كريم فهمي عن مسلسل وتقابل حبيب: نجاح العمل كان تدريجيا
تاريخ النشر: 22nd, April 2025 GMT
عبّر الفنان كريم فهمي عن مخاوفه التي رافقته خلال عرض مسلسل "وتقابل حبيب"، مؤكدًا أن نجاح العمل كان تدريجيًا، وبدأ بشكل قوي منذ الحلقات الأولى، وازداد مع تصاعد الأحداث، لكن القلق لم يفارقه.
وقال خلال لقائه مع الإعلامية لميس الحديدي في برنامج "كلمة أخيرة" عبر شاشة ON: "من أول المسلسل والناس كانت متفاعلة، بس قلقي كان أكبر من أي حاجة، لأني كنت خايف من المقارنة مع مسلسل ونحب تاني ليه؟، وده بسبب إن نفس الثنائي موجود: أنا وياسمين عبد العزيز، وكمان الكاتب عمرو محمود ياسين وعدد من نفس فريق العمل".
أوضح كريم فهمي أنه بذل مجهودًا مضاعفًا لضمان نجاح "وتقابل حبيب"، لضمان تجاوز نجاح التجربة السابقة، مضيفًا:"كنت عاوز ننجح أكتر من ونحب تاني ليه؟، عشان كده تعبت جدًا، وتعبت عمرو محمود ياسين أكتر، كنت دايمًا خايف وبدور على كل شيء في كل تفصيلة، ومكنتش بسيب حاجة تعدي من غير نقاش طويل".
تابع بابتسامة: "أنا تعبت عمرو كتير في الشغل، ودايمًا كنا بنتخانق بسبب آراء مختلفة، بس إحنا أصحاب جدًا في الحقيقة. ونفس الشيء بيني وبين ياسمين عبد العزيز، إحنا أصدقاء، لكن في الشغل كل واحد بيفصل الصداقة عن المهنة".
عن شخصية "فارس أبو العزم"، قال كريم فهمي:"كنت شايل هم الشخصية جدًا.. عاوزها تطلع في أفضل صورة ممكنة، وده خلاني طول الوقت في حالة تركيز ومراجعة ونقاش مع عمرو وياسمين، لأن كنت نفسي .. النجاح هو إننا نقدم عمل حقيقي أفضل من اللي قبله".
المصدر: صدى البلد
كلمات دلالية: كريم فهمي لميس الحديدي كلمة أخيرة المزيد کریم فهمی
إقرأ أيضاً:
كريم فهمي يعلق على ظهوره في مسلسل إش إش .. فيديو
أكّد الفنان كريم فهمي أنه لا يشغل باله كثيرًا بفكرة البطولة أو حجم الدور بقدر ما يهتم بجودة العمل ومدى اقتناعه بالدور، مؤكدًا أن "الحب الحقيقي للمهنة" هو المحرّك الأساسي له في اختيار أعماله الفنية.
وقال خلال لقائه مع الإعلامية لميس الحديدي في برنامج "كلمة أخيرة" على قناة ON: "أنا سهل جدًا ممكن أكون بطل في مسلسل، وأطلع ضيف شرف في مسلسل تاني... لو دور صغير عجبني ومعنديش أي مشكلة، المهم أحافظ على قيمتي الفنية والأدبية".
وعن ظهوره كضيف شرف في مسلسل "إش إش" رغم تصدره البطولة في "وتقابل حبيب"، أوضح كريم: "الموضوع بدأ باتصال من المخرج محمد سامي، قالّي عايزك معايا ضيف شرف.. قولتله على طول: حاضر يا سمسم. أنا معنديش حسابات البطولة والنجم الأول.. أنا بشتغل علشان بحب الشغلانة مش علشان شهرة وخلاص".
وحول سر الارتباط الكبير من الجمهور بشخصية "فارس أبو العزم"، تساءلت لميس الحديدي إن كان السبب هو افتقاد الناس للرومانسية أو النموذج الشجاع المخلص، ليرد كريم: "النجاح رزق وتوفيق من عند ربنا، مش دايمًا المجهود بيكفي.. ممكن تشتغل وتتعب وتقدّم أحسن حاجة وربنا ما يكتبش النجاح.. أنا مش بعرف أفرح أوي بنجاحاتي.. دايمًا بقول الحمد لله، وربنا اللي بيوفق".
وعن سعيه للبطولة المطلقة، علّق كريم بمنتهى الصراحة:"مش لازم أبقى الاسم الأول، ومش بقول كده علشان مش مهم.. لأ، بس لو حسبتها كده مش هنجح، لأن النجاح بالنسبالي مش مربوط بالتصنيف، هو مربوط بالراحة الداخلية والشغف اللي بيخليني أشتغل".
واختتم حديثه قائلاً: "مايهمنيش أكون غسم أول ومش معنى كده أنها مش مهمة بس لو حسبتها بالطريقة دي مش هنجح لاني عارف نفسي أنا مش بكتب فيلم غير وأنا مبسوط.. مش بعمل حاجة غير لو حسّيت إني عايز أعملها. وبحبها دي مش بس شغلانة، دي حاجة بحبها".
الشروط الإضافية وراء الأزمة الكبرى بين الزمالك وزيزو