زيزو: التاريخ لا يمحى ومن حقي ألعب في الأهلي

أعرب أحمد سيد "زيزو"، نجم نادي الزمالك، عن حبه واحترامه للنادى الأهلى، مؤكدًا حقه للعب لنادي القلعة الحمراء.

وقال زيزو في تصريحات نقلها  الأعلامى هانى حتحوت فى برنامج "الكلام المظبوط" النادي الأهلى نادي محترم وبحترمه زي ما بحترم الزمالك وجمهوره وحقي ألعب في الأهلي وعلى فكرة التاريخ مش بيتمسح".

ونفى زيزو  فى باقى التصريحات أن تكون مشكلته مالية، قائلاً: "الفلوس مش قضيتي.

. أنا مش أعلى لاعب أجرًا، لا من المصريين ولا الأجانب، مشكلتي هي التقدير بس اتغير عليا 7 مجالس، وعمري ما غبت ولا تمارضت".

وتحدث عن تفاصيل العرض السعودي من نادي نيوم، قائلاً: "الزمالك رفض عرض بـ11 مليون دولار لمدة سنتين، بابا قالهم: هتعوضوا ازاي؟ ردوا عليه كأنه بيطلب 60 مليون.. وهو ماكنش حصل أي تفاوض بالأرقام وقتها".

وأشار زيزو إلى تصريحات حسين لبيب، قائلاً: "قالي هندفع مقدم مناصفة بين الزمالك وممدوح عباس، والباقي في شكل فيلا تتصرف فيها بعد سنتين. ده تقدير؟ ده اللي بيتقال للاعب بيحاول يجدد؟".

وعن حديث البعض عن رحيله المحتمل للأهلي، قال زيزو: "ماوقعتش للأهلي، ومعنديش علم بابا وقع ولا لأ الأهلي نادي محترم، وحقي كلاعب ألعب في أي مكان بس أنا مش همضي لأي نادي غير لما أحسم موقفي مع الزمالك".

واختتم زيزو تصريحاته بتساؤل مؤلم: "ليه تخسروا لاعب أثبت لكم أكتر من مرة إنه بيحب النادي؟ هل دي الطريقة اللي تتعاملوا بيها مع ابن من أبناء الزمالك؟".

أحمد حسن: اتجاه داخل إدارة الزمالك بتجميد زيزو لنهاية الموسمزيزو يكشف أسباب اختياره الانتقال للأهلي: حلم كأس العالم للأنديةمشكلتي التقدير مش الفلوس.. زيزو: أنا محبط من تعامل إدارة الزمالك

المصدر: صدى البلد