بعد تصدره التريند.. تفاصيل اعتزال المخرج محمد سامي الدراما التلفزيونية

محمد سامى يعلن اعتزاله.. تصدر المخرج محمد سامي التريند ومحركات البحث في جوجل، بعد أن أعلن اعتزاله الإخراج للدراما التليفزيونية، وسفره للخارج لمدة عامين للدراسة.

اعتزال محمد سامي الإخراج

وكتب المخرج محمد سامي منشور عبر صفحته الشخصية بـ موقع «فيس بوك»، يعلن من خلاله اعتزاله الإخراج قائلاً: «وداعا الدراما التليفزيونية، السنة دي كانت آخر أعمالي التليفزيونية، واللي فيها بودع المسلسلات، رحلة طويلة حوالى 15 سنة، قدمت فيهم كل اللي قدرت عليه لإسعاد الجمهور العربي».

وأضاف محمد سامي: «حققت بفضل ربنا نجاحات مع نجوم كتير ومع شركات وقنوات كلها مهمة، وكان دايما الجمهور بيشجعني، سواء بردود الأفعال أو بتصويته لي في الجوائز، وأي نجاح حققته كان بفضل ربنا والجمهور».

وتابع المخرج محمد سامي: «يمكن المقربين لي عارفين إني واخد القرار ده من فترة وهو اعتزال الإخراج التلفزيوني، لكن كنت بنتهي من التزامات موقعة مع شركات ونجوم، والحمد لله انتهيت منها وكان آخرها 2025، معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده».

المخرج محمد سامي محمد سامى يعلن اعتزاله تفاصيل اعتزال المخرج محمد سامي

كما قال المخرج سامي: «الحمد لله آخر عملين لي «إش إش وسيد الناس» حققوا نجاح أنا سعيد بيه، كل يوم بلدي العظيمة مصر بتطلع صناع جداد موهوبين ومثقفين ويقدروا يقدموا أفضل من اللى قبلهم وهنفضل طول الوقت بنقدم أعمال مصرية يلتف حولها الجمهور العربى».

وتابع محمد سامي: «بشكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أى مشهد قدمته أثناء الرحلة ولم يلقى استحسان الجمهور أو إعجابهم في الآخر الفنان دايما بيجرب والفنون جنون زي ما بيقولوا».

وأضاف سامي: «ادعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسى أتعلمها من زمان وأجلتها كتير لحد ما لقيت نفسى بكبر وخايف يفوت العمر قبل ما أعمل حاجة نفسى فيها، مقتنع إن الشخص يقدر فى أى وقت يقرر يوقف حاجه بيحبها عشان يعمل حاجة تانية بيحبها برضه وعايز يجربها بس محتاج عيلة تسانده على اتخاذ قراره، كل التوفيق لكل زمايلى وبحبكم وبشكركم على سنين المنافسة الجميلة اللى عملت أسمائنا كلنا وأتمنى لنفسى التوفيق فى الخطوة الجديدة».

اقرأ أيضاً«بعد 15 عاما».. المخرج محمد سامي يعلن اعتزاله الدراما التلفزيونية

اليوم.. الحكم على المخرج محمد سامي بتهمة سب وقذف عفاف شعيب

حكم قضائي ضد المخرج محمد سامي في واقعة سب وقذف الفنانة عفاف شعيب

المصدر: الأسبوع