تعليق ناري من شريف إكرامي على انتقال زيزو لـ الأهلي: «الأحكام بقت حسب المزاج»

علق شريف إكرامي حارس مرمى بيراميدز الحالي والأهلي السابق على حالة الاحتقان المتواجدة حاليًا بين جماهير القطبين بسبب انتقالات اللاعبين، ووصفه أحيانًا بالخيانة وأحيانًا أخرى بالاحتراف.

وقال إكرامي عبر صفحته الشخصية عبر موقع « إكس »: نفس القرار ممكن يتقال عليه خيانة من لاعب واحتراف من لاعب تاني مش علشان التصرف مختلف، لكن علشان القميص اختلف.

.

الأحكام بقت حسب المزاج والمصلحة، مش المبدأ..

تسمع نفس الأشخاص بيقولوا عكس أحكامهم القديمة والتبرير بقى فن بيتفصّل على مقاس الانتماء مش على مقاس الحقيقة..

الإدارات بتوجه، والإعلام بيغذي العاطفة، والجمهور في النُص ضحية الجميع..

الاحتراف مش كلمة تتقال حسب المصلحة ولا تتشال وقت الغضب، ده الواقع وأساس اللعبة..

زي ما النادي حر، اللاعب كمان حر، قراره صح او غلط مش مهم لان مش ده الموضوع، الاهم ان الاختلاف في القرار لا عمره كان خيانة ولا قلة أصل ولا ليه علاقة بضعف أو قوة الانتماء..

الموضوع مش قرارات اللاعبين أو الأندية..

اللي محتاج يتغير هو النظرة، طريقة التفكير، والأحكام على القرارات نفسها.

نفس القرار ممكن يتقال عليه خيانة من لاعب واحتراف من لاعب تاني مش علشان التصرف مختلف، لكن علشان القميص اختلف..
الأحكام بقت حسب المزاج والمصلحة، مش المبدأ..
تسمع نفس الأشخاص بيقولوا عكس أحكامهم القديمة و التبرير بقى فن بيتفصّل على مقاس الانتماء مش على مقاس الحقيقة..
الإدارات بتوجه،…

— SherifEkramy (@SEkramyofficial) April 15, 2025

ويأتي تعليق شريف إكرامي بعد توقيع أحمد مصطفى زيزو لاعب الزمالك للغريم التقليدي الأهلي، وترحيب جماهير القلعة الحمراء للصفقة، وتأكيد نجوم المارد الأحمر السابقين أن الأمر مقبول في عصر الاحتراف.

وعلى الجانب الآخر، يرى جمهور الزمالك ونجومه السابقين، أن زيزو خان القلعة البيضاء بانتقاله للغريم التقليدي، ولم يقدر الدعم الكبير من الجماهير البيضاء له في السنوات الماضية، واعتباره أحد أساطير الفارس الأبيض.

المصدر: الأسبوع