هل مجزرة صالحة دي هي أول مجزرة للميليشيا
تاريخ النشر: 29th, April 2025 GMT
هل مجزرة صالحة دي هي أول مجزرة للميليشيا ولا هي أول مرة تقوم بعمل بشع زي ده؟
في ناس كده بحسسوني انو ما كان متابعين الحاصل في الحرب دي وفجأة كده بقو متابعين ولا كيف ما عارف
ياخي الميليشيا دي من أول لحظة في الحرب دي شغاله فتك ومتك في المواطن
من شهر أبريل ٢٠٢٣م
والله شفناهم بقتلو ناس ساي وبعتقلو ساي و بعذبو الناس ساي وبجلدو الناس ساي
ياخي اليوم الما بتسمع فيهو الميليشيا عملت جريمة في المحيط حقنا هناك في جبرة ده كان هو الغريب
أنا ما بقول ليك الكلام ده تقليلا لأحد أو تهوين من بشاعة الحصل
لكن أنا من الناس ما قاعد أستغرب من أي شيء تعملو الميليشيا
ومتوقع منهم يعملو أي شيء وما اظن في شيء بغضب ربنا تعالى هم ما عملوا
قتل اغتصاب نهب مجازر كلو
التدوين اليومي للمواطنين و الاغتصابات وبيع النساء و جلد الأطفال و الرجال
عشان كده ما تجي فجأة وتقول الحكومة ليه ما طلعت بيان
تطلع تقول شنو يعني ؟
كدي وريني
أنا مرات بحس انو في جهات بتكون دايره تسوق الناس لغرض معين
الجريمة دي نقلبها على الجيش وبدل ما أصابع الاتهام تتجه للميليشيا لالا تتجه للجيش
الجيش مقصر
الجيش المفروض يطلع بيان
الجيش ما عارف
هو الجيش ده من أول يوم قاليك الزول ده عدو و استنفر المواطنين عشان كده وقاليك ابعدو منهم وقاعد يقاتل في الميليشيا دي من أول يوم ما فترت له همة و لا ضعف له عزم وكل يوم بقدم عشرات الشه.
وتطلع بيان لشنو زاتو
يعني لمن تطلع بيان لمنو وعشان شنو ؟
للمجتمع الدولي و لا لشنو يعني
ما هو المجتمع الدولي شاف مجازر الخرطوم والجزيرة وسنار و الفاشر ووادي هور ومعسكر زمزم و الجنينة
عمل شنو ولا قدم ليك شنو
بدل ما توجه سهامك للجيش وحكومتك
وجه سهامك للعدو
ووجه جهدك كلو لمقاومة هذا العدو
وقبل ما تنساق وراء موجة المنشورات شوف المستفيد منو من المنشورات دي ؟
مصطفى ميرغني
إنضم لقناة النيلين على واتسابالمصدر: موقع النيلين
إقرأ أيضاً:
محمد حامد جمعة: صالحة
حادثة القتل بدم بارد للمدنيين من المواطنيين بمنطقة صالحة يجب أن تتجاوز حالة الإنفعال المؤقت الذي يزول مع اهتزازات حدث أخر لتلحق بكثير أخرها أحوال المختطفين الذين خرجوا من السجون والمعتقلات الخاصة بالعدو وبعضهم شهق شهقته الأخيرة مع عبارة حمدا لله على السلامة !
والحادثة كذلك يجب أن تؤسس لوعي عام أن نفس هذه المجموعة من الشهداء والضحايا ما لم يرتفع إحساس الناس بأبعاد هذه الحرب وخطرها مع هذه الطغمة بالتيقن أنك إن لم ترفع هذا الإحساس بالخطر بشكل حازم وحاسم فلن يطول الوقت وترى هذا المصاب فيمن تعرف . إن لم يكن فيك وإن ظننت أنك آمن .وبالتالي فخيار الجميع المحتوم يجب أن يكون ألموت بخياراتهم وليس خيارات شرزمة من الأشرار وقراراتهم .والمسألة هنا تتجاوز تصنيف مدني ! هذا لم يعد ينجي فالجميع في عرف هذا الشيطان دمهم حلال وأرواحهم مشاعة للقتل . وهذا يتطلب منك ـ انت الذي تقرأ ـ أن مصير الجميع وقناعاتهم واتجاهاتهم يجب الان أن تتوحد تجاه هذه الحقائق .
2
هذا على سياق المبدأ العام الحاكم للجميع وأما على مدارج المسؤوليات يجب أن تؤخذ مثل هذه التجاوزات برد فعل رسمية منتجة . فلا تشرق شمس الغد الا وقد تحول الملف إلى بدايات إجراءات قانونية (اولهم العجل المستشار الفي الصورة دا ) . ومعروض دبلوماسي . وأظن أن آليات ذاك ميسورة . جمع كل السفراء والبعثات بالسودان وعرض الواقعة عليهم مدعمة بايضاحات راصدة لأغلب الأنشطة التدميرية التي تمت في ظرف أسبوع وهو ذات ما يمكن أن يعالج ـ بوسائل أخرى ـ في كل البقاع التي للسودان بها تمثيل هذه الواقعة تحديدا ـ حادثة الصالحة ـ وإعلاميا كذلك هناك حاجة لاستدعاء الإعلام الخارجي المعتمد وعرض القصة مدعمة بافادات رسمية ومن شخصيات . لأن تلك الافادات تعين المراسل على ترتيب تقرير موسع بشكل ايسر من مجرد التقاط مقطع مصور وإن كان داميا .
3
الأهم من هذا كله التعامل بذكاء وتوظيف عاجل لبعض التعليقات المصورة والمكتوبة لمستشاري الدعم السريع التي تثبت الواقعة أنها تمت بواسطتهم ومنسوبة إليهم وتوثيق تلك الافادات والتحرك فيها بشكل فوري وفق ملاحقة قانونية حيثما يكونون . من لا يزال بهويته السودانية يكون قد يسر الأمر على السلطات فهو تحت الطلب ـ بالقانون ـ وليس هنا شبهات توظيف سياسي للقانون فنحن إزاء جريمة وبإعترافك وانا من حاز جواز سفر وهوية أجنبية فهذا يمكن أن يلاحق بآليات أخرى تجوز هذا كل وفق قانون بلده الحديد
4
يجب التوقف عن التعامل مع مثل هذه الأحداث كأنها مشاجرة في مدرجات ملعب كرة قدم أو حادث سير وقع وشرطي المرور في عطلة رسمية . ويجب ألا يحقرن من هذه المقترحات شيئا ومنها وبالضرورة أن ينشط كل صحفي صاحب ضمير وناشط وطني بنقل هذا التجاوز لكل من يعرف من أصدقاء في العالم وليت كل هذا الانتهاك ينظم لاحقا في معارض وآليات عرض وتقديم في كل فضاء ومنبر
5
بالمناسبة : اي زول موالي للدعم ولا عاوز يتفلسف حياخد بلوك في ابو حلتو . واي زول الكلام دا ما عاجبه برشو بلوك . الكلام دا ما فيه مساحة راي وراي اخر . اتجاه واحد بس . وبكرة الصفحة دي فيها كشة عديل ..
محمد حامد جمعة نوار
إنضم لقناة النيلين على واتساب
الاشتباك في أجواء اليمن “الأشد إحراجاً لواشنطن”