أصرف 10 آلاف جنيه في يومين..البلوجر سوزي تفجر مفاجأة عن مصاريفها الشخصية
تاريخ النشر: 28th, August 2023 GMT
كشفت البلوجر سوزي أيمن، عن أنها لم تحقق الأرباح المنتظرة من السوشيال ميديا حتى الآن، إلا أنها شخصية تحب أن تنفق كثيرًا، موضحة أنها تقوم بصرف 10 آلاف جنيه في يومين، "عندي مرض أني لازم كل شوية أجيب هدوم، في فترة من الفترات أخدت من أمي 20 ألف عشان أجيب بيهم هدوم".
البلوجر سوزي تكشف تفاصيل عن حياتها الشخصيةوأضافت سوزي، خلال لقاء خاص مع الإعلامية نهال طايل ببرنامج "تفاصيل" المذاع عبر قناة صدى البلد 2، أنها تحب والديها كثيرا، وترفض نهائيًا أن يتم ذكرهما بأي شيء سلبي، لافتة إلى أن بعض أصدقائها كانوا يستغلونها بسبب حبها لهم، "بطلت أبين حبي قدام الناس لحد عشان بيستغلوني وشُفت ده مع صحابي، وأختي مي الوحيدة اللي ببين حبي ليها".
وتابعت سوزي: "ناس من صحابي كانوا بيستغلوني وبياخدوا مني فلوس، ولبس وهدوم، وتعبت في فترة من الفترات بمرض جلدي بسبب تبديل الهدوم مع صحابي، وسحبت نفسي منهم مرة واحدة عشان نخلص من الكلام ده، بقالي 4 شهور مليش أي صحاب، ولما بصاحب دلوقتي 2 أو 3 بالكتير".
واستكملت سوزي، أن خطيبها لا يأخذ منها أي أموال، ولكنها تأخذ منه أموالا كل فترة كنوع من أنواع الحب ليس أكثر، "ممكن آخد منه فلوس عشان نكتب عليها اسامينا حاجة كده مش أكتر، خطيبي رفض ياخد مني فلوس في أوقات صعبة جدا كان محتاجها".
المصدر: صدى البلد
كلمات دلالية: سوزي السوشيال ميديا برنامج تفاصيل نهال طايل
إقرأ أيضاً:
محمد صبحي يكشف عن موقف مؤثر جمعه بأم كلثوم: «غنتلي مخصوص وأهدتني 50 جنيهًا»
كشف الفنان محمد صبحي، عن موقف نادر جمعه بكوكب الشرق أم كلثوم، عندما كان شابًا يعمل في شباك تذاكر الحفلات، وهو الحلم الذي سعى لتحقيقه ليحظى بفرصة حضور إحدى حفلاتها.
تحدث محمد صبحي، خلال استضافته في برنامج «سبوت لايت» مع الإعلامية شيرين سليمان على قناة «صدى البلد»، عن تجربته قائلاً: «وأنا في الثانوية كنت بشتغل في شباك التذاكر، وكنت باخد جنيه في اليوم، وكنت بقعد شهر كامل أحجز عشان أحضر حفلات أم كلثوم اللي كانت أول خميس من كل شهر، كنت أجمع 30 جنيه في الشهر، وكان المبلغ ده بيكفيني سنة».
وأوضح أنه تمكن أخيرًا من شراء تذكرة في الصف الأول لحفل أم كلثوم مقابل 3 جنيهات، لكنه فوجئ بطلب غير متوقع من إدارة الحفل، قائلاً: «جالي صاحب الجمعية اللي كنت بشتغل فيها، وقالي مفيش كراسي فاضية في أول صف؟ قلتله مفيش، قالي طيب الست أم كلثوم محتاجة كرسي لضيف جاي من برة، فقلتله طيب هنعمل إيه؟ هانقوم الناس؟! فقالي طب ما انت اشتريت تذكرة، هاتها فرفضت».
وأشار صبحي، إلى أنه أصر على حقه في حضور الحفل رغم محاولات الضغط عليه، حتى وصل الأمر إلى أم كلثوم نفسها، التي طلبت لقاءه، متابعا: «دخلت عندها، وبمجرد ما شافتني قالت لصاحب الجمعية إيه ده ده عيل، فابتسمت، وقالتلي إنت شاري تذكرة عشان تتفرج عليا؟ طيب لو قلتلك أنا محتاجاها عشان ضيف؟ فرديت عليها وقولتلها هقول لحضرتك إني مصري ومن حقي أحضر الحفلة».
وروى صبحي، اللحظة التي فاجأته فيها أم كلثوم بتصرفها الإنساني الرائع: «بصت لصاحب الجمعية وقالتله ده صعب أوي، وقامت من مكانها، وخدتني من إيدي على كواليس المسرح، وحطتلي كرسي جنب الستارة، وقالتلي وأنا هغنيلك انت كنت هعيط من الفرحة، وبعد ما حضرت الحفلة ندهتلي في الأوضة واديتني ظرف، فتحت الظرف لاقيت فيه 50 جنيه، مع إن الناس كانت بتقول عليها بخيلة».
اقرأ أيضاًنهال عنبر: أجري في برنامج رامز جلال كان أكثر من 5 آلاف دولار
هنا الزاهد: بتشد للرجل الأكبر مني بـ 10 سنوات على الأقل
هنا الزاهد: ماثيو ماكونهي بقي صديقي وبيكلمني دايما
اتصال هاتفي بين وزير الخارجية والهجرة ووزير خارجية الكويت