«سبب خير ورزق لبناته الأربعة».. تفاصيل أزمة عصام صاصا بعد خروجه من السجن

كشف مطرب المهرجانات عصام صاصا، خلال حلوله ضيفا على برنامج «كلام الناس» عن تفاصيل أزمته بعد دهس أحد المارين على الطريق الدائري، مشيرا إلى أن ذلك الأمر تسبب في الكثير من التغيرات بحياته.

وقال عصام صاصا، خلال لقائه مع الإعلامية ياسمين عز: «المتوفي مكنش في بيني وبينه أي حاجة، واللي حصل كنت ماشي على الطريق ونصيبي وقدري وقدره أنه يموت على إيد فلان الفلاني، وربنا ممكن يكون جعلني سبب خير ورزق لـ بناته الأربعة، والناس شافت عكس كده وأني بدوس على الناس بفلوسي وأنا أقل خلق الله».

وأضاف عصام صاصا: « البني آدم مننا لو شاف قطة معدية بيعمل كل حاجة علشان ميخبطهاش، ومن حق أي حد يرسم الخيال اللي عايزه وربنا شاهد أني كنت في وعيي ولو مكنتش في وعيي كنت جريت».

وتابع عصام صاصا: «أنا كنت مصدوم وطلبت الشرطة والإسعاف، ولو كنت مشيت مكنتش هعرف أنام، واللي عملته خلاني دلوقتي أعرف أنام وراضيت بناته، واتعلمت أني أتعامل مع كل الناس عادي بس أنا عارف الشخص اللي قدامي وأحلله مليار مرة قبل ما آمن له».

وعن مواقف أصدقائه بفترة السجن، قال: «حد صاحبي موقفش جنبي وأنا مدتش ليه فرصة أنه يبرر ليا وعمره ما هيرجع لربع المكانة اللي كان فيها، أنا كنت مفضله عن الناس كلها وفيه ناس من صحابي مش بيدخلوا الزيارات بس كانوا بيبقوا قاعدين برة».

اقرأ أيضاًعصام صاصا ضيف «كلام الناس» بهذا الموعد | صورة

رحلة عصام صاصا من التزوير إلى المخدرات.. 10 تواريخ غيرت حياة مطرب المهرجانات الشهير

بعد رفض الاستئناف.. ترحيل مطرب المهرجانات عصام صاصا إلى محبسه

المصدر: الأسبوع