قرار لحظي وانفعالي.. أسما شريف منير تكشف سر حلافة شعرها
تاريخ النشر: 26th, August 2023 GMT
علقت الفنانة اسما شريف منير عبر صفحتها على موقع الصور والفيديوهات الشهير إنستجرام ، على الهجوم الذى تعرضت له بعد ان قامت بقص شعرها .
وقالت اسما شريف منير : طيب اول حاجة شكراً علي كل ردود الفعل، الوحشة والحلوة كلها، ساعات موقف زي دي بتخلي ناس تشوف ناس تانية عاملين ازاي مجرد انهم بيعبروا عن رأيهم، وشكراً لكل الناس اللي كانت خايفة وقلقانة عليا، ممكن بقي اقولكم الحكاية من وجهة نظري ".
وتابعت اسما شريف منير : ببساطة .. اولاً الحكاية جت بالصدفة جداً وكان قرار لحظي وانفعالي جداً ومش ندمانة عليه، تاني حاجة انا مش بعمل كده عشان اطلع ترند بس كنت عارفة اني هبقي ترند، في فرق كبير بين عايزة وعارفة، على فكرة الترند ده نقمه مش حاجة حلوة خالص بس مش هدخل في الجدل ده دلوقتي.
وأضافت أسما شريف منير: تالت حاجة أنا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس، دي صفحة جديدة حلوة مليانة تفاؤل وقوة وإرادة وتحدي وجرأة وشجاعة وكل حاجة إيجابية في الكون، أنا فعلاً من فترة كنت بمر بمرحلة صعبة جداً بس كنت في رحلة بقالي شوية بتعافي منها وبقف على رجلي من الأول وكان أخرها رحلة دهب، فا تاني بالعكس ده مش اكتئاب ده مرحلة انتقالية مؤمنة اني هحقق فيها حاجات كتير..
وأختتمت حديثها : اخر حاجة الجماعة اللي مكبرين الموضوع (ده شعري مش شعرك) .. حاجة كده بجد اخيرة (انا عاجبني شكلي جداً بصراحة، شكله جامد ومديني ثقه في نفسي جداً) .
المصدر: صدى البلد
كلمات دلالية: أسما شريف أسما شريف منير الفنانة أسما شريف منير شريف منير انستجرام اسما شریف منیر
إقرأ أيضاً:
هنا الزاهد تفتح قلبها بعد الطلاق.. وقصة حب جديدة على الأبواب؟
متابعة بتجــرد: في لقاء صريح مع الإعلامي أنس بوخش ضمن برنامج “ABtalks” المعروض عبر قناته الرسمية على “يوتيوب”، تحدّثت الفنانة هنا الزاهد للمرة الأولى عن تفاصيل ما بعد انفصالها عن الفنان أحمد فهمي، كما كشفت حقيقة ارتباطها عاطفياً مجدداً.
وردّت هنا على سؤال بوخش حول صحة الأخبار المتداولة عن دخولها في قصة حب جديدة بعد الطلاق، قائلة: “ماحبتش بعد الزواج ولكن نفسي ومش عايزة أتسرع”، مؤكدةً في الوقت نفسه: “لا أنجذب للراجل اللي ميعرفش يعبر عن مشاعره”.
وعن تجربة الانفصال، قالت هنا: “الانفصال تجربة لا أتمناها لأي حد يمر بيها… قررت أتخطى المرحلة دي، وعايزة أبسط نفسي. ربنا خلاني مش فاكرة الذكريات، كأنها اتمسحت من ذاكرتي بعد خمس سنين، وقلت يا رب شيل مني كل الذكريات الحلوة… والحمد لله نسيت، ومش فاكرة حاجة منها، وربنا شال كل حاجة من قلبي ودماغي”.
كما تحدّثت عن حالتها النفسية في تلك الفترة، قائلة: “مررت بمرحلة اكتئاب، وكل حاجة فيها ماكنتش أنا… حتى الأستاذة إسعاد يونس قالت لي: ‘إنتي زعلانة’ بعد ما شافت صوري. وأنا بطبعي فرفوشة وبحب السلام النفسي، لكن عدت عليا فترة اكتئاب لمدة 8 شهور، كان شكلي غريب، وقلبي حزين… أشوف صوري مش أنا، ولا شكلي. حتى شعري كان وحش، وأنا إنسانة مبحبش المواجهة ولا بعرف أتخانق أو أعلي صوتي”.
وتُعد تصريحات هنا الزاهد من أبرز ما جاء في الحلقة، حيث لاقت تفاعلاً واسعاً من جمهورها على مواقع التواصل الاجتماعي، لما حملته من صدق وجرأة في الحديث عن مشاعرها وتجربتها الشخصية.
main 2025-04-17Bitajarod
مكافحة المخدرات تقيم معرضًا توعويًّا بأضرار ومخاطر المخدرات والسموم والمؤثرات العقلية بالكلية التقنية