أتمني يكمل بنفس المستوي .. اندرو محسن يشيد بمسلسل لام شمسية

أشاد الناقد أندور محسن بالحلقة الاولي من مسلسل “ لام شمسية” ، والذي يقوم ببطولته أحمد السعدني وأمينة خليل . 

قال اندرو محسن علر صفحته علي موقع فيسبوك : عجبتني الحلقة الأولى من "لام شمسية" جدًا. حلقة متماسكة، وطبعًا الموضوع الأساسي مهم، بس اللي عجبني مش الموضوع في حد ذاته لكن كتابة الحلقة وتقديم الشخصيات عمومًا.

حسبة عمري يتصدر إكس بعد عرض ثاني حلقاتهصنع الله إبراهيم.. صوت الأدب المتمرد والمقاوم

وتابع اندرو محسن : المسلسل فيه علاقات أسرية متشابكة وشخصيات كتير، بشكل مربك شويه في حلقة واحدة، لكن السيناريو بدل ما يستعين بالطريقة السهلة بتاعت "مساء الخير يا طليقتي يا اللي جبت منك طفل أنا بربيه حاليًا مع مراتي الجديدة"، خلانا نتعرف على الشخصيات شويه شويه من الأحداث، ثم كان فيه تتابع طويل لعيد ميلاد بيعرفنا على الشخصيات على لسان شخصيات تانيه، وبنشوف فيه خريطة الصراعات، أو جزء منها، مين بيحب مين ومين واخد موقف من مين.

إخراجا فيه تون واضح من أول الحلقة لآخرها، بس اللي ممكن نقف عنده هو مشهد النهاية، من النادر جدًا في المسلسلات نشوف احترام لمفهوم الصمت وتأثيره للشعور باللحظة، قطعات متتالية متأنية على وشوش الشخصيات لرصد ردود فعلهم من الصدمة، اللي هو زود وقع المشهد كله على المُشاهِد ، أتمنى المسلسل يكمل بنفس المستوى.

المصدر: صدى البلد