أمير مرتضى منصور لمحمد سامي: استراحة محارب وهترجع أقوى يا عبقري
تاريخ النشر: 22nd, March 2025 GMT
وجه أمير مرتضى منصور رسالة دعم للمخرج محمد سامي بعد إعلان قرار اعتزال الإخراج الدرامي.
ونشر أمير مرتضى منصور صورة للمخرج محمد سامي عبر حسابه الرسمي بموقع فيسبوك، وكتب معلقا: شاطر وناجح ومجتهد ومحترم قدمت كتير للدراما المصرية في وقت قصير .
وتابع : الاعتزال مش دلوقتي لسة قدامك كتير يا صديقي .. استراحة محارب وهترجع اقوى يا عبقري .
اعتزال محمد سامي الإخراج الدرامي
وأعلن المخرج محمد سامي خلال الساعات الماضية اعتزال الإخراج الدرامي بعد مشاركته فى ماراثون رمضان الحالي بمسلسلي “سيد الناس” و"إش إش".
وكتب محمد سامي عبر حسابه الرسمي بموقع فيسبوك:"وداعا الدراما التلفزيونية، السنة دي كانت آخر أعمالي التلفزيونية، واللي فيها بودع المسلسلات، رحلة طويلة حوالي ١٥ سنة، قدمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير ومع شركات وقنوات كلها مهمة".
وتابع : دايما الجمهور بيشجعني، سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو اعتزال الإخراج التلفزيوني، ولكن كنت بنتهي من التزامات موقعة مع شركات ونجوم والحمد لله انتهيت منها وكان آخرها ٢٠٢٥، معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده، الحمد لله آخر عملين ليا إش إش وسيد الناس حققوا نجاح أنا سعيد بيه.
وأضاف: “كل يوم بلدي العظيمة مصر بتطلع صناع جداد موهوبين ومثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقي استحسان الجمهور أو إعجابهم في الآخر الفنان دايما بيجرب والفنون جنون زي ما بيقولوا”.
وأتم :" ادعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان و أجلتها كتير لحد ما لقيت نفسي بكبر وخايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجة بيحبها عشان يعمل حاجة تانية بيحبها برضه، وعايز يجربها بس محتاج عيلة تسانده على اتخاذ قراره، كل التوفيق لكل زمايلي وبحبكم وبشكركم على سنين المنافسة الجميلة اللي عملت أسماءنا كلنا وأتمنى لنفسي التوفيق في الخطوة الجديدة.
المصدر: صدى البلد
كلمات دلالية: محمد سامي اعتزال محمد سامي امير مرتضي منصور المزيد محمد سامی
إقرأ أيضاً:
قرار صادم.. محمد سامي يعتزل الإخراج
متابعة بتجــرد: في مفاجأة غير متوقعة، خاصة وسط نجاحاته التلفزيونية الأخيرة، قرر المخرج محمد سامي اعتزال العمل في الإخراج، كما أعلن عن سفره خارج مصر لمدة عامين لدراسة أحد المجالات التي يحبّها، مؤكداً أن هذا العام هو عام توديع الإخراج في الدراما التلفزيونية.
وكتب محمد سامي عبر حسابه الخاص في “فيسبوك”: “وداعاً الدراما التلفزيونية، السنة دي كانت آخر أعمالي التلفزيونية، واللي فيها بودّع المسلسلات، رحلة طويلة حوالي 15 سنة، قدّمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير ومع شركات وقنوات كلها مهمة، وكان دايماً الجمهور بيشجّعني، سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو اعتزال الإخراج التلفزيوني، ولكن كنت بنتهي من التزامات موقّعة مع شركات ونجوم والحمد لله انتهيت منها وكان آخرها 2025، معنديش حاجة أكتر أقدر أقدمها في التلفزيون، وخايف من تشبّع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده”.
وأضاف: “الحمد لله آخر عملين ليا “إش إش” و”سيد الناس” حققوا نجاح أنا سعيد بيه، كل يوم بلدي العظيمة مصر بتطلّع صنّاع جداد موهوبين ومثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة، وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم ينل استحسان الجمهور أو إعجابهم. في الآخر الفنان دايماً بيجرب والفنون جنون زي ما بيقولوا، ادعولي الفترة الجاية عندي سفر خارج مصر لفترة عامين بتعلّم فيهم حاجة جديدة بدرسها، حاجة كان نفسي أتعلّمها من زمان وأجّلتها كتير لحد ما لقيت نفسي بكبر وخايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجه بيحبها عشان يعمل حاجة تانية بيحبها برضه وعايز يجرّبها بس محتاج عيلة تسانده على اتخاذ قراره، كل التوفيق لكل زمايلي وبحبّكم وبشكركم على سنين المنافسة الجميلة اللي عملت أسماءنا كلنا وأتمنى لنفسي التوفيق في الخطوة الجديدة”.
main 2025-03-20Bitajarod
بكلمات مؤثرة إعلاميون وسياسيون يودعون الزميلة هدى شديد.. وهذا موعد الجنازة