«ليلى علوي»: لا أمانع من كشف عمري.. وأول أجر كان 75 قرش
تاريخ النشر: 7th, March 2025 GMT
قالت الفنانة ليلى علوي أن تجارب الحياة والروح والصحة أهم من رقم العمر و أن النضج يزيد مع تقدم العمر، وكشفت في حديثها مع إيناس سلامة الشواف في برنامجها أرقام على راديو إنرجي إنها لا تمانع من كشف عمرها والأهم هو ما يفعله الشخص في حياته.
وتابعت:"متابعة الميديا لأسعار ملابس الفنانين حاجة موجودة في العالم كله وبقينا نقلدها لكن هي مش من اهتماماتي ".
وعن أول أجر لها، قالت ليلى علوي:" أول عمل قدمته كنت 7 سنين في إذاعة الشرق الأوسط ومكنش في الأول في أجر بعدها بقى 75 قرش".
وعن أرقام الإيرادات قالت ليلى علوي:"أرقام الإيرادات والمشاهدات بعتبرهم نفس الحاجة.. فالإيرادات تخص السينما والمشاهدات تخص اللي بيتعرض على المنصات ولما بتحقق مستوى معين تتحول لرقم ترند وميزة الإيرادات إن مبيتلعبش فيها "، وعن مقولة الأعلى أجرا قالت: "احنا جيل بنراعي مين الأعلى فنيًا والأعلى مقاما ومش شرط أحسن ممثل يبقى هو الأعلى أجر عشان كده رقم الأجور مش مهم أوي".
وأكملت: "رقم الترتيب على الأفيش بعتبره من حق الفنان لأنه بيتحسب بمقداره وتاريخه، رقم الناس اللي بتنقد العمل أو تشيد بيه بيهمني متابعته لأن شغلتنا زي ما بنستمتع بيها لكن لازم يكون العمل بيطرح قضية مهمة أو بيقدم شيء لايت لذيذ يعجب الجمهور".
وعن السوشيال ميديا قالت: "عدد متابعين السوشيال ميديا مش بيتحسب أرقام قد ما يتحسب استقبال وتفاعل، ودور الفنان بينتهي مع التصوير وعلى المنتج والموزع تسويقه ودعايته واختيار دور العرض واختيار التوقيت الصح لأنه مهم جدًا فى النجاح.. وكان ليا تجربة فيلم "سمع هس" اللي نزل وقت امتحانات فاتأثر بسوء التوقيت".
وعن تجارب الإنتاج قالت: "ليا تجارب إنتاجية.. شاركت في إنتاج المسلسل اللي بحبه جدا "حكايات وبنعيشها".. وزي فيلم "يا مهلبية يا" اللي اخترت نزوله في توقيت مظبوط وحققلي أرباح كبيرة ".
وعن أرقام الحظ في حياتها قالت:"بحب رقم سبعة ورقم واحد وثلاثة والأرقام الفردية عمومًا.. بحب رقم 13 ومش بنزعج منه.. بحب رقم 33.. وفي - الأرقام الزوجية بحب رقم 4 وبحمد ربنا إن في قائمة أفضل 100 فيلم في الفترة اللي فاتت كان ليا فيهم كثير ".
المصدر: الأسبوع
كلمات دلالية: ليلى علوى برامج رمضان 2025 لیلى علوی
إقرأ أيضاً:
حمو بيكا يورط رضا البحراوي.. «بطالب النقابة بالتحقيق مع كل اللي غنى الأغنية»
تابع أحدث الأخبار عبر تطبيق
علق مؤدي المهرجانات حمو بيكا على قرار إيقافه وإحالته للتحقيق، من قبل نقابة المهن الموسيقية، على خلفية الأغنية التي غناها في حفلته الأخيرة، والتي اتهم على إثرها بالإساءة لمؤسسات الدولة.
بيكا يورط رضا البحراوينشر مؤدي المهرجانات حمو بيكا على صفحته الشخصية على موقع التواصل الاجتماعى "فيس بوك"، عددا من الفيديوهات لعدد من المطربين، أثناء قيامهم بغناء نفس الأغنية، وكان من بينهم المطرب الشعبي رضا البحراوي.
رسالة حمو بيكا للنقابةوجه مؤدي المهرجانات حمو بيكا رسالة إلى نقابة المهن الموسيقية بالتحقيق مع كل من قام بغناء نفس الأغنية، وجاءت رسالته "صدر قرار وقف ليا من نقابة المهن الموسيقية وتحويلي للتحقيق .. طبعاً أي قرار يصدر عن نقابة المهن الموسيقية بخصوصي انا محترم القرار جداً وملتزم بيه".
منشور حمو بيكاوتابع بيكا: "بس أنا بطلب من سيادة النقيب المحترم استاذي النجم الكبير " مصطفي كامل، زي ما النقابة قامت باصدار قرار بوقفي والتحقيق معايا .. تصدر نفس القرار علي كل مغني بيغني نفس الأغنية دي ويتم التحقيق معهم كلهم زي بالظبط، الأغنية أنا بغنيها عادي ومش قاصد بيها اللي وصل للناس وان اي حد بيدخل الجيش بيدخل بواسطة والكلام الفارغ اللي روجه بعض الناس على مواقع السوشيال ميديا .. المقصود بكلام الأغنية أن الأم بتخاف على ابنها وهي وسطته وهي اللي مدلعة ابنها زي ام في الدنيا .. وده موال قديم جداً ومش مقصود منه الاستهانه بجيشنا ولا حد يجرئ أنه يستهين بجيش بلدنا العظيم .. وأنا ابن بلد وكنت واحد من جيش البلد وخدمت في جيش بلدي .. وزي ما اخواتي الصحفيين شيرو البوستات .. يشيرو البوست ده وأنا رافعلهم مطربين تانين وهما بيغنوها برضه".
واختتم مؤدي المهرجانات حديثه "وفي اخر كلامي .. أنا بحترم نقابه المهن الموسيقية وبحترم كل قرارتها وبحترم كل مؤسسات الدولة،
وكل عام وقائدنا الرئيس عبد الفتاح السيسي وجيشنا العظيم بخير بمناسبة عيد تحرير سيناء".
وكانت أصدرت نقابة المهن الموسيقية قرار بإيقاف تصريح مؤدي المهرجانات حمو بيكا، لحين التحقيق معه بسبب اغنية له في حفله الأخير، وتم توجه اتهام بالإساءة لمؤسسات الدولة.
العراق يوجه دعوة رسمية لأحمد الشرع للمشاركة في القمة العربية