بعد تصدرها التريند.. أغنية "أنا الطيب" لـ حمزة نمرة تحقق 3 مليون مشاهدة على اليوتيوب

حقق المطرب حمزة نمرة نجاحًا كبيرًا بأغنيته الجديدة «أنا الطيب»، وتحتل الأغنية حاليًا المركز الثالث في قائمة الأغاني الأكثر استماعًا وتداولًا في مصر عبر موقع الفيديوهات الشهير «يوتيوب».

 

 

ووصلت أغنية «أنا الطيب» لـ 3 مليون مشاهدة عبر اليوتيوب، حيث تُعد أول أغنية في الألبوم التي يغلب عليها الطابع الشعبي في اللحن والتوزيع، وهي من كلمات محمود فاروق، ألحان حمزة نمرة، توزيع وميكساج عمرو الخضري، جيتار مصطفي نصر، أكورديون وربابة محمود شاهي، ناي محمد عاطف.

 

أغنية أنا الطيب  كلمات أغنية أنا الطيب
 

أنا الطيب وعامل فيها مش طيب
علشان الناس بقت بتدوس على الطيب
ومين كان حس بينا يا دمعي يا قريب
بمثل اني مش طيب علشان انتو
ديابة ولازم انتش لقمتي منكم
وليه يا زمن بقى الطيب بتعيب
عامل قاسي وجواية مفيش قسوة
مليش غير قسوتي عزوة
بتدو الحق للأقوى
وبتيجو تملي على الطيب
وشراني لكن من جوة وحداني
وياما صرخت أه ياني
ودوستوا على الجراح تاني
مشفتش حد بطيب
عامل جامد لكني ورا الحيطان عيل
ولما الدنيا بتليل بشيل وشي اللي بمثل
وأروح أنام ع الجانب الطيب
يا ناس يا ناس واقف مبلم
يارب حوش يارب سلم
دانا اتجرحت جرح علم
ماشي يا دنيا
ما جبش حقي غير دراعي
يا ريتني حاوي دول أفاعي
ما فيش لطيبتي أي داعي
لا لا لا لا
أنا البعبع وشايل بين ضلوعي ملاك
ولو نزلت دموعي هلاك
يا قاسي القلب ايه قساك
وخلاط تيجي ع الطيب
أنا المأذي ومش عايز أكون مؤذي
لكن لو حتإذي هأذي
وده مش بكيفي ده حظي
ونفسي في يوم أعود طيب
ومش خواف ولو قلتكوا اني بخاف
أخاف لتقرقشوني حاف
وياما منكو قلبي شاف
عالم وحوش مبترحموش طيب
يا ناس يا ناس واقف مبلم
يارب حوش يارب سلم
دانا اتجرحت جرح علم
ماشي يا دنيا
ما جابش حقي غير دراعي
ياريتني حاوي دول أفاعي
مفيش لطيبتي أي داعي
لا لا لا لا

 

وعلى صعيد آخر، أطلق المطرب حمزة نمرة اليوم أغنيتين جديدتين بعنوان «عالم كدابة» و«أكيد راجعين»، ضمن ألبومه الغنائي الذي يحمل اسم «رايق»، وذلك عبر موقع الفيديوهات الشهير «يوتيوب» ومنصات الموسيقي المختلفة.

 

وجاءت أغنية «عالم كدابة» لـ حمزة نمرة، من كلمات حسام سعيد، ألحان عمرو الشاذلي، وأحمد الشاذلي، توزيع وميكساج عمرو الخضري، جيتار مصطفي نصر، صولو أورج محمود شامي، ربابة أمير سرور، بينما جاءت أغنية «أكيد راجعين» من كلمات محمود فاروق، ألحان وتوزيع وميكساج أندريه مينا، وإنتاج Namira productions.

 

تفاصيل عن ألبوم رايق

 

يقدم نمرة موسيقي مختلفة فى ألبوم «رايق»، وتتنوع إيقاعات الأغاني بين الموسيقى الشرقية والفيوجن والشعبي مع الفلامنكو والأفروبيت، ويتضمن الألبوم 13 أغنية وتم إصدار حتي الآن 10 أغنيات منهم، حيث يختتم أغنيات الألبوم في 6 سبتمبر القادم بأغنيتي «يا سفينة»، و«رجعنا لوجع القلب».

 

ألبوم رايق 

وأطلق حمزة نمرة مؤخرًا الأغنية الرئيسية للألبوم بعنوان «رايق»، وحققت الأغنية نجاحًا كبيرًا واحتلت قائمة الأغاني الأكثر استماعًا على اليوتيوب ومنصات الموسيقي، وتم تصوير فيديو كليب أغنية «رايق» في اليونان تحت إدارة المخرج مصطفى الصولي، والأغنية من كلمات الشاعر محمود فاروق، ألحان أندريه مينا وحمزة نمرة، وتوزيع وميكساج أندريه مينا.

كما حقق نجاحًا كبيرًا برابع أغنيات الألبوم «رياح الحياة»، ووصلت الأغنية لـ 8 مليون مشاهدة عبر موقع الفيديوهات الشهير «يوتيوب»، وهى من كلمات محمود فاروق، ألحان حمزة نمرة، توزيع وميكساج كريم عبد الوهاب، جيتار مصطفي أصلان، باص جيتار أحمد رجب، تنفيذ وتريات أحمد عاطف.

 

المصدر: بوابة الفجر