خالد محمود: ندمت على مشهد القبلة في "شاويش نص الليل" والسينما لازم تكون نظيفة
تاريخ النشر: 28th, August 2023 GMT
تحدث الفنان خالد محمود عن وجهه نظره في الفن قائلا:' الفنان قدوة مهمة جدا والدليل أن الممثل الكويس بتلاقي الناس مبسوطة وفرحانه بيه وبتابعه، وبتعمل اللي بيعمله وردود أفعال الناس عليه أن دوره كان إيجابي وبيفيد المجتمع، الممثل اللي بيضر بتلاقي الناس كلها مبتختلفش عليه إنه قدوة سيئة والفن لو مش رسالة مكنش في فيلم كلمة شرف للراحل فريد شوقي يغير قانون في الحياة الاجتماعية أو فيلم جعلوني مجرما الفيلمين دول غيروا قوانين في البلد.
وأضاف محمود خلال تصريحاته تليفزيونية :" أنا ضد اللي بيقول الفن مش رسالة والا مكنتش اتقال على الفن قوة ناعمة، وانا مش ضد مصطلح السينما النظيفة السينما لازم تكون نظيفة احنا بتشتغل عشان نعمل عملية متعة للناس وتتبسط من خلال التليفزيون أو السينما.
وعن مشهد القبلة في فيلم شاويش نص الليل أوضح خالد محمود قائلا :' أنا مكنش بإيدي ومكنتش صاحب قرار ده كان فيلم بطولة لواحد عنده ١٨ سنة ولما اتعرض الفيلم أنا مرضتش عن نفسي في الحته دي على الرغم من أن الفيلم وصل رسالة كبيرة جدا .
وكشف خالد محمود رفضه لمشهد به قبلات في فيلم سينمائي:' أنا مع نفسي لما قعدت قلت مستحيل اعمل حاجه فيها قبلات، وفي فيلم طلب مني مخرج مشهد فيه قبلة قولتله اي المبرر الدرامي فتفهم ولغى المشهد تماما ومن ساعتها لحد دلوقت كل حاجه بالنسبالي تمام.
المصدر: صدى البلد
كلمات دلالية: الفنان خالد محمود فريد شوقي خالد محمود خالد محمود فی فیلم
إقرأ أيضاً:
خالد سليم ونيكول سابا في كواليس تصوير الحلقة الأخيرة من وتقابل حبيب.. صور
شارك الفنان خالد سليم الجمهور صور من كواليس مسلسل الحلقة الأخيرة من مسلسل وتقابل حبيب الذي تم عرضه في مارثون دراما رمضان 2025 وحقق نجاحا كبيرا.
وكتب خالد سليم عبر صفحتة الرسمية على موقع فيسبوك: “نهاية يوسف أبو العزم ورقية العسكري، رصاصـة واحدة كانت كفاية تنهي كل حاجة.. يوسف قتــلها علشان يخلص من شرها، وبعدين خلص على نفسه علشان يهرب من ذنبه وذنب إذيته لكل اللي حواليه حتى أقرب الناس له”.
كما علقت نيكول سابا: "ومن الحب ما قتل كده انتهى مصير رقية العسكري.. الست الجبروت الي خدت مني كل طاقتي وتعبتني واستفزتني وفي نفس الوقت "عجبتني" لدرجة خلتني اعيشها واجسدها بكل تفاصيلها ووصلتني اكرّه الناس فيا..وده كان سيف دو حدّين..واعترف انها مغامرة جريئة.. اني اوصل الشخصية على حساب كره الناس لي.. "مش سهلة.. بس مستاهلة".
وأضافت: يا رب تكونوا استمتعوا معانا وكل سنة وانتم طيبين وعيد سعيد عليكم واشوفكم دايماً باعمال تنال اعجابكم واعدكم المرة الجاية حتدعولي في كل كومنتاتكم بالخير والحب وليس الشر والكره واستروا ما شفتوا بحبكم.
مسلسل «وتقابل حبيب» من تأليف عمرو محمود ياسين وإخراج محمد الخبيري، وبطولة ياسمين عبدالعزيز كريم فهمي، خالد سليم، نيكول سابا، أنوشكا، صلاح عبدالله، حنان سليمان، رشوان توفيق، محمود ياسين جينيور، بدرية طلبة، إيمان السيد ، منة عرفة ، بتول حداد ، أنجي كيوان.
قبل انطلاقه غدا.. أعضاء لجنة تحكيم مهرجان SITFY-Georgia يصلون مطار تبيلسي