خالد محمود: "كان عندي روحانيات ودعيت ربنا وصليت تروح مني"

تحدث الفنان خالد محمود عن فكرة امتلاكه لروحانيات قائلا:' الروحانيات دي قعدت معايا فترة من الزمن وقعدت تكبر وتزيد وتطور لحد ما خوفت وعلى طول افتكرت  لو علمتم الغيب لاخترتم الواقع، هي كانت خاصة بالناس اللي قدامي علشان تبقي بس واضحة عند الناس لأن ممكن متبقاش واضحة  للي معاشهاش.

 

خالد محمود يتحدث عن الروحانيات 

أضاف خالد محمود في تصريحات خاصة لـ برنامج المنسي مع الإعلامية انجي هشام في قناة هي:' كنت مثلا لو قاعد معاكي متعرفيش تكدبي عليا وبتظهرلي الصورة الحقيقية اللي حصلت بالظبط، وانا قاعد مثلا في البيت سرحان ابص  الاقي حد من اصدقائي جاب حاجه  اشوف شكل الحاجه اتصل بيه يقولي عرفت منين اقولوا مبروك وربنا يباركلك وخلاص.

 

وتابع:' كنت لو  انتي بتكلمي وسرحتي أعرف بتفكري في اي ودي الحاجة اللي زعلان أنها راحت مني، اني اعرف الشخص اللي بيكدب عليا أو اعرف لو سرحتي اي الحاجه اللي سرحتي فيها، لما زادت خوفت وصليت ودعيت تروح من عندي وقعدت اقول لكل أصحابي عليها لحد ما اختفت بالتدريج كده".

 

 

المصدر: بوابة الفجر