إلى المسؤولين العراقيين وحلفاءهم من رجال الدين !
تاريخ النشر: 5th, April 2025 GMT
بقلم : د. سمير عبيد ..
شگد بگتو..
وشگد أفسدتو
وشگد هنتو الناس اللي ما تنهان!
ملختو الخيمة ..
وماظلت قيمة ..
وجوعتو الناس لخاطر إيران !
جبتو التعبانين ..
وجبتو المنبوذين …
وخليتو انجوم إعله أچتاف الغمان!
الأطفال نسيتوها..
والنسوان انفختوها…
بوتوكس وفلتر للعوبة وأم صنان!
علناس تكبرتو..
وعلشرفاء تجاوزتو…
وما خليتو أي قيمة لأي انسان !
الدولة هشمتوها…
والخزنة انهبتوها…
وخليتو الوادم بس تردح لفلان وعلتان !
الدين ماظل دين …
وشوهتو نهج أحسين.
وتاجرتو بكل ممنوع وما مريود!
وأسستو أصنام اتعبدوها
وأجبرتو الناس يتبعوها ..
وجنستو أفغان وباكستان وحتى اهنود!
الزلزال اتقرر …
ايام ونتحرر …
من ظلم الحجي وظلم الغلمان!
ما يبقى ولا واحد ..
لا ظالم لا جاحد …
الكل ينجر بالقانون وفرمان !
الكل يخضع للقانون وسجان!
———
والتغيير القادم..
خاطف قاصف حميّان!
ونحچيها طگ بطگ
ومو كذبة نيسان !
سمير عبيد
٤ نيسان ٢٠٢٥
المصدر: شبكة انباء العراق
كلمات دلالية: احتجاجات الانتخابات البرلمانية الجيش الروسي الصدر الكرملين اوكرانيا ايران تشرين تشكيل الحكومة تظاهرات ايران رئيس الوزراء المكلف روسيا غضب الشارع مصطفى الكاظمي مظاهرات وقفات
إقرأ أيضاً: