حسن فؤاد يكشف سبب اختفاء مطربي التسعينات: 'الغنا الشعبي ضيع المزيكا في مصر والمهرجانات مش ذوقي

كشف الفنان حسن فؤاد عن سبب اختفاء مطربي التسعينات واختلاف أذواق الجمهور:' حاجات كتير أو ي اختلفت يعني مقدرش اقول ان اللي بيتقدم ده فن شعبي، دايما بقول محدش ضيع المزيكا في مصر غير  الفن الشعبي لأنهم فاهمينه غلط، الاطلال دي غنوة شعبية حد يصدق ؟ اة شعبية لأن بيسمعها المكوجي، بيسمعها النجار بيسمعها الظابط بيسمعها الوزير لكن الذوق اتغير لانهم فهموا المسألة غلط.

 

حسن فؤاد ضيف برنامج المنسي 

أضاف فؤاد خلال تصريحاته مع الإعلامية انجي هشام في برنامج المنسي عبر قناة هي:'  محمد  رشدي هيفضل رقم ١ في الغنوة الشعبية هيفضل محمد العزبي رقم ١ هما دول الغنا الشعبي، حد يقول الغنا الشعبي يبقي محمد رشدي، محمد رشدي هز عرش عبد الحليم حافظ، لكن دلوقتي اللي بيتقدم مش غنا شعبي لا شكلا ولا موضوعا مع احترامي لكل اللي بيغنوا شعبي.

تابع:' مش بسمع مهرجانات غير في الشارع مقدرش لا ذوقي ولا شكلي ولا تربيتي.

وختم حسن فؤاد قائلا:' أنا ضد أنه يتقال أن الجمهور عاوز كده واكبر دليل أن فترة مسلسل " ارابيسك" أن شعبان عبد الرحيم كان طالع  لكن غنوة تطلع وتكسر الدنيا يبقي الجمهور مش عاوز كده الجمهور عاوز شغل مخدوم كلاما ولجنا وأداءا ويقي في حاجات بتتفرض عليه، أنا من فترة في فرح مكنتش مصدقه. اللي انا سمعوا.

https://fb.watch/mGcEjdTz9y/?mibextid=Nif5oz

المصدر: بوابة الفجر