"بوظت بنتك".. تامر أمين يغضب من شريف منير ويعلق: هل التريند هيشيلك على راسه ويمجد فيك؟
تاريخ النشر: 29th, August 2023 GMT
أعرب الإعلامي تامر أمين عن إستيائة من رد الفنان شريفة منير علي الإنتقادات التي تعرضت له أبنته بعد حلاقة شعرها "زيرو" خلال مقطع فيديو عبر صفحتها الشخصية موقع تبادل الصور والفيديوهات "إنستجرام"، وتشجيعها علي أخذ التريند، وذلك خلال تقديم برنامجه "آخر النهار" عبر شاشة النهار.
وقال تامر أمين: "هل ينفع الأوساط الاجتماعية والسوشيال ميديا في مصر وبعض الدول العربية يكون لا حديث لها خلال 3 أيام إلا عن خبر واحدة قصت شعرها؟ هل السذاجة والسطحية وصلتنا لهذا المستوى؟!"
تامر أمين: شريف منير أساء التقدير فيما قاله
وتابع: "شريف منير نموذج للفنان الخلوق المحترم، لكنه من وجهة نظري أساء التقدير فيما قاله في الفيديو، وأنا معه إن أسما حرة ما دام لا تؤذي أحد، لكن أختلف مع شريف منير في إنه لو قرار شخصي يخصها مكانتش تصوره وتنزله، هنا بقى قرار باحث عن التريند، وطالما إنت يا أسما بحثت عن اهتمام الناس متزعليش من رد الفعل"
تامر أمين: بوظت بنتك لما قلت لها برافو إنك أخدتي التريند
وأستكمل حديثة قائلا: "المشكلة الثانية يا شريف لما قلت لأسما شكلك عاجبني، ودي قصة أب وبنته ليس لنا التدخل فيها، لكن بوظتها لما قلت لها برافو إنك أخدت التريند، وهل تعتقد إن التريند هيشيلك على راسه ويمجد فيك؟".
وفي نفس السياق، أكد تامر أمين أن حرية الرأي لا تشمل الإساءة التي تعرض لها شريف منير وابنته أسما من بعض مستخدمي السوشيال ميديا قائلا: "أول وأكبر غلط هو الناس اللي بتشتم، من حقك تقول رأيك لكن مش من حقك تشتم أسما ولا أبوها، دي جرائم مش حرية رأي".
شريف منير يهاجم الجمهور علي السوشيال ميديا
ومن ناحية اخري، قال الفنان شريف منير خلال مقطع فيديو له عبر صفحته الشخصية: "«إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته.. تصرف عادي جدًا مفيهوش أي حاجة».
شريف منير: إوعوا تفتكروا إني هاجي على بنتي
ووجة للجمهور رسالة مفاداها: «إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها»
واستكمل قائلا: «بالمناسبة اللوك اللي عملته عاجبني وأنا مبسوط منها أوي، واللي بيقول ان بنتي مش متربية، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد».
شريف منير: قبل ما تتكلموا بصوا على نفسكو واتفرجوا على عيلتكو
وأضاف: «قبل ما تتكلموا بصوا على نفسكو واتفرجوا على عيلتكو وعلى إخواتكو وعلى الناس اللي حواليكو قبل ما تنتقدوا وتغلطوا وتقولوا متربتش.. لا بقى أنا بنتي متربية كويس جدًا».
وأضاف قائلا: «اللي حصل من بنتي مش غلط ومش عيب هي مغلطتش في حد فيكو ومغلطتش في نفسها وبعدين بنتي عندها 36 سنة وأم وعندها بنوتة ومسئولة عن نفسها».
وأختتم: «أنا أب مسئول إني أحميها وهي حرة في تصرفاتها، أسما أنتي شكلك زي القمر وشكلك حلو جدًا وخدتي التريند برافو عليكي، متسمعيش كلام حد ومتهتميش بكلام حد وأنا مش مهتم بالكلام اللي بيتقال عليا ولا عليها المهم إننا مش بنضر حد، سلام عليكم».
المصدر: بوابة الفجر
كلمات دلالية: الإعلامي تامر أمين أسما شريف منير تحلق شعرها ازمة اسما شريف منير الفنان شريف منير الفنانة أسما شريف منير الفجر الفني تامر أمین شریف منیر
إقرأ أيضاً:
شريف منير: المزيكا تساعدني في الأعمال التي أقدمها في التمثيل
كشف الفنان شريف منير، تفاصيل جديدة عن بدايته في عالم الفن والتمثيل، مشيرا إلى أن قدمت برنامج دارك الناس كلها كانت بتحاول تيجي فيه.
المزيك بالنسبة لي شيء مهم
وأضاف شريف منير، في لقاء مع الإعلامية والفنانة إسعاد يونس، مقدمة برنامج "صاحبة السعادة"، أن المزيكا بالنسبة لي شيء مهم وتغذي مشاعري التأثيرية، متابعا أن المزيكا كانت تساعدني في الاعمال التي أقدمها في مجال التمثيل.
وتستضيف الإعلامية والفنانة إسعاد يونس، مقدمة برنامج "صاحبة السعادة"، لأول مرة فريق نوستالجيا باند بقيادة الفنان شريف منير، اليوم الاثنين، الساعة 10:00 مساءً على شاشة dmc.
محمد بن زايد يبحث مع وزير الخارجية التركي تعزيز العلاقات والتطورات الإقليمية