إنك تقطع عيشي بلطجة.. فريدة سيف النصر توجه رسالة لـ محمد سامي
تاريخ النشر: 21st, March 2025 GMT
وجهت الفنانة فريدة سيف النصر رسالة دعم وتشجيع لـ المخرج محمد سامي بعد إعلان اعتزاله الإخراج التليفزيوني.
وعبر حسابها على فيسبوك، أشادت فريدة سيف النصر، بمسيرة محمد سامي الفنية، مشيرًة إلى نجاحاته المتتالية في الدراما المصرية في مسلسلاته الرمضانية إش إش وسيد الناس .
وقالت فريدة: "ارجع عن قرارك يا سامي.
لو اي غلط أنا متعرفوش يتغير يتصلح لكن مااخسرش فنان من نوع خاص الفنون جنون.. وللعلم".
وأضافت :"كل مانحب نتكلم نقول بلطجه نقدكم نفسه علشان بتملكوا ورقه وقلم وبرامج بلطجه علي اي مبدع.. انك تقطع عيشي بلطجة.. انك تعمل عليا مؤامرة بلطجة.. أن إنتاج يقولك كتير علي تلاته تعريفه بتاخدهم ويدي بمزاجه ضيوف عندك ملايين بلطجه.. لما يكون جمهورك قد الدنيا وتقعد في بيتكم بلطجه..لما يقولك توزيع يعني بيوزعوك انت لانك مسمع من المحيط للخليج..دوول قعادهم هو البلطجه وبمزاجهم مش زي الناس ماعايزه".
وتابعت: "خلليك محارب fighter..worior.مقاتل..ده شغلك موهبتك من الله أنا كده ومابسكتش عالحق.. بص احنا ماتفقناش خالص في جعفر لكن عديناها باحترام لبعض لفنك ولفني..مع المحترم الديبلوماسي رمضان..لكن مش بمزاجك تبعد ولا بمزاجي اسكت لا والله لانك فنان ..بكل حاجه سيئه أو حلوه هايقولوها عنك. كلنا خطائين..أنا والله ماعرفت في ايه..لكن البوست صعب.. توليفتك الذكيه من أعمال زمان والناس بتحب ايه دي مضايقه البعض.. انت بدءتها من ملك الترسو فريد وخناقاته ونجاحها واي حبكه دراميه موجوده في القديم وفي الحياه مشكلتك فاهم تجيب الناس ازاي وده بيقهر خدها مني أنا خبره".
وأكملت:"اللي يقول بقي عصبي كل المصريين عصبيين من الضغوط وعلي بعض من التعليقات الغل والحقد وكتير اتغيرنا..هايقولوا بيشجع المشاكل انزلوا اي حته كلهم مشاكل اتجننوا وللعلم الخناقات من زمان في كل افلام العالم ماخترعنهاش..من اول ما دخلوا بروس لي وفاندام..وكتييييير..ما خلصنا..أمي الله يرحمها كانت بتقول ..أن كرهتوهم ماتفتروش عليهم".
وأردفت: "مش بمزاجك تجري واجه نعرف غلطنا ونصلحه..وللعلم مسلسل اش اش تحفه.. ماجد المصري وادوارد وايهاب عملوا مشاهد عالميه.. طبعا مي تتحب مالهاش حل.. كلهم والله عالفرازه يعني بتعرف تحط مين فين.. وسيد الناس حلو اوووووي سيبك بقي من أعداء النجاح في عيوب أداء بقي صوت ماعرفش ايه عالي..هو المفروض في جو التوتر العائلي ده يتكلموا علي الهادي وضوء شمع ومزيكا بيانو ولا ايه..هو اي هبد..والممثلين تحفه ياللا بقي .هو في ايه بجد في ايه".
وختمت: "ولما حضرتك تمشي ده حل وكمان مي ذنبها ايه تسيبها ولا هاتاخدها ولا مالكم.. بصوا أنا فنانه بقلبي وكياني ومافيش حاجه اسمها خلليك في حالك وامشي جنب الحيطه..لاه أنا بره الحيطه والصندوق والحق حبيب الله.. من الآخر حد يقوللي أن ابني يغلط اطرده ولا انصحه واوجهه ..كل ده وانا مش فاهمه ليه قسما بالله..كل اللي هاقوله..سامي مش بمزاجك ومش هانتفرج عالموهوبين بيهربوا نسيبها لمين..مانقعد نقول واحد اتنين تلاته كذا.. الله اكبر .
المصدر: صدى البلد
كلمات دلالية: المخرج محمد سامي اعتزاله الإخراج التلفزيوني الفنانة فريدة سيف النصر رسالة المزيد محمد سامی فی ایه
إقرأ أيضاً:
أول ظهور لمحمد سامي فى عزاء حماة رامي صبري بعد اعتزاله الدراما التليفزيونية
حرص المخرج محمد سامي على حضور عزاء والدة زوجة رامي صبري الذى أقيم اليوم فى مسجد الشرطة بالشيخ زايد، ويعتبر هو الظهور الأول له بعد إعلانه اعتزال إخراج الدراما التليفزيونية.
وتلقى اليوم الفنان رامي صبري عزاء والدة زوجته بمسجد الشرطة فى الشيخ زايد.
وحرص كل من الدكتور اشرف زكي ، روجينا، أصالة، محمد سامي، مي عمر، بوسي، مصطفي قمر، والمنتج محسن جابر على تقديم واجب العزاء.
ورحلت عن عالمنا حماة رامي صبري يوم الأربعاء الماضي.
أحدث أعمال رامي صبريومن ناحية أخرى حقق حفل الميجا ستار رامي صبري الذي أقيم فى أول أيام عيد الفطر ببورتو سعيد حضورا جماهيريا ضخما من الأسر والشباب من مختلف محافظات الجمهورية .
يأتي الحفل تأكيدا لقوة القاعدة الجماهيرية التى يمتلكها رامي صبري على أرض الواقع وكسرا لقاعدة تجنب نجوم الأغنية من إحياء اولى حفلات العيد حيث يحضرها جمهور محدود باعتباره يعد يوم الأسرة عند معظم المصريين الذين يفضلونه بمنازلهم.
أحمد موسى: الاحتلال سيطر بشكل كامل على رفح الفلسطينية واعتبرها منطقة عازلة