مدير الكرة بالأهلي لـ«كلم ربنا»: قعدت 18 شهرا من غير شغل ومعنديش أي دخل
تاريخ النشر: 11th, March 2025 GMT
تابع أحدث الأخبار عبر تطبيق
قال محمد رمضان، مدير الكرة بالنادي الأهلي، عن حياته الخاصة،: «مرة قعدت 18 شهر بدون شغل، ومعنديش أى دخل، فوصلت عند الشهر الـ17 مراتى كان معاها دبلة دهب بس، ومعايا طارق وياسر، والأمور صعبة، وكنت خجلان فى الأول أطلب من ربنا لأنه كان معايا، وكنا وقتها فى 2022 وكنت وصلت 40 سنة وحياتى مستقرة، لغاية مراتى ما قالتلى مفيش غير الدبلة معايا، فبدأت أناجى ربنا: (اللهم فك كربي)، ففكها عليا بحاجات محلمش بيها.
وأضاف فى حوار إنساني لـ برنامج «كلم ربنا» الذي يُقدمه الكاتب الصحفي أحمد الخطيب، على راديو «9090»، فى الفترة دى أنا عمرى ما تخليت عن مساعدة أهلى، واستلفت فلوس عشان أمى وأبويا، وانا رايح أديهم الفلوس حسيت إن فى خبر كويس جاى، وقلت لمراتى كدة، كنا فى 2003 فجانى شغل مدير الكرة فى النادى المصري، فدى لحظة الفرج، لأنى طلبت رقم كبير ووافقوا عليه.
وأوضح فى 2005 لقيت واحد بيتصل بيا بيقولى فى برنامج رياضى (سوبر استارز)، بيضم لاعبيين من دول مختلفة (زى فكرة ستار أكاديمى كدة)، فوافقت من غير ما أحدد راتب، فقالى هيكون 15 ألف، يعنى هيدينى 3 آلاف دولار، وبعدها روحت نادى المقاولون بـ8 سنين (2008)، فعملت لائحة للشغل، وقعدت مع اللاعبية، وبعدها ودتها لمجلس الإدارة فحصلت أزمة لكن فى النهاية وافقوا على اللائحة، فعدت فى النادى أقول أبو دبلوم صنايع خلى المهندسين يوافقوا على اللائحة، فافتكرت الآية وإنى بينت لهم، وإن لازم يكون عندى إيمان حقيقي بربنا».
المصدر: البوابة نيوز
كلمات دلالية: الراديو 9090 المدير الرياضي بالنادي الأهلي النادي المصري النادي الاهلي برنامج كلم ربنا محمد رمضان المدير الرياضي مدير الكرة بالنادي الأهلي نادي المقاولون
إقرأ أيضاً:
حساني بشير: تعاقدت مع "القاهرة الإخبارية" ولم يكن معي سوى 30 جنيها
تابع أحدث الأخبار عبر تطبيق
قال الإعلامي القدير حساني بشير : «اتعينت فى الإخبارية ، وحسيت بالسعادة وأن ربنا لما كلمته استجاب لدعواتى ودعوات أمي وأبويا والطيبين فى المقابر اللى كنت بكلمهم بصوت عالى، (يا ناس يا مشايخ يا طيبين يا صالحين أرجوكم لو كان بتسمعونى كلموا ربنا زى ما بكلمه وسبحان الله وكأن السماء كانت مفتوحة واستجاب، لأنى ولا مرة يأست من جيوش الهموم والتعب والضيق الا جاءنى فرج الله سبحانه».
وأشار «حساني»، خلال حواره لبرنامج «كلم ربنا»، الذي يقدمه الكاتب الصحفي أحمد الخطيب، عبر الراديو «9090» إلى أنه لا يعترف بالفشل، وكان يعمل بدون واسطة، وعمل فى الإذاعة الرابعة فى مصر، وأحسن مذيع 5 مرات فى التليفزيون، بدون واسطة، وكله لما كنت بقول:( يارب أنا بكلمك.. أنت المطلع الرحيم)، وفى مرة اتجهت لأمي فى الصعيد تدعيلى عشان في حد ضايقنى، كان المدير بتاعى، كنت مذيع فى الراديو، وبعدين نجحت فى التلفزيون وعايز أنقل ومرضيش وعرقلنى اضايقت جدا جدا، وقتها كلمت أمى تدعيلى، قالت لى قوله اسمى، راح فجأة هذا الرجل بعد أسبوع من كلامى لأمى راح يدى محاضرة وقع مات، أنا استغربت روحت جريت ع المستشفى قالوا مات».
وأوضح، أنه بعد دعائه ( يا رب طبطب عليا وأنا ببص على الفجر والنجوم والمقابر)، جاء الفرج، بعدها تم إنشاء قناة القاهرة الإخبارية، ولأني كنت وجه مصرى أفريقي روحت، الغريب لما روحت ماكنش معايا غير 30 جنيه، يعنى أروح ممكن مرجعش، ومفيش فلوس، لكن الحمد لله التحقت بالمتحدة، شعرت إن دعوتى اتقبلت، وربنا طبطب عليا».
وزير الأوقاف يستقبل وفد مؤسسة مساجد لتعزيز التعاون