اتكسرت واتلمّيت.. أسما شريف منير تحتفل بعيد ميلادها الـ 38
تاريخ النشر: 5th, April 2025 GMT
احتفلت أسما شريف منير، ابنة الفنان شريف منير بعيد ميلادها الـ 38.
وكتبت أسما عبر حسابها على موقع التواصل الاجتماعي فيسبوك: "في عيد ميلادي الـ ٣٨ النهارده مش مجرد رقم جديد، النهارده وقفة مع نفسي، وبصّة ورا على كل خطوة، كل خُسارة، كل ضحكة، وكل دمعة، عدّيت على حاجات كتير، اتكسرت واتلمّيت، اتحبيت واتخذلت، وقعت وقومت… لكن فوق كل ده، اتعلمت".
وتابعت: "٣٨ سنة… و٣٨ حاجة اتعلمتهم خلوني أبقى النسخة دي منّي وهما:
١. اللي بيسيبك وقت ضعفك ما يستحقكش وقت قوتك.
٢. الحب لوحده مش كفاية، لازم احترام وأمان ونية صافية.
٣. مفيش أغلى من راحة البال.
٤. الحدود مش قسوة، دي حب لنفسي.
٥. كل اللي حصل كان لازم يحصل عشان أوصل للي أنا عليه دلوقتي.
٦. الكتم مش قوة دايمًا، أوقات لازم أتكلم.
٧. الجمال الحقيقي جوايا مش في مراية ولا كاميرا.
٨. الناس بتتغير، وأنا كمان. وده طبيعي.
٩. ربنا عمره ما خذلني، حتى في أسوأ أيامي.
١٠. السُكوت مش دايمًا رضا، أوقات بيبقى وجع.
١١. اللي بيحبك بجد هيخليكي تحسي بالأمان مش التوتر.
١٢. اتعلمت أقول لأ من غير ما أبرر.
١٣. في حاجات كتير فقدتها، بس كسبت نفسي.
١٤. المغفرة مش معناها أرجّع الناس لحياتي، معناها أحرر قلبي.
١٥. مش لازم أكون كاملة عشان أكون كفاية.
١٦. الوقت بيكشف، والنية بتبان.
١٧. مفيش صدفة، كله ترتيب إلهي.
١٨. الكتابة أنقذتني.
١٩. لما بحب نفسي، كل حاجة حواليّ بتتغير.
٢٠. مش لازم أرد على كل حاجة.
٢١. اتعلمت أسمع صوتي قبل صوت الناس.
٢٢. كل ما كنت حقيقية، كل ما ارتحت أكتر.
٢٣. اتعلمت أقول “أنا تعبانة” من غير خجل.
٢٤. العلاقات مش كلها للأبد، بس كلها دروس.
٢٥. أتقبل التغيير، حتى لو وجعني.
٢٦. اللي راح مكانش ليّ، واللي جاي أحلى بكتير.
٢٧. لما بنضف قلبي، الدنيا بتنضف معاه.
٢٨. مش لازم كل حاجة تتقال. في حاجات بتتحس بس.
٢٩. الصوت اللي جوايا أهم من أي رأي خارجي.
٣٠. مش دايمًا الصح واضح، بس الإحساس بيقول.
٣١. اللي بيحسسني إني مش كفاية، ملوش مكان.
٣٢. الأمان الحقيقي في حضن ربنا.
٣٣. مش كل حاجة لازم أفهمها دلوقتي.
٣٤. في أوقات لازم أختفي عشان أرجع قوية.
٣٥. النجاح مش شهرة، النجاح سلام داخلي.
٣٦. اتعلمت أكون لنفسي اللي كنت مستنياها من الناس.
٣٧. لما ببطل أقاوم، الحياة بتسوقني للأحسن.
٣٨. أنا لسه بتعلم، ولسه قلبي مفتوح لكل جديد.
واختتمت: “النهاردة بحتفل بكل نسخ أكوني، وبحضن البنت اللي كانت، والست اللي بقت، واللي لسه جاية كل سنة وأنا أقرب لنفسي، وأكتر حب، وأكتر نور”.
المصدر: صدى البلد
كلمات دلالية: الفنان شريف منير أسما شريف منير عيد ميلاد المزيد کل حاجة
إقرأ أيضاً:
أنا متأكد من اللي بقوله | إعلامي: زيزو في الأهلي 99.9%
أكد الإعلامي أمير هشام، أن ملف أحمد مصطفى زيزو لاعب فريق الزمالك الحالي، أصبح هناك فيه 3 أطراف بعدما دخل الأهلي طرفًا من أجل التعاقد مع اللاعب في صفقة انتقال حر.
وقال عبر برنامجه بلس 90 الذي يبث على قناة النهار الفضائية: "زيزو وقع عقود انتقاله للنادي الأهلي.. (زيزو أهلاوي)، نسبة تفعيل عقد زيزو مع الأهلي 99.9%، هذا الكلام وفقًا لمصادرنا بالكامل داخل القلعة الحمراء".
تفاصيل انضمام زيزو للاهليوأضاف: "هناك حالة واحدة فقط تمنع انتقال للأهلي ولن أخوض فيها، زيزو خلال شهر يناير دخل الفترة الحرة من عقده، وأصبح من حقه الانضمام لأي نادٍ، ومفاوضات الأهلي بدأت من منتصف شهر يناير، وكان هناك اتفاق مبدئي مع اللاعب ووالده".
وواصل: "وقع زيزو عقود انتقاله إلى النادي الأهلي، كان قبل لقاء القمة في الدور الأول الذى انتهى (1-1)".
وزاد: "زيزو ووالده جلسا مع مع محمد رمضان المدير الرياضي، ومحمد شوقي نائب المدير الرياضي لشئون الكرة، وقام اللاعب بالتوقيع على العقود لمدة 4 مواسم، ويتقاضى الموسم الأول 20 مليون والثاني 25 مليون، والثالث 30 مليون، والرابع 35 مليون، بالإضافة إلى عقود إعلانية، بخلاف أحد رجال الأعمال سيتكفل بمبلغ سنوي لـ(زيزو)، ولن أكشف عنه الآن".
وتابع: "هذه المعلومات مؤكدة بالنسبة لنا، من مصادرنا داخل النادي الأهلي، بينما من طرف اللاعب والمحيطين به والمقربين منه، وبسؤال مباشر له، هل زيزو ممكن يبقى في الزمالك، فكان رده مقتضب وقال (استمرار زيزو مع الزمالك أصبح من المعجزات)، ولذلك أصبح هناك صعوبة كبيرة في بقاء اللاعب داخل القلعة البيضاء".
وأتم: "هناك بند في عقد زيزو مع النادي الأهلي يحفظ حقوق الطرفين (اللاعب والنادي)، في حال تراجع أي طرف عن تفعيل الاتفاق الرسمي، ولذلك فأن الأمر لن يكون سهلًا، إلا لو حدث اتفاق ودي، وما علمته بأن هناك صيغة تم الاتفاق عليها، في حالة تراجع أي طرف عن إتمام التعاقد الرسمي".
وزير الإسكان يتابع موقف تنفيذ المشروعات التنموية بالعلمين الجديدة والساحل الشمالى الغربي