شاهد بالفيديو.. من القاهرة.. الفنانة إنصاف مدني ترد على انتقادات الجمهور: (نحنا بنغني عشان نعيش ومافي زول بصرف علينا وشفشفونا وشالوا حاجاتنا إن شاء الله يشيلهم النمل السليماني ما يفضل فيهم زول)
تاريخ النشر: 28th, August 2023 GMT
دافعت الفنانة السودانية الشهيرة إنصاف مدني عن نفسها بعد الانتقادات الحادة التي تعرضت لها بسبب إحيائها لحفلات غنائية في مصر على الرغم من ظروف الحرب التي يعيشها السودان.
وقالت إنصاف في مقطع فيديو لها من مقر إقامتها بالعاصمة المصرية القاهرة ورصده محرر موقع النيلين: (نحنا شغالين لكي نعيش وبنغني عشان نصرف على نفسنا وأنا شخصيا ما عندي زول بصرف علي).
وشكت الفنانة الملقبة بملكة الدلوكة من سرقة منزلها بالخرطوم وقالت: (شفشفونا وشالوا حاجاتنا حتى المواد التموينية شالوها إن شاء الله يشيلهم النمل السليماني ما يفضل فيهم زول).
محمد عثمان _ الخرطوم
النيلين
المصدر: موقع النيلين
إقرأ أيضاً:
انتبهت لغرض أكثر خبثاً وتفاهة في الترويج لفكرة سرقات الجيش
في نظرة ثانية؛
انتبهت لغرض أكثر خبثاً وتفاهة في الترويج لفكرة سرقات الجيش دي؛
عشان لمن الناس ترجع بيوتها وما تلقى حاجاتها تقول سرقها الجيش!
نفس الترويج دا، نفسه، اشتغل عليه خليفة والمعاه ايّام تحرير أمدرمان القديمة.
هو ياخي الجنجويد خلّوا حاجة لي جيش يسرقها؟!
لو فيه بيت ما نضّفوه فالسبب ببساطة إنّهم عجبهم البيت نفسه وجابوا أهلهم يسكنوا فيه؛
ف لو لقيت حاجة في بيتكم احمد الله واشكر الجيش إنّه ما مهّل المستوطنين الجدد يشيلوا حاجاتك في هروبهم الأخير؛
ولو لقيت البيت فاضي، فاحمد الله واشكر الجيش إنّك لمّيت في عضم البيت؛
ولو كمان لقيت البيت اتهدم في الحرب، لا قدّر الله، استعوض الله واشكر الجيش إنّك لمّيت في قطعة أرضك!
أمّا جايزة الخيال الواسع فمن نصيب واحدين صادفوني في التعليقات محاولين يشتلوا فكرة إنّه الجيش قاعد يجلي سكّان مناطق عشان ينهب بيوتهم؛
يعني انت متخيّل زول خايض معارك ممكن يموت فيها عشان ينهب ما تبقّى في بيتك؟
أها ياااا دافن شي ????!!
عبدالله جعفر
إنضم لقناة النيلين على واتساب
مخلفات محطة الهارثة الحرارية تسبب حالات إغماء بين الطلبة والتدريسيين