هكذا سألني أحد الرفاق لمن وصفت صورة حمدوك بأنّها من موجبات الحظر [١]؛
سؤال جيّد؛
والله لو متخيّلني ح أقيف ضد زول واقف معاي؛
شايل بندقيّة عديييل وبحارب في عدوّي؛
واقيف معاك انت عشان صاحبي؛
تبقى عبيط بس؛
فضلاً عن كونك نذل؛
بتستغل الصحبة من أجل أجندة بتهمّك على حسابي؛
زعلت؟!
طُق!
صحبتك فايدتها شنو مادام بتدعم في أجندة ناس دايرين يودّوني معسكرات لجوء عشان يملّكوا بيتي وحلّتي ومدينتي لمستوطنين جدد، ويبيعوا بلدي لمستثمرين أجانب؟!
بعدين لو انت ذاتك كنت راضي عن كيكل وبتمدح فوقه لمن كان واقف مع الجنجويد، دايرني أنا أكون ساخط عليه لمن بقى واقف معاي ضد الجنجويد؟!
إذا كنت بتدعم البرهان لمن كان مع عدونا ضدّنا، وبتجيبه رمز سيادة وتختّه على راس الدولة، دايرنا نقيف ضدّه لمن بقى معانا ضد عدونا؟
ولمن وقف موقف يشرّفنا ويرفع راسنا، جايي الليلة تذكّرنا بي موقغه المخزي في ٣ يونيو؟
يادابك اتذكّرت وللا شنو؟!
فنعم؛
صورة كيكل بي كاكي الجيش بتشرّفني؛
قاتل بي نفسه وأهله لحدّي ما حرّر الجزيرة من دنس الجنجويد؛
ومواصل مع الأحرار لحدّي ما يتحرّر السودان كلّه؛
ويشرّفني أكتر إنّه ترك الباطل ووقف مع الحق؛
أحسن من ناس تركوا الحق واختاروا الباطل؛
وبدافعوا بي يدّينّهم ورجلينهم عن الباطل؛
ما قادرين يسمّوه باطل ذاته!
عموماً القصّة ما رفعة صور، ولا تقديس أشخاص، وإنّما تبنّي مواقف؛
موقف كيكل الحالي بشرّفني؛
لو موقف حمدوك الحالي بشرّفك، فما أظن فيه حاجة بتلمّنا؛
خلّي لينا الخائن كيكل، ومبروك عليك الشهيد البيشي؛
خلّي لينا حكومة كيزان بورتسودان، ومبروك عليك حكومة سلام نيروبي؛
خلّي لينا البرهان الجبان اللابت في البدرون، ومبروك عليك حميدتي المتقدم الصفوف لامن ما لاحقين يصوّروه؛
خلّي لينا عقّار المر، ومبروك عليك عبد العزيز الحلو؛
خلّي لينا جيش سناء حمد، ومبروك عليك أشاوس الدعم السريع؛
خلّي لينا المصباح الكوز، ومبروك عليك علاء الدين المناضل؛
خلّي لينا مرتزقة المشتركة، ومبروك عليك جماعة كفاح صندل؛
خلّي لينا أوّل السودان البليد، ومبروك عليك عباقرة السياسة؛
خلّي لينا همومنا، ومبروك عليك أوهامك!!
Abdalla Gafar
إنضم لقناة النيلين على واتساب.
المصدر: موقع النيلين
إقرأ أيضاً:
لم نساوم الدولة ولم نشترط أي مكاسب سياسية.. كيكل يحذر مستهدفى درع السودان
متابعات ـ تاق برس لفت قائد قوات درع السودان اللواء أبو عاقلة كيكل إلى انتشار العديد من المغالطات والاتهامات في الآونة الأخيرة، تستهدف قوات درع السودان. واضاف فى بيان له اليوم :”تارة يشككون في قيادتها ومسؤوليتها عن الجرائم التي وقعت في ولاية الجزيرة ومناطق أخرى، في محاولةٍ لإلصاق جرائم الدعم السريع بنا ، تلك القوة التي شهد العالم على جرائمها منذ نشأتها في دارفور وحتى الحرب الدائرة الآن”. وتابع “لسنا هنا بصدد الدفاع عن أنفسنا، فالحقائق ستُكشف عاجلاً أم آجلاً ، لكن الوقت الآن للعمل الجاد، وبنادق الأعداء لا زالت موجهة إلى صدورنا، تستهدف أرواحنا ووجودنا وأرضنا”. واضاف :”عليه فإنه من الضروري التذكير بأن أولوياتنا في قوات درع السودان هي أولويات الدولة وسيادتها وكرامة شعبها، ولهذا السبب التف الشعب السوداني حولنا وساند قضيتنا، التي هي قضيته وقضية قواته المسلحة”. واوضح كيكل فى بيانه :” انخرطنا في معركة الكرامة لم نساوم الدولة ولم نشترط أي مكاسب سياسية، وسنبقى على عهدنا مع الشعب السوداني والقوات المسلحة بحماية البلاد وحراسة السيادة الوطنية والأمن القومي” . وشدد كيكل بانهم يرفضون أي سلوك أو خطاب يهدد وحدة مؤسسات الدولة العسكرية والأمنية،، وأكد إلتزامهم بدورهم في الدفاع عن الأرض والعرض. واشار،الى ان درع السودان تعمل بتوجيهات قيادة القوات المسلحة، واضاف ان الوقت الآن للمعركة والتحرير، لا للمزايدات السياسية والمناكفات، وإنجازات قوات درع السودان الميدانية تتحدث عن نفسها. ونوه الى ان قواته قدمت “مئات الشهداء والجرحى والمفقودين، وستظل قواتنا على درب الشهداء حتى دحر العدوان الجنجويدي الغاشم عن كل شبر من أرضنا”. وجدد التزامهم الواضح والقاطع بأنهم جزء لا يتجزأ من القوات المسلحة السودانية، و على أهبة الاستعداد لترتيبات الدمج والتسريح وفقًا لقوانين المؤسسة العسكرية السودانية العريقة، متى وأينما طلبت قيادتها ذلك. درع السودانكيكل
رئيس الوزراء يوجه بتكثيف الجولات الميدانية للوزراء بمختلف المشروعات