طلبه: اعتقد اني حبيت حياتي في السودان ????
تاريخ النشر: 27th, August 2023 GMT
اعتقد اني حبيت حياتي في السودان ????
واعتقد اني مشتاق للاماكن والشوارع والمطاعم والخريف وست الشاي وشارع النيل ومطعم امواج ولذيذ واوزون ومخبز الشعب في بُري.. بُري نفسها وحشتني
حتى ايسكريم ٤١ اللي مكنتش بحبه وحشني
وهوم سنتر اللي في العمارات .. مكان عجبب لو دخلته لازم تشتري حاجة حتى لو مش محتاج حاجة ..
وحشتني التاكسيات الصفرا القديمة ..و lemo trip.. الناس دول كان عندهم اوبر قبل ما يطلع اوبر اصلا.. ليمو تريب ده قبل ترحال كمان
وحشتني جامعة الخرطوم والسكول والمباني الإنجليزية الجميلة.. وحشتني البقالات الصغيرة بأبوابها الخضراء الحديدية… ده انا وحشتني الساحة الخضراء اللي عمري ما شفتها خضراء
وحشتني مداخن مصانع الطوب والدخان ومحاولاتي اليائسة عشان اقاوم الدخان قبل ما الحساسية تهاجمني
ده حتى مطار الخرطوم وحشني… زمان قبل ما بجددوه…. حطيت شنطتي على السير عند الكاونتر واخدت البوردينج وكنت فاكر ان دي اخر علاقتي بشنطتي… اتاري ان سير الشنط مش دائري..، ده بياخد الشنطة وبيرميهالك الناحية التانية وانت المفروض تاخدها وتحطها على السير التاني ????
وحشني السوق المركزي وتلاجات الفاكهة الضخمة اللي كنت اخش فيها انقي اللي انا عايزه وابقى مش عايز اطلع منها.. ساقعة بقى ????
وحشني حواراتي مع البياعيم اللي مش فاهمين يعني ايه عايز كيلو موز؟!! الموز ده بيتباع بالفرشة.. يعني خد رف الموز ده وامشي.. كيلو ده تأزز فيه قبل ما تنام.. زي كدة لما كانوا بيضحكوا عليا عشان باشتري كيلو سكر كنانة مش ٥٠ كيلو .. بيعرفوا على طول اني اجنبي ????
انا حاطط برنامج كامل لزيارة السودان اول ما الحرب اللعينة دي تقيف ان شاء الله ????
#السودان
#محمد_طلبه
المصدر: موقع النيلين
كلمات دلالية: قبل ما
إقرأ أيضاً:
ساكا: هدفنا التتويج بأمم أوروبا والمباريات المتبقية ستغير حياتي
أبدى النجم بوكايو ساكا، جناح منتخب إنجلترا، سعادته بالفوز الذي حققه منتخب الأسود الثلاثة على حساب سويسرا اليوم في بطولة كأس أمم أوروبا.
وحسم منتخب انجلترا تأهله رسميًا إلى الدور نصف النهائي من بطولة يورو 2024 المقامة في ألمانيا بعد الفوز على سويسرا بركلات الترجيح اليوم في المباراة التي أقيمت بملعب مركور شبيل أرينا.
وقال ساكا الذي اختير كأفضل لاعب في مباراة ربع النهائي أمام سويسرا، أن هناك مباراتين متبقيتين “يمكنهما تغيير حياته” لاسيما وأن منتخب الأسود الثلاثة لم يسبق له التتويج بأمم أوروبا.
وأضاف ساكا: “أمامنا مباراتان يمكن أن تغيرا حياتنا، نصنع التاريخ ونحقق شيئًا لم يحققه الفريق الإنجليزي من قبل، نحن في غاية التركيز، سنشاهد المباراة أيضًا (بين هولندا وتركيا) لمعرفة قوة المنافس القادم”.