هايل وهادي .. أشرف عبد الباقي يهنىء سامح حسين علي قطايف

هنأ الفنان أشرف عبد الباقي، عبر صفحته علي موقع التواصل الاجتماعي انستجرام ، زميله سامح حسين،  علي برنامجه قطايف . 

وقال أشرف عبد الباقي : سامح حسین عامل برنامج حلو قوي اسمه قطايف وسامح بعتبره اخويا الصغير من يوم ماقابلته وهو عامل معايا دور صغير في مسرحية اسمها حلو وكداب شفت انه هايبقي ممثل كوميدي شاطر وكان بيعمل مجهود كبير في اكتر من مجال جنب التمثيل وشاب جدع ويعتمد عليه .

 

وتابع أشرف عبد الباقي : ولما اتعرض عليا فيلم لخمة راس رشحته واتقابلت انا وهو واشتغلنا علي الشخصية وحقق نجاح في الدور وده شجعني ارشحه في راجل وست ستات وبعدها ربنا كرمه لمجهوده وحبه للشغل وانطلق بعدها ووقت ماكنت بعمل مسرح مصر اتفقت معاه انتجله مسرحية للاطفال اسمها علي بابا وبرضه كان قد الثقة. 

واستكمل أشرف عبد الباقي: وحالياً لقيته عامل برنامج علي السوشيال ميديا هايل وهادي ومناسب جدا لرمضان الف مبروك النجاح. 

المصدر: صدى البلد