زيزو في جلسة مع أيمن عبدالعزيز خلال مران الزمالك.. فيديو
تاريخ النشر: 9th, April 2025 GMT
تابع أحدث الأخبار عبر تطبيق
رصدت البوابة نيوز جلسة خاصة للاعب الفريق الأول لكرة القدم بنادي الزمالك، أحمد سيد زيزو مع أيمن عبدالعزيز، مدرب الفريق، على هامش المران الذي أقيم، اليوم، بعدما تم استبعاده من لقاء ستيلينبوش الجنوب أفريقي الذي يقام غدًا في إياب الدور ربع النهائي من بطولة الكونفدرالية الإفريقية.
وقرر نادي الزمالك استبعاد زيزو بعدما تأكد من اتفاق اللاعب على كل شيء وتوقيعه على عقود مع النادي الأهلي، وأن مسألة تجديده مع المارد الأبيض أمر شبه مستحيل.
وخرج أحمد سيد مصطفى “زيزو” نجم نادي الزمالك عن صمته في ظل الشائعات التي انتشرت حول توقيعه للنادي الأهلي ورفضه تجديد عقده مع نادي الزمالك.
قال أحمد سيد زيزو، لاعب نادي الزمالك، في بيان صحفي على صفحته على موقع التواصل الإجتماعي "الحمد لله أنا راجل بحترم كل الناس.. لكن للأسف عدم ردي علي المعلومات المغلوطة والتزامي.. كل ساعة خبر عن توقيع أو تجديد عقد زيزو. وكل واحد بيغازل الشريحة اللي عايزها من الجمهور. بسبب خبر رايح وخبر جاي".
وفيما يخص توقيع زيزو لاي ناد، قال اللاعب: بكل وضوح أنا لم أوقع لأي نادي سواء داخل أو خارج مصر اللي حصل على توقيعي يتفضل يعلن.. إذا كان كلامه صحيح؟ .. كمان اللي عنده دليل على توقيعي لأي نادي برضو يتفضل يطلعه على الملأ.. الناس لازم تعرف كويس".
وأضاف أحمد زيزو: أنا بقدر جدا الكيان الكبير اللي أنا بلعب فيه.. ولا يمكن أنكر فضله عليا ولكن فيه حاجة أنا مكنتش حابب أتكلم فيها خالص.. لأنه للأسف الأمور في الإعلام كلها في إتجاه واحد.. ليه محدش اتكلم عن حقوقي المشروعة زي أي لاعب في الدنيا.. ليه محدش اتكلم إن الناس سابتني بقالها شهور طويلة ومش عايزين يجددوا عقدي. ليه محدش اتكلم عن المستحقات المتأخرة اللي ليا بقالها كتير. ومش لاقي حد يجاوبني. ليه محدش اتكلم انه التجديد المرة دي جاي في مرحلة متقدمة من عمري بالنسبة للعيبة الكورة.. ولعيب الكورة مهما طول. عمره قصير في الملعب".
واستكمل زيزو: وأكيد كل واحد فيكم عنده أسرة. وعليه التزامات كتير.. محدش كمان اتكلم إنه ربنا سبحانه وتعالى أنعم عليا بعروض مقابلها المالي 5 أضعاف العرض اللي موجود.. ورغم كل ده. قلت وهفضل أقول أنا منتظر كلمة النادي. وده لإعتبارات كتير. مش لتجميل الصورة. والجماهير لازم تكون عارفة الحقيقة.. زيزو مش بيزايد.. ولا بيتاجر.. لكن لازم الطرف التاني يكون عايزني أكمل.. وتكون فيه استجابة لربع المعروض عليا على الأقل..".
وقال في بيانه على صفحته : "للأسف الكلام معايا حاجة.. واللي بيتقال للإعلام حاجة تانية..أنا مينفعش اجرح في حد. ولا أتكلم في حق حد.. لأن اللي بيتقال في الجلسات عيب يتقال بره.. على الأقل من ناحيتي..أنا مستني رد النادي لحد آخر يوم في الكونفدرالية.. وأتمنى ربنا يكرمنا بيها أنا وزمايلي".
وأكد: "أي كلام هيتقال غير كدة في موضوع التجديد أو التوقيع قبل الموعد ده هيكون كلام غير صحيح. ورسالتي الودية جدا للمسئولين في النادي اللي أنا بحترمهم جميعا.. أتمنى الحوار في مسألة تجديد العقد يكون بيني وبينكم.. مش عن طريق الإعلام.. وأنا كنت وما زلت واضحا معاكم في كل اللي اتكلمت فيه من أمور عادلة تساعدنا على اننا نكمل الطريق.. شكرا على تفهمكم موقفي".
المصدر: البوابة نيوز
كلمات دلالية: زيزو أحمد سيد زيزو الزمالك الكونفدرالية الأفريقية لیه محدش اتکلم نادی الزمالک
إقرأ أيضاً:
لازم تحترم جماهير الزمالك.. أحمد حسن يشن هجوما على زيزو
هاجم أحمد حسن، نجم الكرة المصرية السابق، أحمد مصطفى “زيزو ”، جناح الفريق الأول لكرة القدم بنادي الزمالك بسبب توقيعه على عقود انضمامه للأهلي بداية من الموسم المقبل، في صفقة انتقال حر.
وقال أحمد حسن، في تصريحات تلفزيونية عبر فضائية “دي ام سي”: "لازم وإنت بتختم مع النادي اللي إنت موجود فيه تخرج من الباب الكبير، وده اللي كنت أتمناه من زيزو".
وأضاف: “من حق زيزو، الانتقال إلى النادي الأهلي ومن حقه والده أن يبحث عن مصلحة ابنه، لكن ما كنت أتمناه أن يخرج زيزو، من نادي الزمالك، بدون الأزمات التي حدثت مؤخرًا”.
وتابع أحمد حسن: “من وجهة نظري ما دام زيزو، اتخذ قرارًا بالرحيل عن نادي الزمالك، كان لا يدخل في مفاوضات مع إدارة القلعة البيضاء ويقعد يسوف الموضوع كي يستمر في المشاركة لنهاية الموسم”.
وواصل: “ما كنت أتمناه مادام زيزو، اتفق مع الأهلي، مكانش يفتح المفاوضات مع الزمالك، لأن ما عملته أن نادي الزمالك، جهز الفلوس لـ زيزو، ولكن اللاعب أصبح في موقف صعب بعد توقيعه للأهلي”.
وأكمل: “الناس كانت شايفة إن زيزو، هيبقى من رموز نادي الزمالك، ألوم على زيزو، تواجده في السفارة الأمريكية للحصول على تأشيرة قبل 24 ساعة من مباراة ستيلينبوش الجنوب أفريقي”.
وتساءل أحمد حسن: “ليه ذهبت للحصول على التأشيرة في هذا التوقيت ولم تنتظر لنهاية الموسم؟ كان من الأفضل أن تنتظر لشهر مايو أو بعد انتهاء الموسم خاصة أن هناك تسهيلات في الحصول على التأشيرة، ولكن ليه في التوقيت ده وإنت لسة لاعب على ذمة نادي الزمالك”.
وأردف: “حتى لو كنت مختلف مع مجلس إدارة الزمالك، كان لازم تحترم وتقدر الجماهير، اللي هي في وقت من الأوقات وقفت معاك”.
وأتم: “أنا بلوم على زيزو، لأنه لاعب محترف ولاعب عنده عقلية احترافية وكان يجب عليه يستمر لنهاية عقده وبعدها يعمل اللي هو عايزه، مسألة الحصول على التأشيرة مش في توقيتها خالص”.
أحمد موسى: الاحتلال سيطر بشكل كامل على رفح الفلسطينية واعتبرها منطقة عازلة