كلّم ربنا | هالة زايد وزير الصحة السابق تكشف أصعب موقف تعرضت له
تاريخ النشر: 19th, March 2025 GMT
كشفت الدكتورة هالة زايد وزير الصحة السابق عن أصعب موقف تعرضت له وكان له تأثير في حياتها وهو وفاة شاب صغير توفي في غرفة العناية المركزة وكان ذلك الموقف في بداية توليها منصب وزير الصحة وقالت الدكتورة هالة زايد في تصريحات لـ برنامج كلّم ربنا مع أحمد الخطيب علي الراديو 9090: أنا عُمري ما هنسي أصعب موقف شوفته في حياتي لما بلّغوني وأنا في الوزارة بدخول شاب صغير غرفة العناية المركزة في أحد المستشفيات ورحت علشان أتابع حالته الخطره، ومات وأنا موجودة، وأم الشاب كانت واقفة علي الباب منتظرة أخرج أطمنها .
وتابعت هالة زايد وزيرة الصحة : كنت رايحة البيت متأخر والدنيا برد في الشتا، وفوجئت باتصال من وزيرة صديقة تستغيث بيا وتقولي نجل سيدة فاضلة حصل له حالة اختناق ودخل المستشفى وحالته خطرة ومرضتش أروح البيت وجريت علي المستشفى ودخلت علي الولد العناية المركزة علشان أتابع عملية إنقاذه المستحيلة كانت حالته صعبة جدا والدكاترة بيحاولوا يعملوا إنعاش قلبي حوالي ١٠ مرات لكن الشاب مات وأنا موجودة بين الدكاترة وده اللي خلّا موقفي صعب.
وأضافت هالة زايد وزيرة الصحة : الولد كان عنده ١٦ سنة ووالدته قاعده بره منتظرة علشان أخرج أطمنها واقولها انه بخير .. مقدرتش استحمل موت الولد قدام عيني ومبقتش عارفه هبلغ الأم ازاي ..
واطلع اقولها ازاي ان ابنك توفي ولما شفت الولد وهو بيموت، وشفته جثمانه بكيت.
وتابعت هالة زايد في تصريحات لبرنامج كلم ربنا : كلمت ربنا اشتكيله علشان مش قادره أخرج وأبلّغ الأم لأن رد فعلها هيوجع قلبي، وقلتله"يارب ساعدني وساعد الأم المسكينة تتجاوز الصدمة وطبطب عليها"
وأضافت هالة زايد : تمالكت نفسي وخرجت للأم وبلغتها بالخبر الحزين وانهارت بين ايديا ومشيت معاها لحد البيت ومعانا عربيه الإسعاف شايله جثمان ابنها وقعدت معاها للساعة ٤ الفجر.
وأشارت هالة زايد : في الطريق واحنا ماشيين حاولت أخفف عنها أواسيها وفكّرتها بالخير اللي عملته لملايين السيدات في مصر الأم دي هيا قدمت اقتراح عظيم لرئاسة الجمهورية بالكشف المُبكر عن سرطان الثدي علي سيدات مصر، وبقت مبادرة رئاسية ونتيجة ده تم إنقاذ ملايين السيدات من سرطان الثدي .. قلتلها اوعي تعتقدي ان ربنا ممكن ينسي لك حاجه زي دي .. ودي محنة ومحنة كبيرة وهتتعوضي عليها ، والابتلاء ده وراه رسالة كانت بتبكي بكاء شديد علي ابنها لكنها كانت مؤمنة وثابتة في اليوم ده شفت ازاي الدنيا ممكن تقف قدام موقف قاسي زي ده لأم ثكلي فقدت ابنها في لحظه، كل مشاكل وهموم الدنيا تساوي ايه جمبي حصل ؟
يومها سألت نفسي ايه اللي ممكن يجبر خاطر أم زي دي ويعوضها ؟
مكنش عندي جواب لكن دارت الأيام وهذه الأم بعد كام سنة م الواقعة دي تم اختيارها وزيرة في الحكومة واتعوضت نفسيا ع اللي حصل خاصة انها مسئولة عن وزارة كل عملها عمل خير ومساعدات .. طبعا مفيش حاجه تعوضها عن ابنها لكن ربنا طبطب عليها،
وأضافت وزيرة الصحة : أنا مؤمنه بأن أي محنة لازم ييجي وراها عوض، وعوض كبير كمان، ومش شرط يكون عوض سريع ، بالعكس بيتأخر علشان لما بييجي في الوقت المناسب بيكون مُبهر .. المحن والابتلاءات خلّتني أشوف الناس بعين تانيه وافهم المحيطين بيا واتعلم دروس تقويني .. نعم هي صعبة لكن العوض والجبر أحلي وأجمل.
المصدر: صدى البلد
كلمات دلالية: هالة زايد وزيرة الصحة أخبار وزيرة الصحة المزيد وزیرة الصحة أصعب موقف هالة زاید
إقرأ أيضاً:
«وفاء عامر» تكشف عن اللحظات الأخيرة في حياة إبراهيم شيكا لاعب الزمالك
تحدثت الفنانة وفاء عامر عن اللحظات الأخرة في حياة إبراهيم شيكا لاعب الزمالك السابق، الذي رحل اليوم عن عالمنا بعد صراع مع مرض السرطان.
وقالت وفاء عامر في تصريحات على هامش تواجدها بجنازة إبراهيم شيكا: «ارتاح، كنت عنده من 3 أيام هو كلمني مرة الساعة 4 الصبح وزوجي كان موجود قلت له دا شيكا وبعدين قالي ادعيلي يا ماما، كان دايما بيقولي يا ماما، بعدين حسيت أنه هو في لحظاته الأخيرة وقلت له حاجات وقالها ورايا».
ووجهت وفاء عامر رسالة إلى زوجة إبراهيم شيكا لاعب الزمالك السابق قائلة: «زوجته زوجة أصيلة جدا وبقولها ربنا يقويكي على ولادك وأنا عشمي فيها كان كبير أنها تقف جنبه وجنب العيال مكانتش بتنام وكانت دايما مبتسمة لأنها كانت حاسه أنه هيقوم ربنا يكون في عونها».
جنازة لاعب نادي الزمالك إبراهيم شيكاشيعت اليوم جنازة لاعب نادي الزمالك إبراهيم شيكا، من مسجد حسن شربتلي بمنطقة التجمع الخامس، وسط حضور عدد من نجوم الفن والرياضة.
سبب وفاة لاعب الزمالك السابق إبراهيم شيكاتدهورت حالة لاعب الزمالك السابق إبراهيم شيكا خلال الفترة الماضية، بعد إصابته بمرض سرطان المستقيم، والذ وصل صوله إلى مرحلة متأخرة منه.
وسرطان المستقيم، يعد أحد الأمراض التي قد لا تظهر أعراضها في مراحلها المبكرة، لكنه يصبح أكثر وضوحًا وخطورة مع مرور الوقت، مما جعل شيكا يخضع للعلاج المكثف في المستشفيات، وأدى السرطان إلى فقدانه الكثير من الوزن وتغيير ملامح وجهه.
وفاة لاعب الزمالك إبراهيم شيكاوكانت قد أعلنت شقيقة إبراهيم شيكا، لاعب الزمالك السابق خبر وفاة شقيقها عبر ستوري شاركتها على حسابها الشخصي على موقع تبادل الصور والفيديوهات «إنستجرام»، قائلة:«إبراهيم شيكا في ذمة الله»
ومن جانبه، نعى فريق «الفارس الأبيض» شيكا، إذ قال عبر حساباته على منصات التواصل الاجتماعي: «ينعى نادي الزمالك ومجلس إدارته برئاسة الكابتن حسين لبيب ببالغ الحزن والأسى وفاة المغفور له بإذن الله إبراهيم شيكا لاعب الفريق السابق».
وتابع: «يتقدم مجلس الإدارة بخالص العزاء لأسرة الراحل وكافة محبيه، سائلين المولى عز وجل أن يتغمده بواسع رحمته وأن يسكنه فسيح جناته، ويلهم أهله وذويه الصبر والسلوان، وإنا لله وإنا إليه لراجعون».
اقرأ أيضاًمحمد رمضان ينعى لاعب الزمالك السابق إبراهيم شيكا
لقاء سويدان تطمئن الجمهور على الحالة الصحية لـ نجوى فؤاد
وزير التموين يبحث فرص التعاون المشترك مع شركة ماجد الفطيم