الحلو وعرمان وأشباههم طلعوا مجرّد عملاء عارضين ذممهم في سوق النخاسة

تخيّل، بعد خسرنا مصادر دخلنا وتحويشة عمرنا، وورثة أهلنا، ودماء أبنانا وكرامة بناتنا، واتشرّدنا في البلاد، لسّة يجيك واحد حاقد داير يطلّعنا مستفيدين من الحرب!

لو فيه طبقة واحدة مستفيدة من الحرب دي فهم حميدتي وعشيرته، الموضوع مغامرة كبيرة بالنسبة ليهم، ممكن يكسبوا فيها بلد كامل، واقلّاها يفشّوا غلّهم على ناس الخرطوم الياما طفح في تصريحاتهم؛

ولو فيه طبقة تانية مستفيدة من الحرب، فياهم شلّة الرمتالة البترزّقوا بي قروش المنظّمات ويعملوا في الورش!

لو فيه حسنة واحدة ممكن تتحسب للحرب دي، فهي إنّها نسفت خطاب المركز والهامش دا مرّة واحدة وللأبد؛

الخطاب الرخيص البخلّي المثقّف يسترزق من خلال المتاجرة بمعاناة أهله؛
والحلو وعرمان وأشباههم الكانوا عاملين أبطال طلعوا مجرّد عملاء عارضين ذممهم في سوق النخاسة؛

ولو فيه درس واحد ممكن نستفيده من الحرب دي، فهو إدراك قيمة الدولة؛
المركز والأرياف زيّهم زي القلب والأطراف؛

أجزاء في جسد واحد، ما بقدر يستغنى بعضه عن بعض؛
وخطاب المركز والهامش دا سرطان يستلزم استئصاله.

Abdalla Gafar

إنضم لقناة النيلين على واتساب

المصدر: موقع النيلين