مصريات.. رمضان وبرامج الرغى والمقالب السخيفة
تاريخ النشر: 25th, March 2025 GMT
تابع أحدث الأخبار عبر تطبيق
للأسف، أصبح رمضان في البرامج والمسلسلات عبارة عن موسم بيتقدم فيه برامج خالتي اللتاتة مذيعة أو مذيع بفلوسه ينتج برنامج يستضيف فيه فنان ويدفعله أجر كبير شرط إنه يفضح نفسه ويفضح بيته ويحكيلنا عن فضايح زيجاته وطلاقه ويكشف المستور والمذيع بفلوسه بيعامله كأنه في إستجواب في المحكمة.
وأنا بقي مش حاتكلم عن سخافة برامج المقالب اللي بقت عبارة عن صراخ وشتايم تنزل عليها صفارة مع إن الضيف رايح وعارف إنه رايح يتبهدل وطالب أجر كبير علشان كده ولابس لبس ينفع في البهدلة والناس فاهمة والضيف فاهم وكله بيلعب على كله.
أما أغلب المسلسلات فهي استنساخ لنفس الفكرة البعيدة تماماً عن الواقع لبطل الحارة الوهمي الطيب اللي ييتحول لبلطجي بياخد حقه بإيده من البلطجي الكبير اللي ظلمه واللي في الاخر حايكتشف إنه طلع أبوه وإن اللي كان بيحبها وحايتجوزها طلعت أخته علشان الدراما تزيد وبعدين في آخر نفس في آخر حلقه نكتشف إنها مش أخته ويتجوزوا ويعيشوا في تبات ونبات ويخلفوا صبيان وبنات وكإن البلطجية وقتالين القتلى وتجار المخدرات أو الآثار هما العوام وكإن ماعندناش قصص طبيعية ومجتمع عادي فيه مشاكل عادية حقيقيه ممكن تتناقش أو تطرح بشكل درامي يزيد الوعي عند الناس.. ده غير بقي الستات اللي طول الوقت بتزعق وتطجن في الكلام وتصرخ ومركبة رموش شبه الزعافة وبواريك طويلة صفرا وماكياج صارخ ولازم الغني يبقي فاسد وتاجر مخدرات والفقير اللئيم اللي بيلعب على كل الأطراف والفقير المظلوم الغلبان اللي حاينتقم وياخد حقه ويحققلنا انتصار وهمي والمط والتطويل والمشاهد المكررة ولازم البطله تحسسنا إن ماجبتهاش ولادة وإنها قدرت برومشها الساحرة وصوتها المنحنح تضحك على الراجل الشرير وتوقعه في حبها ويتحول لراجل أهطل بتمشيه على العجين وطبعاً كل رجالة المسلسل بتحبها وحاتموت عليها.. طبعاً في مسلسلسلات حلوة علشان مابقاش بعمم بس أنا بتكلم عن السائد مع إن من وجهة نظري رمضان كان ممكن يستغل أكتر من كده ويتقدم فيه دراما تفيد الناس وتزود وعيهم على كل المستويات وعندنا فرصة سنة كاملة ممكن تنتقي فيها سيناريوهات حلوة ويشتغلوا عليها إنما الحالة المزرية السائدة والأفكار العقيمة دي حاتكون سبب لإنهيار المجتمع وساعتها مش حانلاقي حتي لبن مسكوب علشان نبكي عليه.
المصدر: البوابة نيوز
كلمات دلالية: مصريات
إقرأ أيضاً:
فتاة: ليه ربنا فضل الإسلام على باقي الأديان اللي خلقها؟ علي جمعة يجيب
قال الدكتور علي جمعة، مفتي الجمهورية الأسبق، وعضو هيئة كبار العلماء في الأزهر الشريف، إن الله تعالى قال (تِلْكَ الرُّسُلُ فَضَّلْنَا بَعْضَهُمْ عَلَىٰ بَعْضٍ) ونحن نؤمن بجميع الأنبياء على حد سواء.
وأضاف علي جمعة، خلال إجابته على سؤال من فتاة تقول فيه (ليه ربنا فضل الإسلام عن باقي الأديان اللي خلقها؟ أننا لا نفاضل بين الأنبياء ولكن الله تعالى هو الذي يفضل بينهم.
وأشار إلى أن القضية ليست أن دين الإسلام أفضل من سائر الديانات، ولكن القضية أن الله أرسل النبي وأمر العالمين وكل من في الأرض إلى يوم القيامة أنهم يؤمنوا به، فمن لم يؤمن به عنده شئ من النقص ولم يكتمل إيمانه، فالمسلم يصدق بكل الأنبياء وكل الكتب والقرآن كله من أوله إلى آخره ذكر اسم 25 نبي ورسول.
وتابع: ليس لدينا مشكلة مع أحد ولكن الآخرون من لديهم مشكلة معنا، فحينما نقول سيدنا النبي محمد، يقولون معلش اقف هنا بقى احنا مش بنؤمن بالنبي بتاعك، فانت كده عندك حتة ناقصة يبقى دي مشكلتك انت بقى عيش حياتك وعلى الله حكايتك.
هيئة البث الأوكراني: وفد كييف في السعودية يلتقي بالفريق الأمريكي في الرياض