كارمن سليمان تحتفل بعيد ميلاد زوجها بطريقة رومانسية
تاريخ النشر: 6th, April 2025 GMT
احتفلت الفنانة كارمن سليمان بعيد ميلاد زوجها الملحن مصطفى جاد، بطريقة رومانسية، وذلك من خلال نشر مجموعة صور جمعت بينهما في مناسبات مختلفة.
وعلقت كارمن سليمان صورها رفقة زوجها التي نشرتها عبر حسابها بموقع الصور والفيديوهات «إنستجرام» قائلة: «كل سنة واحنا مع بعض يا روح قلبي، ربنا يحفظك ويخليك ليا ولولادنا يا رب.
A post shared by Carmen Soliman (@carmensoliman)
وعلى صعيد آخر وضعت الفنانة كارمن سليمان في فبراير الماضي مولودين توأم وأطلقت عليهما تالا وتمارا، وذاع زوجها، خبر قدوم المولودين، حيث نشر عبر حسابه بموقع التواصل الاجتماعي «فيسبوك» صور جمعته مع زوجته كارمن من داخل أحد المستشفيات، وعلق قائلا: «عيلتنا كبرت الحمد لله على كريم عطاءه وتمام نعمته».
آخر أعمال كارمن سليمانوطرحت الفنانة كارمن سليمان، مؤخرا أغنية بعنوان «أسيبلك روحي»، وذلك عبر موقع الفيديوهات «يوتيوب» ومختلف المنصات الرقمية.
وأغنية «أسيبلك روحي» من كلمات مصطفى ناصر، وألحان مصطفى العسال، وتقول كلماتها التالي:
«بقى جايلي تاني تسمعني كلام بتقوله بس عشان ترجعني
ولما أرجع تضيعني ولما هضيع كلامك مش هينفعني
روح شوف بدالي انا نسيتك خلاص مبقتش انا اللي بضعفي قويتك
وشوفتك سكة ومشيتك غلطت كتير وغلطة عمري حبيتك
لو اتخير ولازم حاجة هختارها أسيبلك روحي ولا أكسرها هكسرها
حاولت اكسب وجودي معاك ولما مشيت طلع في حاجات كتير مكسبها نخسرها
مفيش دلوقتي مفيش بكره ولو محتاجني أعيشلك عيش على الذكرى
رجوعك تاني مش فكره ده عمر زمان مايرجع مهما ايه يجرى
لو اتخير ولازم حاجة هختارها أسيبلك روحي ولا أكسرها هكسرها
حاولت اكسب وجودي معاك ولما مشيت طلع في حاجات كتير مكسبها نخسرها
ومهما تقول أنا ندمان على الفاضي
يا ريت ندمان كانت بترجع الماضي».
اقرأ أيضاًهاجر الشرنوبي باكية: كنت متعلقة بوالدي جدا وبعد وفاته مريت بظروف نفسية صعبة
هالة صدقي تعرب عن سعادتها بالمشاركة في فيلم «The Seven Dogs»
المصدر: الأسبوع
كلمات دلالية: الفنانة كارمن سليمان كارمن سليمان الملحن مصطفى جاد کارمن سلیمان
إقرأ أيضاً:
اتكسرت واتلمّيت.. أسما شريف منير تحتفل بعيد ميلادها الـ 38
احتفلت أسما شريف منير، ابنة الفنان شريف منير بعيد ميلادها الـ 38.
وكتبت أسما عبر حسابها على موقع التواصل الاجتماعي فيسبوك: "في عيد ميلادي الـ ٣٨ النهارده مش مجرد رقم جديد، النهارده وقفة مع نفسي، وبصّة ورا على كل خطوة، كل خُسارة، كل ضحكة، وكل دمعة، عدّيت على حاجات كتير، اتكسرت واتلمّيت، اتحبيت واتخذلت، وقعت وقومت… لكن فوق كل ده، اتعلمت".
وتابعت: "٣٨ سنة… و٣٨ حاجة اتعلمتهم خلوني أبقى النسخة دي منّي وهما:
١. اللي بيسيبك وقت ضعفك ما يستحقكش وقت قوتك.
٢. الحب لوحده مش كفاية، لازم احترام وأمان ونية صافية.
٣. مفيش أغلى من راحة البال.
٤. الحدود مش قسوة، دي حب لنفسي.
٥. كل اللي حصل كان لازم يحصل عشان أوصل للي أنا عليه دلوقتي.
٦. الكتم مش قوة دايمًا، أوقات لازم أتكلم.
٧. الجمال الحقيقي جوايا مش في مراية ولا كاميرا.
٨. الناس بتتغير، وأنا كمان. وده طبيعي.
٩. ربنا عمره ما خذلني، حتى في أسوأ أيامي.
١٠. السُكوت مش دايمًا رضا، أوقات بيبقى وجع.
١١. اللي بيحبك بجد هيخليكي تحسي بالأمان مش التوتر.
١٢. اتعلمت أقول لأ من غير ما أبرر.
١٣. في حاجات كتير فقدتها، بس كسبت نفسي.
١٤. المغفرة مش معناها أرجّع الناس لحياتي، معناها أحرر قلبي.
١٥. مش لازم أكون كاملة عشان أكون كفاية.
١٦. الوقت بيكشف، والنية بتبان.
١٧. مفيش صدفة، كله ترتيب إلهي.
١٨. الكتابة أنقذتني.
١٩. لما بحب نفسي، كل حاجة حواليّ بتتغير.
٢٠. مش لازم أرد على كل حاجة.
٢١. اتعلمت أسمع صوتي قبل صوت الناس.
٢٢. كل ما كنت حقيقية، كل ما ارتحت أكتر.
٢٣. اتعلمت أقول “أنا تعبانة” من غير خجل.
٢٤. العلاقات مش كلها للأبد، بس كلها دروس.
٢٥. أتقبل التغيير، حتى لو وجعني.
٢٦. اللي راح مكانش ليّ، واللي جاي أحلى بكتير.
٢٧. لما بنضف قلبي، الدنيا بتنضف معاه.
٢٨. مش لازم كل حاجة تتقال. في حاجات بتتحس بس.
٢٩. الصوت اللي جوايا أهم من أي رأي خارجي.
٣٠. مش دايمًا الصح واضح، بس الإحساس بيقول.
٣١. اللي بيحسسني إني مش كفاية، ملوش مكان.
٣٢. الأمان الحقيقي في حضن ربنا.
٣٣. مش كل حاجة لازم أفهمها دلوقتي.
٣٤. في أوقات لازم أختفي عشان أرجع قوية.
٣٥. النجاح مش شهرة، النجاح سلام داخلي.
٣٦. اتعلمت أكون لنفسي اللي كنت مستنياها من الناس.
٣٧. لما ببطل أقاوم، الحياة بتسوقني للأحسن.
٣٨. أنا لسه بتعلم، ولسه قلبي مفتوح لكل جديد.
واختتمت: “النهاردة بحتفل بكل نسخ أكوني، وبحضن البنت اللي كانت، والست اللي بقت، واللي لسه جاية كل سنة وأنا أقرب لنفسي، وأكتر حب، وأكتر نور”.
الرقابة الإدارية تضبط رئيسي مجلسي إدارة سابقين ﻟﺸﺮﻛﺘﯿﻦ قابضتين بتهمة الرشوة