«بعد 15 عام».. المخرج محمد سامى يعلن اعتزاله الدراما التليفزيونية
تاريخ النشر: 20th, March 2025 GMT
أعلن المخرج محمد ساميّ، اعتزاله إخراج الدراما التليفزيونية، وفاجىء جمهوره بقرار الاعتزال فجر اليوم الخميس، عبر حساباته الشخصية على مواقع التواصل الاجتماعي.
وكتب محمد سامي: "وداعا الدراما التلفزيونية السنة دي كانت آخر أعمالي التلفزيونية، واللي فيها بودع المسلسلات، رحلة طويلة حولي ١٥ سنة، قدمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير و مع شركات وقنوات كلها مهم".
واستكمل: "دايما الجمهور بيشجعني، سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو اعتزال الإخراج التلفزيوني، لكن كنت بنتهي من التزامات موقعة مع شركات ونجوم، والحمد لله انتهيت منها وكان آخرها ٢٠٢٥، معنديش حاجة أكتر أقدر أقدمها في التلفزيون".
وتابع: "خايف من تشبع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده، الحمد لله أخر عملين ليا "إش إش" و"سيد الناس" حققوا نجاح أنا سعيد بيه".وأضاف: "كل يوم بلدي العظيمة مصر بتطلع صناع جداد موهوبين ومثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقي إستحسان الجمهور أو إعجابهم في الأخر الفنان دايما بيجرب و الفنون جنون زي ما بيقولوا".واختتم: "إدعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان وأجلتها كتير لحد مالقيت نفسي بكبر وخايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجه بيحبها عشان يعمل حاجة تانية بيحبها برضه و عايز يجربها بس محتاج عيلة تسانده علي اتخاذ قراره، كل التوفيق لكل زمايلي و بحبكم و بشكركم علي سنين المنافسة الجميلة اللي عملت أسمائنا كلنا وأتمني لنفسي التوفيق في الخطوة الجديدة".
يذكر أن المخرج قدم في الموسم الرمضاني هذا العام مسلسل إش إش للفنانة مي عمر عمر ومسلسل سيد الناس للنجم عمرو سعد.
المصدر: الأسبوع
كلمات دلالية: المخرج محمد سامى محمد سامى محمد سامى اش اش محمد سامى سيد الناس
إقرأ أيضاً:
مسافر خارج مصر.. أسباب اعتزال محمد سامي الإخراج التليفزيوني
نشر المخرج محمد سامي بيانا عبر صفحته بموقع التواصل الاجتماعي فيس بوك، أكد خلاله أن موسم دراما رمضان الحالي هو الأخير له في مجال صناعة الدراما التلفزيونية.
وشدد المخرج محمد سامي على تقديره للانتقادات التي وجهت له خلال الفترة الماضية، متمنيا التوفيق لكل زملائه.
أهم ما جاء في بيان اعتزال محمد سامي:
-سيد الناس آخر أعمالي التلفزيونية بعد رحلة ١٥ سنة.
-حققت بفضل ربنا نجاحات مع نجوم كتير و مع شركات و قنوات كلها مهمة.
-أي نجاح حققته كان بفضل ربنا و الجمهور وواخد القرار ده من فترة وهو إعتزال الإخراج التلفزيوني.
-معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي ومن الوقوع في فخ التكرار ودائرة المتوقع والملل.
-إش إش و سيد الناس حققوا نجاح أنا سعيد بيه ومصر بتطلع صناع جداد موهوبين و مثقفين و يقدروا يقدموا أفضل.
-بعتذر عن أي مشهد قدمته أثناء الرحلة ولم يلقى إستحسان الجمهور أو إعجابهم.
-عندي سفر خارج مصر لفترة عامين بتعلم فيهم حاجة جديدة بدرسها كان نفسي أتعلمها من زمان.
يذكر أن المخرج محمد سامي يعرض له مسلسل إش إش من بطولة زوجته مي عمر ومسلسل سيد الناس من بطولة عمرو سعد خلال ماراثوان الدراما الرمضاني الحالي.
رئيس الوزراء يوجه بتكثيف الجولات الميدانية للوزراء بمختلف المشروعات