حسام حبيب يوجه تهديدًا ناريًا ويتوعد بكشف المستور!
تاريخ النشر: 15th, March 2025 GMT
متابعة بتجــرد: نشر الفنان حسام حبيب، على خاصية القصص المصورة الملحقة على حسابه الخاص بـ”إنستغرام” منشورًا وجّه من خلاله رسالة لجمهوره، علق فيه على تصريحاته الأخيرة مع الإعلامية بسمة وهبة في برنامج “العرافة”، وحديثه عن علاقته بالفنانة شيرين عبد الوهاب.
كتب حسام قائلاً: “الحمد لله أنا بشكر ربنا على كرمه وفضله وبشكر الناس إنها سمعتني من غير هجوم ورعب وأذى وتهديد وإنكم حررتوني من تهديد صفحاتها والألتراس بتوعها، اللي فضلوا مصممين عليه وأنا لسة هعرفكم على الناس اللي شغالين معاها أصلهم إيه وهما مين وعملوا إيه وضروني إزاي”.
وأطلق حسام تهديداً قال فيه: “أقسم بالله لأخليهم عبرة لمن يعتبر وبقولهم إنتو خايفين ليه وبتفكروا تسافروا ليه فاكرين هتهربوا من المواجهة؟ بقولهم تاني لو روحتوا فين إذا عرفوا يسافروا أصلًا، وبقولهم اللي أنتم مخبيينوا عليها والضرر اللي اتسببتوا فيه ليا وليها تاني هخليكم عبرة”.
كان حسام حبيب قد وجه رسالة صادمة لشيرين عبد الوهاب، طالبها فيها بالكشف عن الحقيقة بالأدلة، محذرًا من أنه قد يُنهي حياته إذا اضطر هو للحديث عما حدث بينهما وقال: “فاض بيا الكيل من ظلمك ليا باستمرار.. الموضوع مبقاش تهريج، أنا متأذي نفسيًا من كل اللي حواليا، سيبي كل واحد فينا يروح لحاله وأنا بني آدم مريض، لو طلعت قولت الحقيقة هنتحر، علشان كده أرجوكي اطلعي قولي اللي حصل بينا بالأدلة”.
main 2025-03-15Bitajarod
المصدر: بتجرد
إقرأ أيضاً:
شائعات خطوبة حسام حبيب تثير الجدل .. وهذا أول رد من الفنان الشاب
في أول رد له على ما تم تداوله مؤخرًا بشأن خطوبته، نفى الفنان حسام حبيب تمامًا ما تردد، مؤكدًا أنه لم يصل الأمر إلى الخطوبة. وقال في تصريحاته لـ ET بالعربي: "الموضوع ما وصلش خالص للخطوبة نهائيًا، هما سبقوا الأحداث وخلّوا الموضوع يتعقّد بدل ما يحصل فيه خير، يعني اللي حصل ده، مش عارف أقولهم إيه بصراحة. وأصلاً الحاجة اللي بيتكلموا عنها عمرها ما وصلت لربع اللي بيتقال، ومش عارف الناس عايزين إيه مني بجد، على طول الناس بتخربلي حياتي".
وتابع: "إن كان في حاجة، هما كده بوّظوها، لأن أهل البنت ليهم عاداتهم وتقاليدهم، وناس محترمين جدًا جدًا، زيّ ما إحنا زمان كان لينا عاداتنا وتقاليدنا، وكنا بنحترم يعني إيه بنت، مش عارف إيه".
وأضاف: "يعني مش عارف الناس بقت بتتكلم في أي حاجة لمجرد التريند وتحقيق المشاهدات بس، وييجوا يقولوا: حسام هو اللي بيدوّر على اللقطة.. فين اللقطة اللي بدوّر عليها؟ إنتو اللي بتدوروا ورايا أهو".
وأكمل: "ابعدوا عن حياتي بقى، أنا مش عارف إيه ده! إمتى هتسيبوا الناس في حالها؟ عمرنا ما اتكلمنا عن مين خَطَب ومين اتجوز، ولو حصل، بيتكلموا بعد الأحداث، دلوقتي بيتكلموا عن بنت وليها عائلة كبيرة، وبقى كل همنا التريند والفيديو ده يجيب كام؟".
وأكد الفنان: "أنا مش عايز حد يتكلم عني، ولا الناس كلها تتكلم عني، أنا طلعت مع بسمة وهبة وقلت إن الجمهور بقى آخر همي، عشان أوصل رسالة إني مش عايز تريند، هو في فنان بيقول كده؟ هما وصلوني لكده، وكل شوية يطلعوا يقولوا إن حسام حبيب صرّح، أنا صرّحت فين؟ أنا ما قلتش حاجة لحد نهائي! وبعدين بيقولوا إن علاقتي بالبنت دي من سنين! هي أصلاً البنت عندها كام سنة عشان يتقال كده، واللي جاي بقى هيبقى وحش، وهيبقى في قضايا، ولازم كل حاجة يكون ليها حدود، ومش المفروض نتكلم عن أعراض الناس".
واختتم حسام حبيب حديثه بنبرة غاضبة: "أنا هشوف مين اللي كتب الكلام ده على لساني وهحبسه، لأني ما قلتش لأي حد، وأنا هكبر المشكلة، لأن البنت دي بنت ناس كبيرة أوي في الأردن، فهندخل القضايا ونشوف بقى!"
أسعار الدواجن والبيض اليوم.. الثلاثاء 15 أبريل 2025