شريف منير عن حلق ابنته شعرها: «بنتي متربية وبرافو عليها خدت التريند»
تاريخ النشر: 26th, August 2023 GMT
علق الفنان شريف منير على حلق ابنته الفاشينيستا أسما شعرها «زيرو»، كما فعلت الفنانة شيرين عبد الوهاب من قبل، مشيرًا إلى أنه معجب بإطلالتها الجديدة.
تعليق شريف منير على حلق ابنته أسما
وقال شريف منير خلال فيديو نشره عبر حسابه على «إنستجرام»: «مساء الخير، باكل سمك مشوي ورز أبيض، إيه الدوشة اللي إنتو عاملينها دي وإيه الضجة اللي انتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته، تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.
وأضاف «منير»: بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد.
View this post on Instagram
A post shared by Sherif Moneer (@sherifmoneerofficial)
وأكمل «منير»: قبل ما تتكلموا بصوا على نفسكو واتفرجوا على عيلتكو وعلى إخواتكو وعلى الناس اللي حواليكو قبل ما تنتقدوا وتغلطوا وتقولوا متربتش بـ 3 تعريفة أو بربع جنيه تربية، لا أنا بنتي متربية كويس جدًا.
واختتم: «بحب آكل السمك والرز بإيدي حتى في المحلات الفخمة جدًا تفتكروا دي قلة أدب مني ولا مفيش إتيكيت؟ على العموم ريحو نفسكو واهدوا شوية؛ لإن اللي حصل من بنتي مش غلط ومش عيب هي مغلطتش في حد فيكو ومغلطتش في نفسها وبعدين بنتي عندها 36 سنة وأم وعندها بنوتة ومسئولة عن نفسها.. وأنا أب مسئول إني أحميها وهي حرة في تصرفاتها، أسما أنتي شكلك زي القمر وشكلك حلو جدًا وخدتي التريند برافو عليكي، متسمعيش كلام حد ومتهتميش بكلام حد وأنا مش مهتم بالكلام اللي بيتقال عليا ولا عليها المهم إننا مش بنضر حد، سلام عليكم».
المصدر: البوابة نيوز
كلمات دلالية: شريف منير أسما شريف منير الفنان شريف منير
إقرأ أيضاً:
أسما شريف للمتنمرين عليها: بيجيلي نوبات هلع وصرع
خاص
ردت أسما ابنة الفنان المصري شريف منير، على المتنمرين على وزنها الزائد خلال حضورها لمهرجان الجونة السينمائي .
وقالت أسما، في تصريحات لـ«et بالعربي»، إنها حاليا تتناول أدوية لعلاجها من نوبات الصرع، الذي جعلها تتجنب الخروج خارج منزلها، وهذا تسبب في وزنها الزائد.
كما كشفت عن سبب حذفها لجميع صورها في حسابها بانستغرام، حيث أشارت إلى أنها قائلة :«عشت لفترة طويلة في علاقات مش مرتاحة فيها، العلاقات كانت مرهقة ومليانة أذى نفسي، دايمًا حاسة إن في حاجة ناقصة، وفي حاجة غلط، العلاقات كان فيها تضحيات كبيرة من طرف واحد، الحب والشغف اللي كنت بحلم بيهم مش موجودين».
ولفتت إلى أنها تعلمت الدرس بأنها لا تقبل علاقة متوسطة خوفا من الوحدة، مؤكدة أنها تستحق أن تكون في علاقة يسودها الحب والتقدير.
تكريم المخرج الكبير سعيد حامد بمهرجان VS-FILM