بعد الهجوم على ابنته| رسالة نارية من شريف منير للجمهور: «أنا بنتي متربية كويس جدا»

ظهرت أسما شريف منير، في حفل افتتاح مهرجان القاهرة للدراما فى دورته الثانية بالعلمين بحلاقة شعر كاملة، ولوك مختلف جعلت حولها انتقادات واسعة من الجمهورن وجدلا كبيرا، وتصدرت التريند في الساعات القليلة الماضية.

وحرصت أسما شريف منير على حلاقة شعرها كاملا مع الظهور بفستان مكشوف الكتف والساق ومنطقة البطن، مما لفتت الأنظار حول إطلالتها، وهذا الأمر جعل والدها الفنان القدير شريف منير للتدخل والتعليق وتوجيه رسالة للجمهور، لكي يبتعدون عن التعليقات السلبية الموجة لابنته.

رسالة نارية من شريف منير للجمهور 

وعبر فيديو تم نشره للفنان شريف منير عبر حسابه على إنستجرام، شارك جمهوره وهو يتناول وجبة السمك المفضله لديه مع الأرز الابيض، قائلا «إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته.. تصرف عادي جدًا مفيهوش أي حاجة».

ووجة للجمهور رسالة مفاداها: «إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها».

واستكمل قائلا: «بالمناسبة اللوك اللي عملته عاجبني وأنا مبسوط منها أوي، واللي بيقول ان بنتي مش متربية، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد».

وأضاف: «قبل ما تتكلموا بصوا على نفسكو واتفرجوا على عيلتكو وعلى إخواتكو وعلى الناس اللي حواليكو قبل ما تنتقدوا وتغلطوا وتقولوا متربتش.. لا بقى أنا بنتي متربية كويس جدًا».

وأضاف قائلا: «اللي حصل من بنتي مش غلط ومش عيب هي مغلطتش في حد فيكو ومغلطتش في نفسها وبعدين بنتي عندها 36 سنة وأم وعندها بنوتة ومسئولة عن نفسها».

وأختتم: «أنا أب مسئول إني أحميها وهي حرة في تصرفاتها، أسما أنتي شكلك زي القمر وشكلك حلو جدًا وخدتي التريند برافو عليكي، متسمعيش كلام حد ومتهتميش بكلام حد وأنا مش مهتم بالكلام اللي بيتقال عليا ولا عليها المهم إننا مش بنضر حد، سلام عليكم».

المصدر: بوابة الفجر