بعد إعلانه الاعتزال.. خالد الفايد يوجه رسالة لمحمد الريفي «صورة»

وجه الفنان خالد الفايد رسالة إلى النجم المعتزل محمد الريفي بالرجوع عن هذا القرار لكي لا يواجه الكثير من الندم، مشيرا إلى أن قدراته ستكون خسارة للوسط الغنائي.

خالد الفايد ينصح «محمد الريفي»

وكتب خالد الفايد عبر حسابه الرسمي بموقع التواصل الاجتماعي «فيسبوك»، قائلا: «البوست دا بكتبه للفنان المحترم محمد الريفي انا كنت لسه بسمعلك اغنية (مكتوب علينا) صوتك جميل واحساسك عالي وابتسامتك وبرائتك وانت بتغني هي سر محبة الناس ليك حقيقي انت سلطان.

. بلاش تعتزل وتقول هقول قران وبس».

محمد الريفي

وأضاف: «انت انسان كويس قول قران وغني وقدم فن نضيف يسعد الناس ويفرحهم علشان بجد حرام صوتك جميل.. المثل بيقولك اسال مجرب ولا تسألش طبيب…وانا المجرب ي ريفي جربت الطريقين وعرفت ان مفيش ولا واحد فيهم صادق مع ربنا او مع نفسه وشفت دا كله بعيني ».

وأردف: «هيقتلوا احلامك وطموحك ويسفدوا علاقاتك مع الناس اللي بتحبك وهتخسر ناس كتير.. حاول تسيطر علي المشاعر الدينيه اللي عندك شويه ومتخليش حد يستغلك من خلالها ومن خلال مشاعر طيبه جواك انك بتحب القران والعباده.. كمل فنك وقدم حاجه محترمه واحنا كلنا بنحبك وانا سمعتك وانت ف المسابقه بتقول بحب امي وعايز افرحها بيا واكسب كمل ي ريفي وفرحها بيك وخليها فخوره بيك واوعي تخسر كل حاجه بسبب ناس مش فاهمه ف الدين اي شيئ».

اقرأ أيضاًهند سعيد صالح تشيد بتربية الفنان محمود عبد العزيز لأولاده بعد القاهرة للدراما

صلاح عبد الله يمازح سفاح الجيزة: «مش هسيبه وهنتقم منك يا فهمي»

ابنة الفنان محمد نوح: والدي لديه ألحان كثيرة لم تخرج للنور

المصدر: الأسبوع