اتنين من الكيزان واحد ضربني بكتفه استعدلت الثاني اداني الضرية التانية حقارة منهم????

في ناس ماشاء الله عليهم واقفين مع الجيش ده ألف أحمر ومناصرين للدين و لا يرضون فيه طعنا و لا قدحا
لكن عندهم فوبيا من الكيزان جنهم وجن تقوليهو كيزان
وديل بعذرهم الكيزان ديل الصراحة كان عندهم ناس حقارين
ياخ بتذكر مرة أنا شغال حلقة في الجامعة و كلام الخير و الإيمان
الساعة الجاءوا اتنين من الكيزان واحد ضربني بكتفو استعدلت التاني اداني الضرية التانية
حقارة منهم ساي وقرصنه زي ما بقولو ????????????

و كان في واحد بهددنا عديل وبتذكر لاختلاف بسيط سقطوني في مادة
أها أنا غايتو بعد الشفتو من القحاطة مواقفي دي نسيتها واتعايشت مع الوضع واتجاوزت المرحلة دي

في النهاية أنت ما بتحاكم جماعة أو قبيلة أو أي جماعة بفعل الأشخاص لكن بتشوف النهج العام و الأثر العام و بتقيس عليهو ولا شك في كل مجموعة في الطالح و الصالح
حسي في كيزان بقو دعامه عديل ما عشان الكيزان كعبين لكن لانو ديل كانوا كعبيين وكانوا متسترين بغطاء الكوزنة وديل أفسدوا و أضروا بالكيزان أكتر من كل شيء آخر المنتفعين النفعيين عليهم من الله ما يستحقون

المهم
في ناس ما قادرين يتجاوزو المرحلة دي والتصرفات الحصلت ليهم من بعض الأفراد و انا ديل بعذرهم زي ما قلت ما دام هم ناس وطنيين ومحبين لدين الله عزوجل ولا عندي معاهم مشكلة أبدا

مصطفى ميرغني

إنضم لقناة النيلين على واتساب
.

المصدر: موقع النيلين