زي علاقة الزوج بزوجته.. تعليق مثير من نجم الأهلي السابق على صفقة زيزو

علق محمد سمير، لاعب الفريق الأول لكرة القدم بنادي زد، ومدافع الأهلي السابق، على انتقال أحمد مصطفى زيزو، إلى صفوف المارد الأحمر، ورحيله عن نادي الزمالك.

وكتب محمد سمير، عبر صفحته الشخصية على موقع التواصل الاجتماعي «فيسبوك»: «علاقه زيزو بالزمالك زي علاقة الزوج بزوجته علاقة كلها حب واحترام ومشاعر متبادلة وفياضة وبناء بيت مع بعض وعشره وسنين وأحلام وثقة».

وأضاف: «فاجأة تنام وتصحى تتفاجئ أنها بتكلم صاحبك وأنا قاصد أقول صاحبك مش حد غريب علشان وجعك من صاحبك هيبقى أصعب بكتير من وجعك لو حد غريب».

وواصل: «زي احساس الزملكاوي دلوقتي إن زيزو لو راح أي مكان غير الأهلي هيزعل بس لما يروح الأهلي دي قهرة كبيرة».

وتابع: «محدش يزعل من أي رد فعل للزملكاوية حقهم وطبيعي الوجع والاحساس صعب جدًا، وهيبقى نادي الزمالك نادي كبير أكيد وقادر على تخطي المرحلة».

واختتم: «مبروك على زيزو النادي الأهلي، إضافة كبيرة بلا شك ومكاسبها كتير مش فنيا بس، وبرافو النادي الأهلي شغال في ملفات صعبة بحرفية وصفقات مهمة هتساعد النادي في المعتركات القادمة».

المصدر: الأسبوع