنرقص مع بعض وحضناه لقيت واحدة كتبتلي على انستجرام ماتراعي الناس اللي أبوهم ميت فأنا اتخضيت وشيلت الفيديو لأني مكنتش عايزة بابا يحصله حاجه، الحسد مذكور في القرآن والحسد بيدخل للرجل القبر وأنا مؤمنة بيه وتعددت الأسباب والموت واحد بس أنا شايفة إن بابا مات حسد".
تفاصيل برنامج فيس أوف
برنامج "FACE OFF" تقدمه الإعلامية سارة نخلة على شاشة قناة “هي” يوميًا من السبت إلى الإثنين وتستضيف عددًا من نجوم الفن وتناقش القضايا المطروحة بين الجمهور.
المصدر: بوابة الفجر
كلمات دلالية: إيمي طلعت زكريا طلعت زكريا إیمی طلعت زکریا
إقرأ أيضاً:
خالد طلعت يكشف حقيقة تفاوض الزمالك مع ثلاثي مودرن سبورت
كشف الناقد الرياضي خالد طلعت عن حقيقة تعاقد الزمالك مع ثلاثي مودرن سبورت.
وكتب طلعت من خلال حسابه الشخصي فيس بوك :" مسؤول في الزمالك نفى ان النادي بيفكر في التعاقد مع ثلاثي مودرن سبورت أحمد عاطف وعلي زعزع وغنام محمد وان مستواهم ميؤهلهمش للعب في الزمالك
بصراحة الراجل عنده حق ، أحمد عاطف مهاجم رأس حربة لعب 16 ماتش في الدوري الموسم الحالي مع مودرن مسجلش فيهم غير هدفين فقط ومنهم هدف كمان من ضربة جزاء !!!
علي زعزع لعب الموسم ده مع مودرن في كل البطولات 18 ماتش مسجلش غير هدف واحد وصنع هدف واحد !!
غنام محمد لعب 21 ماتش الموسم ده مسجلش ولا هدف ولا صنع ولا هدف !!! ".
ويستعد الزمالك لمواجهة المصري المقرر لها يوم 1 مايو المقبل على ستاد الجيش ببرج العرب، في الجولة الثالثة للمرحلة النهائية لمسابقة الدوري المصري الممتاز.
ويفتقد الزمالك لخدمات كل من محمود حمدي الونش والمغربي محمود بنتايج في لقاء المصري المقبل للإيقاف بسبب تراكم البطاقات الصفراء.
العدو الإسرائيلي يشدد إجراءاته العسكرية على حاجز الحمرا في الأغوار الشمالية