ليه بنقول (الحركات) تمشي تفك حصار الفاشر ؟ وليه ما بنقول الجيش

انتوا يا اخوانا بتتكلموا كلام عجيب..
بتقولوا ليه بنقول (الحركات) تمشي تفك حصار الفاشر ؟
وليه ما بنقول الجيش..
يا اخوانا الجيش دا عندوا فرقة كاملة في الفاشر بتقاتل لي يومنا هذا و قوات جهاز امن و قوات احتياطي مركزي..
..
والجيش بقاتل في محاور كتيرة غير الفاشر..
بالاضافة للطيران كم طيارة اسقطت هناك..
..
اسي لو الجزيرة محتلة لسة وفيها انتهاكات وكيكل دا بقوات الدرع دي لافين لينا في نهر النيل و الشمالية كان حنخليهم يعني ؟!
الضغط دا لابد منه اذا انت اصلا حامل للسلاح و جيت اخدت مناصب باسم ناس الان في حصار وانت بي كل عتادك دا قاعد في مناطق امنة معرررد عديل بالمعني الاصح دايرنا نقول ليك شنو ؟!
ياخ القائد الواحد فيهم متحركوا المرافق قريب ١٠٠ عربية
.

.
اسي سنار وتحرير سنجة دي مع الجيش كانت المقاومة والمجاهدين ولواء عبدالله جماع والدحيش نفسه استشهد دفاعا عنها و واصلوا لحدي ما حرروها و بعدها شاركوا في الجزيرة..
الجزيرة نفسها لواء الزبير و الدرع والمستنفرين والمجاهدين بجانب الجيش ما ادخروا مجهود ولا عتاد..
ودا كلام العقل و المنطق ما العواطف..

عبدالله عمسيب

إنضم لقناة النيلين على واتساب

المصدر: موقع النيلين